Fesoasoani o le Olaga
Faaaogaina ma le Atamai o Ala o Faasalalauga

“Faaaogaina ma le Atamai o Ala o Faasalalauga,” Saogalemu o Ala o Faasalalauga (2020)

“Faaaogaina ma le Atamai o Ala o Faasalalauga,” Saogalemu o Ala o Faasalalauga

Faaaogaina ma le Atamai o Ala o Faasalalauga

tamaitiiti o loo taina le piano

Filifili nei le ala o le a e faaaogaina ai ala o faasalalauga ma tekinolosi. Sauniuni nei i le faataitaia o mataupu faavae sa’o mo le malosiaga i taimi faigata. Ua fautuaina i tatou, “O le mea lea, ia outou tutu ai i nofoaga paia, ma aua le masi’i ese seia oo mai le aso o le Alii; aua faauta, e vave lava ona oo mai, ua fetalai mai ai le Alii” (Mataupu Faavae ma Feagaiga 87:8). Mafaufau e faaaoga le mau lenei o se taiala mo lou tulaga i lou faaaogaina o ala o faasalalauga. Fai se taumafaiga ina ia e i ai i nofoga lea e mafai ona i ai pea le Agaga faatasi ma oe.

tāmā o loo sapaia le pepe

“Uso e ma tuagane, o faapefea ona tatou puipuia a tatou fanau ma talavou? O faamama o ni meafaigaluega aoga, ae o le faamama silisili i le lalolagi, ma e na o le pau lea o le mea o le a iu ina aoga, o le faamama lea e i totonu o le tagata lava ia lea e oo mai i se molimau loloto ma tumau i le alofa o lo tatou Tama Faalelagi ma le taulaga togiola a lo tatou Faaola mo i tatou taitoatasi,” (Linda S. Reeves, “Puipuiga mai Ponokalafi---o se Aiga e Taulai atu ia Keriso,” Liahona, Me 2014, 16).

E faapei o le lalolagi lava ia, o ala o faasalalauga o se meaalofa faavavega mai le Atua. Peita’i, e pei ona ia faia i meaalofa uma, e tele ina taumafai le fili e aveese mai tatou mai manaoga amiotonu ma musumusuga mai le Agaga.