Fesoasoani o le Olaga
Malamalama i Ala o Faasalalauga

“Malamalama i Ala o Faasalalauga,” Saogalemu o Ala o Faasalalauga (2020)

“Malamalama i Ala o Faasalalauga,” Saogalemu o Ala o Faasalalauga

Malamalama i Ala o Faasalalauga

o le tamā ma le afafine i luga o le tapeleti

O ala o faasalalauga ma le alualu i luma o tekinolosi o ni meaalofa matagofie mai le Atua. E mafai e nei mea ona faasalalauina atu le talalelei i le lalolagi, galueaiina talafaasolopito o aiga i ala e maofa ai, ma fesootai ai ma tagata e te alofa i ai. E ui o le tele o faamanuiaga e oo mai mai le faaaogaina lelei o le tekinolosi, e taua le malamalama i le ala sili ona lelei e faaaoga ai nei meafaigaluega.

O aafiaga a le Agaga i lou olaga e mafai ona faamalosiauina pe faavaivaia e faalagolago lea i au filifiliga e faatatau i ala o faasalalauga. Na uunaia e Elder David A. Bednar soo o Iesu Keriso e faaaoga nei meafaigaluega musuia i ala talafeagai ma ia sili ona aoga e:

  • “Molimau i le Atua le Tama e Faavavau, Lana fuafuaga o le fiafia mo Lana fanau, ma Lona Alo, o Iesu Keriso, o le Faaola o le lalolagi.”

  • “Folafola atu le moni o le Toefuataiga o le talalelei i aso e gata ai.”

  • “Faataunuu le galuega a le Alii“ (“To Sweep the Earth as with a Flood” [Brigham Young University Education Week devotional, Aok. 19, 2014], ChurchofJesusChrist.org).