Sauaina
Faaaogaina ma le Saogalemu o Tekinolosi

“Faaaogaina ma le Saogalemu o Tekinolosi,” Taofiga ma Puipuiga (2018).

“Faaaogaina ma le Saogalemu o Tekinolosi,” Taofiga ma Puipuiga.

Faaaogaina ma le Saogalemu o Tekinolosi

O le aoao atu o lau fanau e faaaoga ma le poto tekinolosi e mafai ona fesoasoani e puipuia ai pea i latou mai e o saili e faamanualia i latou. E fesoasoani foi latou te aoao ai tulaga faatonuina mo le saogalemu ma le auala latou te mafai ai ona aloese mai le faamanualia o isi e ala i mea e pei o le faatamatama/faasaua faaeletonika po o le uiga faamalosi i le initoneti. I le avea ai ma se matua, e mafai ona fai oe ma faataitaiga i le auala e faaaoga saogalemu ai ma le tatau tekinolosi. Tagai totoa i au oe lava mausa ma sui pe a manaomia.

Na aoao mai e Sister Joy D. Jones, Peresitene Aoao o le Peraimeri: “Po o a lava manaoga mo o tatou aiga taitasi, ia tatou aoao tagata taitoatasi o le aiga e faaaoga ma le atamai le tekinolosi mai le amataga--- e atiina ae ai se mafaufau mama. Sei o tatou aoaoina tamaiti i auala aoga e faaaoga ai tekinolosi mo le lelei. E mafai ona tatou aoao atu i latou ina ia iloilo e ala i le fesili ifo ia i latou lava, “O le faaaogaina o lenei mea e i ai se faamoemoega lelei?” O a tatou filifiliga i le auala e aoao ai o tatou aiga i le taimi nei o le a aafia ai augatupulaga o le lumanai” (“E Amata Ia I Tatou” [lauga na faia i le Konafesi o le Faapotopotoga e Tetee Atu i Ponokalafi i Iuta, 10 Mati, 2018], commonnewsroom.org).

Faatulagaina o Tulaga Faatonuina

O se vaega taua o le saogalemu o le faamautinoaina lea e na o le pau le taimi e faaaoga ai e tamaiti ia masini tekinolosi pe a lava le matutua e faaaoga ai ma le tatau. Afai ua e lagona e mafai ona faaaoga tatau e lou alo le tekinolosi, ia faatulaga faatasi ni tulaga faatonuina ina ia fesoasoani e saogalemu ai le aiga.

E taua mo tamaiti le iloa e le o tagata uma o loo i le initoneti o se “uo.” Aoao soo le fanau i le auala e faaaogaina ai ma le poto ia masini faatekinolosi.

E tatau i le fanau ona iloa o loo faaaluina lou taimi e fesoasoani ai ia i latou. Mafaufau e faasoa atu le mea lenei pe a fai se fuafuaga saogalemu o le faaaogaina o le tekinolosi ma lau fanau.

  • O le auala e fatuai ai ni faamatalaga talafeagai mo saite o upegafesootai faaagafesootai.

  • O le auala e taulimaina ai le faatamatama po o le faasaua faaeletonika po o feau tusitusia lē talafeagai.

  • O le mea e fai pe a latou vaaia ni amioga po o ata le talafeagai.

  • O ituaiga faamatalaga po o mataupu e talafeagai ona faasoa i le initoneti.

  • O fea e talafeagai ma saogalemu ona faaaoga ai masini faatekinolosi.

  • O le mafuaaga ua i ai ai i matua le tiutetauave e faatulaga ai ni tulaga faatonuina ma le faaaogaina saogalemu o masini faatekinolosi.

Taulai atu i auala e puipuia ai mai ni faafitauli i le lumanai. Atonu ua lagona e le tamaitiiti le popole ma le maasiasi pe a faapea ua vaaia i latou o auai i ni mataupu ma amioga le talafeagai, ma o lau auala malu o le a fesoasoani ia te ia e lagona mautinoa ai lona fesootai atu ia te oe i le lumanai.

Manatu ane i nisi o tulaga faatonuina nei mo le aiga, ma faatulaga faatasi ni taiala. Fai se talanoaga ma lau fanau e uiga i le:

  • Faatapulaaina o taimi e faaaoga ai le initoneti.

  • Faatapulaaina fesootaiga i aiga ma uo vavalalata o le aiga i le initoneti.

  • Faia o ni taimi taliaina ma faatapulaaina mo le faaaogaina o le tekinolosi.

  • Faatulaga se taimi masani i aso taitasi po o le vaiaso e “o ese ai” le aiga mai masini fesootai

  • Faatulaga ni sone i ni vaega o le fale e faaaoga ai le tekinolosi.

  • Faatulaga se nofoaga a le aiga e fafaga ai e tamaiti maa o masini faatekinolosi i po taitasi pe a momoe.

  • Polokaina o polokalama lē talafeagai ma lē saogalemu, o le tele e faatagaina ai tusiga e le’i faamamaina.

  • Mulimulitai o le tasi i le isi i polokalama o ala o faasalalauga faaagafesootai.

Faaaogaina o Faamama Faatekinolosi

Ia manatua o polokalama faatonutonu ma faamama e le mafai ona polokaina vaega e lē talafeagai uma. Ae ui i lea, e tele punaoa e mafai ona fesoasoani.

  • Faatulagaga po o polokalama faatonutonu saogalemu. O polokalama faaopoopo e mafai ai ona e filifilia mataupu saogalemu mo lau fanau, iloilo le aofai o le taimi sa latou faaaluina i gaoioiga eseese, ma faasa ona latou matamata i mea mataga E mafai foi ona e faia ni polokalama saili ma faasolo e faamama ese ai vaega lē talafeagai.

  • Faamama vaega i le initoneti. E mafai e faamama ona taofia ni anomea lamatia mai le oo atu i fanau laiti. Mafaufau i ni polokalama faamama, komepiuta faamama, ma initoneti faamama.

Faaaogaina o Faamama o i Totonu

Fesoasoani i fanau e malamalama o le faamama sili ona taua ma aoga o loo i totonu o o latou lava mafaufau ma loto. O le fesiligia o nei fesili e mafai ona avea ma se laasaga lelei muamua.

  • Pe o ou faaaogaina tekinolosi i ni auala e faagaeetia ai?

  • Pe o ou teuina saogalemu a’u faamatalaga patino mai isi?

  • Pe o ou atiinaeina isi pe o tosoina i latou i lalo?

  • Pe o ou faaeteete i mea o loo ou faasoaina atu i le initoneti?

O le faatulagaina mautu o ni taiala ma le avea ai o le Agaga Paia ma o tatou taitai, e mafai ona tatou faaaogaina masini faatekinolosi e faalauteleina ai a tatou sailiiliga mo mea e “mama, matagofie, logoleleia pe tauleleia” (Mataupu Faavae o le Faatuatua 1:13).

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoe e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.