Jipan̄ Ekkal Mōnjar ko im Jikin ko Jet n̄an Kabun̄jar

Pedped in Tōl ko

Āinwōt juon jikin ekkal an m̧ōnjar ekāāl em̧ōj ļōmņake, ritōl ro an Kabun̄ in im rijerbal ro rej kōjerbal pedped in tōl kein:

1. Un̄n̄are peid make—Jej kajjieon̄ n̄an jipan̄ eddōkļo̧k eo aitok kitien em̧m̧an an Kabun̄ in. Kajjojo jikin ko Kabun̄ in rej aikuj in wōr juon aer kōttōbar n̄an un̄n̄are peid make eo ejjab aetok kitien.

2. Jipan̄ ko repelļo̧k—Kōmij lukkuun lale aorōk in katakin gospel eo, kein jipan̄ ko, im jipan̄ ko repeļļo̧k n̄an aolep. Jikin ko em̧ōj aer eddōkļo̧k aikuj jipan̄ Eria ko emōj aer eddōklo̧k im make lo̧k iaer rej maron̄ jiban̄ ilo eria ko redrik n̄an un̄are peid make.

3. Ribōk eddo eo etiljek—Kōj jej ribōk eddo ro re tiljek an menin jiban̄ ko rekwojarjar. Kemij lōm̧ņak ekōjkan kelet ko renaaj jelet ro uwaan Kabun̄ in’ kajjojo raan in aer mour im ijo Kabun̄ in ej jiban̄ kake n̄an bōk koņaan.

Eria im ritōl ro an priesthood eo an Aron rej kajjeon̄ in kopaik karōk kein emōj kemleleik ilo Karōk im tōl ko n̄an M̧wōn kweiļo̧k eo pepa in kam̧o̧o̧l mokta jān ejaake bar juon jikin jeje.

Jokkin wōt juon im bar Jerbale

Aolep im̧ōn kwelo̧k ko aikuj wōr jōkjōk in ekkal ko renaj jiban̄ļo̧k iien ekatak kabun̄ jar im būrokūraam ko an Kabun̄ in. Men kein ekoba juon jikin ejnolo̧k n̄an an aolep koba ippen doon, katak, im kōm̧m̧an makūtkūt ko. Jo̧n̄an aikuj ko an Bukōn—ekoba jo̧n̄an kajjojo jo̧n̄o̧k ko im jerbal in tōl—ebar maron̄ koba bar jerbale elan̄e jiban̄ kin im̧ōn kweilo̧k ko.

Im̧ōn kweilo̧k eo emaron̄ im̧ōn membōr eo, juon im̧ōn jikuul ilo bukōn eo ak im̧ōn kweilo̧k an jukjuk in bed eo, jikin ko em̧ōj liiji, im̧ōn Jar ko kar kalōki ak jikin ko kar kōllā woneer, ak ko jet lōm̧naki. Kajjojo men kein remaron̄ jet ko remaron̄ aeto̧k kitieer n̄an bukōt mejaler n̄an jo̧n̄an kajjojo iunit ko n̄an aolep jaij ko, āinwōt ilo an kar weppān jen Eria Būrejtōnji. Kōjerbal technology, āinwōt kein alo̧o̧j pija ko, maron̄ jiban̄ kōn kein jiban̄ rot kein.

Kōm̧m̧an bwe en lap Jikin kar Bedbed wōt ioon Aikuj

Eria im ritōl ro an bukōn rej kajjeon̄ in kōkajoorļo̧k lōmņak in kaetokļo̧k iien kōjerbal im̧ōn kweilo̧k kein m̧okta jān kajitōk n̄an kōlapļo̧k kōtaan juon jikin. Kōtaan jikin kein rej aikuj kar dedelo̧k kepo̧o̧ji ālkin errā kake lōmņak ko rellap ilōn̄tata ak o̧ran kajjojo ruum̧ ko ilo juon em̧ nikai, āinwōt bar menin jiban̄ ko jet itu likin tōrerein jikin ko an ward ak stake ilo iien ito itak ko jān Eria Būrejtōnji eo. Rijerbal ro rej jerbal ilo melaaj eo an im̧ōn jar eo, rej jerbal ippen ritōl ro an bukon ko, renaaj kōm̧m̧an karōk ko n̄an kadiklo̧k kōjerbal kein jiban̄ ko jān Kabun̄ in, n̄an lale kōj make ilowaan wōt jikin ko an stake.

Maron̄ kakke

Eria im ritōl ro an bukon ko bukōt juon etale eo ebolemen, aeto̧k kitien, im juon jerbal eo ekijin̄en̄e n̄an aikuj ko an im̧ōn kweilo̧k ko. Jikin eo ej ekāāl ej aikuj walo̧k ilo pijan kam̧o̧o̧l im nebar, en āinjuon, im pija in en juon eo en lap am en̄jaake iakwe jene im ta ko rej walo̧k ilo ipelaakin. Ej aikuj bar kōjerbal ta ko rej maron̄ jerbal jān ipelaakin jikin eo im armej ro, kein jerbal, im jea ak ko rōkkar n̄an bed ilowaan jikin kein jān ijoko rōkkar. Jerbal eo n̄an kōm̧m̧an im ejaake jikin kweilo̧k kein ej aikuj jiban̄ kōkajoorlo̧k un̄are peid make ilo eria eo an Im̧ōn Jar eo.

Jelm̧ae Aitewerōk ko

Ritōl ro im membōr ro rejjab aikuj eddo kōn jibadbad im kōtōbar ko n̄an men ko mwien Kabun̄ in. N̄an waanjon̄ok, rejjab mālim n̄an kōm̧m̧an kwo̧ņ kōn kōllā ak wia jikin n̄an kōm̧m̧an kalimur ko n̄an jerbale kōllā ko jen jāān ko an Kabun̄ in. Kālet ko rej aikuj wōr aer jem̧lo̧k im erre ilo jeje eria opij eo im Department eo an Im̧ōn Kweilo̧k ko.

Master Būlāān ko an M̧wōn kweilo̧k eo

N̄an kōkajoolo̧k membōr ro an Kabun̄, eria ko rej lorlojake long-term master būlāān ko an m̧wōn kweilo̧k eo. Būlāān kein ekoba karōk ko n̄an kobaik ak likit (i.e., kōm̧akti) jikin kein ilo m̧wōn kweilo̧k eo. Master Būlāān ko an M̧wōn kweilo̧k eo im rej aitok-kiteer rej jiban̄ būlāān eo an eria n̄an kōkajoolo̧k baamle ko, membōr ro, im jikin ko jet jān lelo̧k im̧wōn kweilo̧k ko ilo tu pidodo in im ejjab lap wonaer. Men in ej dedelo̧k jān kōjerbal kein jiban̄ ko ilo meletlet, likūt bwe ta pepe eo ej walo̧k jān im̧ōn kweilo̧k kein ilo kōkajoolo̧k membōr ro an Kabun̄ in, im lelo̧k jikin ko rem̧m̧an n̄an jokkin wōt bukōn eo.

Um̧win kappe eo an Eria Būrejtōnji eo, Eria Seventy, tōrāktōr eo an tempōl affair, im eria rijerbal eo rej kwalo̧k im lilo̧k kōmelim ko an tempel ko n̄an ritōl ro an priesthood ro, jerbal ippen doon n̄an kajitōk ko, im ejaake kōlmelo̧kjen ko eliktata n̄an im̧ōn kweilo̧k kein ilo jeje bwe en delo̧n̄ ilo master plan eo. Menin emaron̄ dedelo̧k ilo juon jōkjōk in council kwalo̧k ippen doon ippenlo̧k ijitōn̄ eo jān stake būreejtōn ro. Stake būreejtōnji eo emaron̄ aikuj leļo̧k meļeļe ko n̄an Eria Būreejtōnji eo me renaaj jipan̄ tōrāāktōr eo n̄an temporal affairs eo ilo kōpooj im bar kōkāāl master plan eo.

N̄an melele ko rellaplo̧k,priesthood ritōl ro rej aikuj bar etale Master Būlāān ko an M̧wōn Kweilo̧k eo n̄an Tōl pok in riit eo.

Jāān in jiban̄ n̄an M̧wōn Kweilo̧k ko

Melan eo an M̧wōn Kweilo̧k eo ej kōllā jān būlāān eo eo im̧ōn kweiļo̧k ko . Eria Būrejtōnji ro rej lelo̧k annual plan ko n̄an Rilale Jāān im Kamitii eo Ekkar ro jān bisopric ro rej tōl.

Etale aikuj eo n̄an Jikin Jar eo Ekāāl

Jet un ko rar jelet ilju eo an mōn kweilo̧k ko im jikin ko jet n̄an jar ippenlo̧k jōkjōk ko an jikin ko ilo eria eo an Kabun̄ eo; jo̧n̄an eddōklo̧k eo moktalo̧k im laajrak ko; kar būrojāāk ko rej eddōklo̧k; ra ko kar kōjeikik būlāān otemjej; im jo̧n̄o̧k eo, itu ia, im aetokan an m̧weo ededelo̧k kalōke jerbal.

Lōm̧nak ko jet n̄an Būkōt Kōlaplo̧k Jikin

Eria eo an obij eo ej likit jet lōm̧nak ko nan kelet ial eo em̧m̧antata n̄an lale aikuj eo n̄an elaplo̧k jikin jar. Un kein ebar koba kōkm̧anm̧anlo̧k local unit būrokūraam ko, ippen doon ilo juon jikin ippen ro jet ilo jikin jar ko ilo Imōn Jar, bar kōkm̧anm̧anlo̧k jikin ko ededelo̧k aer bed, kalek bar juon jikin n̄an kakileplo̧k jikin ko ededelo̧k aer ekkal, wiaiki juon jikin ilowaan jidik iien kōjerbale, wia em̧ ko rōutiej ak nikai im ededelo̧k aer jutak, ak kalek juon imōn kweilo̧k eo ekāāl.

Jiban̄ jān Ijoko Lukkun Jikier

Kabun̄ in ej kelet kōn eppōk in jiban̄ jān ijoko lukkun jikier. Elan̄e juon eo ej kōnaan jiban̄ jān ijoko lukkun jikier n̄an Kabun̄ in, ritōl priesthood ro an bukōn eo rej kōtōbar eria obij eo. N̄an rein ilo Amedka ak Kōnata, kūr Real Estate Services Division eo ilo Meetinghouse Facilities Department ilo 1-801-240-5685 or 1-800-453-3860.

Ritōl ro an bukōn eo rejjab ebbōk ak ellelo̧k receipt ko n̄an jiban̄ kōn ijoko lukkun jikier. Jikin eo lukkun jikier rej jiban̄ kaki ak lelo̧k einwōt juon menin lelo̧k ej aikuj lelo̧k ilo ejjelo̧k jōkjōk ko rejjab em̧m̧an einwōt an walo̧k ilo an armej ro kōjerbal ak inebata.

Ejja Jōkjōk im Lamlam in Jin̄a ko an M̧wōn kweilo̧k eo

Rijerbal ro an Kabun̄ in emōj bojak ko an m̧wōn kweilo̧k eo ko ilōn̄tata im ejja jin̄a ko an M̧wōn kweilo̧k eo n̄an karōk ko rem̧m̧an an bukōn eo im aikuj ko. N̄e juōn im̧ōn kweilo̧k ekāāl ej kōm̧m̧an, juōn jon̄ak in karōk emōj kar kālete. Karōk in laajrak ko ilo kien ko n̄an ruum ko, pija in jikin ko, im kein jerbal ko me rekoba ilo im̧ōnjar kein.

Jerbal ko n̄an Kōlapļo̧k Ekaal ko an Im̧ōn Kweiļo̧k

N̄e aolep karōk ko n̄an kalōk juon m̧wōn kweiļo̧k kāāl ekar tōbar karōk ko an karōki im būrojāāk in ekkal ko rekar dedelo̧k an wāppān, kar likit ilo būlāān eo kajjojo iiō, dedelo̧k kōllā, im kar karōk iien n̄ane, būrojāāk eo ej em̧m̧akūt lo̧k n̄an tōreen an būrojāāk eo walōn̄tak.

Ilo iien eo ejejjet ilo an būrojāāk eo walōn̄tak, būrojāāk menija eo, ilo an jerbal lo̧k ippen menij eo ej bōk eddo in jikin kein, kwelo̧k ippen būrōjtenji stake eo n̄an etale im kelet jān lamlam in em̧ ko rededelo̧k ilo lōm̧nak ko ilo būlāān ko. Jerbal ko jet n̄an depij juon iien kōjeram̧m̧an juon bwidej emaron̄ bar kenono kake. Menija eo ej lale mōkein ej lelok n̄an būrōjtenji stake eo kōn kwon ko ewōr oktak n̄ani ilo aolepen iien jen an ejaak ekkaļ kein.

Būrojāāk in Ekkaļ

Ilo iien eo būrojāāk in ekkaļ eo ej kōm̧m̧an im dedelo̧k, obij eo an eria ej lelo̧k nebar n̄an ko̧o̧ntōrāāk in ekkaļ eo. Kin tōl an menija eo an mōkein, būrojāāk menija ej kōm̧m̧ane juon kwelo̧k mokta jān an ekkaļ eo kōm̧m̧an ippen stake ritōl ro im ko̧o̧ntōrāāk eo. Rein rej bed ilo kwelo̧k rej lale aurōk in eddo ko aer ilo jerbal ko aer, likit lōm̧nak ko aer n̄an jōkjōk ko kar likiti āliktata im kobban ekkar n̄an jon̄ok ko an bukōn eo, im etale iien ko an būrojāāk eo.

Jerbal in leto letak an M̧wōn kweilo̧k eo

N̄e ededelo̧k būrojāāk in ekkaļ eo, būrojāāk mānija eo ej make “leto letak ak lelo̧k” m̧wiin ak kakobaba eo n̄an mānija eo an im̧ōkein. Mānija eo an im̧ōkein ej karōk im kōjeikik būlāān ko im bōk eddo in karreo tiljek im jerbali jorrān ko im kōm̧m̧ane aolep jerbal ko jet rej menin aikuj n̄an kepooje mwiin n̄an kōjerbale.

Mānija eo an im̧ōkein ej tōl juon iien kenono ippen doon im kōmleleik ritōl ro ilo bukōn eo. E ej lelok kemlele ko kajojo system ko an im̧ōkein n̄an ro rej itok ikijeen stake im ward. E ej kepooj kii ko n̄an ritōl ro ilo bukōn eo im bar kakmejmej ko kōn iien karreo ko im an membōr ro bōk konaer.

Liij in melan im̧ōn kweilo̧k

N̄an liij in im̧ōn kweilo̧k kō rōāāl, ritōl ro ilo bukōn eo rej jerbal ippen menija eo ej eria meetinghouse facilities planning manager n̄an kōjeikik ta ko rekkar. Woneen liiji rej kōllā jān bajet eo an kurup in jerbal in mweik ko an ra eo an mānija.

N̄an kōkāāl liij ko an im̧ōn kweilo̧k, ritōl ro ilo bukōn eo rej jerbal ippen menija eo an im̧ōkein, eo enaaj jiban̄ kōn kajitōk in. Juon jikin eo ejonolo̧k emaron̄ bar liij n̄an maanjapopo elan̄e im̧ōn kweilo̧k ko renaaj ban maron̄ jon̄an ward ko ilo iien kōkāāl im̧ōn kweilo̧k eo.

Eria eo an obij eo ej kenono kōn jonok ko n̄an aolep liij ko errā kaki.

Liij ko ekadu kitieer in melan im̧ōn kweilo̧k

Im̧ōkein,kōjerbali ilo jidik wōt iien remaron̄ kar liij jān jāān ko an Kabun̄ ellan̄e melan ko an stake rejabwe n̄an kōm̧m̧ani m̧akūtkūt ko an, einwōt stake im kweilo̧k ko an aolep, fireside ko, ikkure ko rej kōm̧m̧an ilowaan im̧ōn kweilo̧k eo, ak m̧akūtkūt ko jet an m̧anit. Uwaak ko jet, edelo̧n̄ jerbal ko jet rej kōm̧m̧an ak kōjerbal technology (āinwōt leto letak melele mejatoto ko), aikuj bwe en alikar m̧okta jān liiji im̧oko renaaj jerbal ilo jidik wōt iien.

Elan̄e im̧oko kōjerbali ilo jidik wōt iien rej menin aikuj, , ritōl ro ilo bukōn eo rej jerbal ippen menija eo an im̧ōkein , n̄an kōm̧m̧an karōk n̄an aikuj ko renaaj jiban̄ kōn kajitōk ak errā kake. Menija eo an im̧ōkein kiiō ej jilkinlo̧k ta eo em̧ōj errā kake im juon “Request for Temporary Leased Facility” poom eo n̄an eria obij eo. Kajjitōk ko aikuj kar jilkinļo̧k ilo jejjet m̧okta jān aikuji. Ilo iien eo jerbal kein rej bōk jikier einwōt an elaajrak, wonen liij rej kōllā jān general Church funds.

Im̧oko kōjerbali n̄an m̧akūtkūt ko an sport rej liij ilo jo̧n̄o̧k kōllā ko an juon melan ekkar n̄an bukōn eo.

Kweilo̧k in Aje Bwidej ko

Ālikin an juon būrojāāk in em̧ kāāl kar kōmālim, Eria Būrōjtenji eo maron̄ in tōl kweiļo̧k in aje bwidej eo ilo kōpooj n̄an jerbal eo. Kweilo̧k in ejjab aikuj kōm̧m̧an ilo raan in Jabōt. Innām stake būreejtōn eo kar kobaik im bōk kapilōk ippān Eria Jijlimjuonn̄oul eo n̄an kōjeikik.

Aje M̧ōko

Weeppān eo āliktata n̄an aje ej itok jān Eria Būreejtōnji kōn lo̧lo̧o̧rjake eo an tōrāktōr eo n̄an temporal affairs. Eria Būreejtōnji eo rej jerbal ippān stake ak mijen būreejtōn eo im kwaļo̧k wōn eo ej eddo in aje m̧weo.

Būrookram̧ eo n̄an juōn kweilo̧k in aje eaikuj in dāpdāp wōt ippān ta eo ej waļo̧k. Ejjab aikuj in aitok ak kobain al ko kwaļo̧ki. Eaikuj in bwe iien ko leļo̧k n̄an ritōl ro emōj jitōn̄ er n̄an kōnono im n̄an aje em̧ eo.

Ilo jar in aje eo, eaikuj in wōr al in jar ko rekkar ak al ko kāleti im juōn jar eo ekadu n̄an kilōke kweilo̧k eo.

Jar in aje eo an em̧ ko emaron̄ in kar jeje jān kappe eo an eo ej ritōl eo tōl kweilo̧k eo.

M̧ōnjar ko em̧ōj lease i remaron̄ aji eļan̄n̄e laajrak in jekjek kein rej tōprak:

1. Aolep meļaaj ko em̧ōj lease i, ejjab koba ijoko jemeļeļe kaki (āinwōt jikin deļon̄ ko, ettōņaak ko, im em̧ jiddik ko), Kabun̄ in wōt ej kōjerbali.

2. Lease eo ej n̄an eļapļo̧k jān juon iiō.

3. Eria Būreejtōnji eo ej kōmālim iien aje eo an lease eo an m̧ōn jar eo.

Eļan̄n̄e jekjek kein rej retōprak im m̧ōn jar eo ej aje, jar eo ej aikuj kobaik kajin eo an jikin eo me m̧ōn jar eo ej aje ie “kōn jon̄an aitokan lease eo.”