iVakavuvuli kei na iDuisidusi me Baleta na Vakarautaki ni Valenilotu

“E vakarautaka na Lotu na veivalenilotu me rawa kina vei ira kece era curu yani me ra:

• Vakayacora ka vakavouya na veiyalayalati ena veicakacaka tabu vakalotu (raica na Vunau kei na Veiyalayalati 20:75; 59:9–12).

• Sota vata (raica na 3 Nifai 18:22–23).

• Sokalou ka masu vata (raica na Mosaia 18:25; Moronai 6:9).

• Veivakavulici ka veiqaravi vakai keda (raica na Moronai 6:4–5).

• Vakaitavi ena ivakavakayagataki vakadonui tale eso me vaka e vakamacalataki ena wase 35 ni iVoladusidusi Raraba.

E rawa ni duidui na ivakaraitaki ni valenisoqoni me vakatau ena ituvaki kei na gagadre ena vanua ko ya” (iVoladusidusi Raraba: Veiqaravi Ena Lotu i Jisu Karisito ni Yalododonu Edaidai, 35.1).

“Me rawa ni vakaqaqacotaki na Lotu, sa dau vakarautaka na veiwasewase na ituvatuva lelevu ni bera ni vakatauci na lewa me vakuri se vakalailaitaki na veitikina ena valenilotu” (iVakavuvuli kei na iDusidusi ni Kena Vakarautaki na Valenilotu [2021], ChurchofJesusChrist.org). Na ivakavuvuli kei na idusidusi oqo ena vukei ira na vakailesilesi ni veiwasewase ena nodra tokoni ira na iliuliu ni matabete ena veiwasewase kei na iteki ena kena rawati na inaki oqo.

iVakavuvuli Eso

Vakaqaqacotaki ni Tabanilotu

Na vakaqaqacotaki ni Lotu ena kena veisautaki na levu kei na iyalayala ni tabanilotu e tiko ena ruku ni nodra itavi na veiliutaki ni matabete ena nodratou veidusimaki na Mataveiliutaki ni iWasewase. Na veisau ki na iyalayala ni tabanilotu e rawa ni vakavinakataka na vakayagataki ni veivalenisoqoni.

iVakavakayagataki

“Ni bera ni vakadonui me vakalevutaki na vanua ni soqoni, me ra sa vakadeitaka rawa na iliuliu ni sa vakayagataki tiko ena kena iyalayala e cake na valenilotu sa tara rawa tu” (iVakavuvuli kei na iDusidusi ni Kena Vakarautaki na Valenilotu). E okati ena veivalenilotu na iwiliwili ruarua ni lewenilotu (rawa ni tiko rawa) kei na iwiliwili ni tabanilotu (kena levu) e rawa ni tawana e dua na valenisoqoni. Ena veivanua era dau veitokiyaki na kena lewenilotu, sa rawa ni vakasamataki me lesi vou (kau laivi se veisau na kena vakayagataki) na veivalenilotu kei na iyauqaqa.

Nanamaki Veiganiti

Na kena fikataki na lewenilotu kei na tubu ni nodra tiko rawa ena lotu sa ka bibi sara ena kena navuci e dua na ituvatuva levu veiganiti ni valenilotu. Na cakacakataki ni lewenilotu kei na nodra tiko rawa me vakayavutaki ena iwalewale sa vakadonui tu.

Vakaibalebale na Kena Vakadaberi

E dodonu me biu e dua na vale ni soqoni ena vanua e ganita vakavinaka duadua me ra qaravi kina na iwiliwili vinaka duadua ni lewenilotu, me kua ni vakasamataki kina na iyalayala vakavanua ni iteki. Ni kilai vakamatata na ivakarau ni tubu, ivakarau ni biuvanua, kei na sala ni veilakoyaki ena gadrevi me rawa ni vakaibalebale kina na vanua ena dabe kina na valenilotu.

Veiraurau ni Veika Vakailavo

“O ira na iliuliu ena iwasewase kei na noda tikina era vakasaqara na iwali veiganiti vakailavo, e balavu sara, ka veiraurau ki na gagadre ni valenilotu” (iVakavuvuli kei na IDusidusi ena Vakarautaki ni Valenilotu).

Na veiwasewase e dodonu me vakasamataka na digidigi kece sara e rawa ni salavata kei na ituvaki ni vanua. Na iwali veiganiti ena wili kina na nona vale e dua na lewenilotu, dua na koronivuli se valenisoqo, dua na vale lisitaki, vanua e volia se tara na Lotu, se so tale na digidigi.

iDusidusi

Sa dodonu mera vakasamataka na veiliutaki ni matabete na veika oqo ena gauna era vakatulewataka tiko kina e vica na tabanalevu e dua na valenilotu:

• Na ituvatuva ni soqoni ena Sigatabu e tekivu ena dua na gauna ka cava ena yakavisiga me rawa kina vei ira kece na matavuvale me ra vulica na kosipeli e vale.

• Era vakaitikotiko na lewenilotu ena loma ni dua na gauna veiganiti me lakovi kina na valenisoqoni.

• Na veisau eso ki na valenisoqoni, kevaka e gadrevi, e lailai ka lailai na kena isau.

Era na vakayagataka na veiwasewase na ivakavuvuli ni tuvalaki valenilotu ka biuta vata na ituvatuva levu vakayabaki lima ni bera ni qai vakatauci na lewa me vakalevutaki se vakalailaitaki na valenilotu.

Vakadavo iTuvatuva Lelevu ni Mataiteki se Matabose ni Veisoli iTukutuku

Sa rawa me tauyavu na ituvatuva levu ena matabose ni veimataiteki se veisoli itukutuku ena gauna:

• Sa dau basika na madigi ni veiwasei ena maliwa ni iyauqaqa sa tu rawa se na kena se qai navuci tiko ena loma ni veimataiteki.

• Na vakataudonutaki ni iyalayala ena rawa ni vakayaco-ka ki na vica na iteki.

• Na tubu e namaki kei na kena vakayagataki e vakaraitaka na gadrevi ni lomanivale.

• Na veitosoyaki ni lewenilotu sa vakavuna me ra basika mai na veitikina sega ni vakayagataki ka rawa ni veisautaki tale.

Ena cakacaka vata kei ira na Vitusagavulu ni iWasewase o ira na manidia ni tuvatuva ni iwasewase kei ira na peresitedi ni iteki veiganiti kaya me vakarautaki kina na vakatutu me baleta na nodratou veivakadonui na Mataveiliutaki ni iWasewase.

iTuvatuva ena iTeki

Ni vakasamataki me vakalevutaki se vakalailaitaki na valenilotu ka sega ni okati ena ituvatuva levu ni mataiteki se matabose ni veisoli itukutuku, ena cakacaka na manidia ni tuva-ka ni wasewase kei na peresitedi ni iteki veisemati me vakarautaki na vakatutu me baleta na veivakadonui ni Mataveiliutaki ni iWasewase.

Veivakadonui ni Cakacaka kei na kena Vakailavotaki

Na vanua vovou se cakacaka ni kena vakayagataki tale e kunei ena ituvatuva e rawa ni vakau me tiki ni ituvatuva vakayabaki se ena ikuri ni iwalewale ni veivakadonui.

iTavi kei na iLesilesi

Mataveiliutaki ni iWasewase

E ratou na vakarautaka na Mataveiliutaki ni iWasewase na veidusimaki me baleta na ituvatuva, vakatulewa, kei na gagadre ni tuvatuva ni valenilotu. E ratou na raica na Mataveiliutaki ni iWasewase na vanua ni kauwai eso, vakasalataki ira na Vitusagavulu ni iWasewase ena ivunau kei na ivakavuvuli, ka vakadonuya na kena tuvai vakamatau na veika me vakaliuci kei na iotioti ni vakatutu.

Vitusagavulu ni iWasewase kei ira na iLiuliu ni Matabete e Veivanua

Na Vitusagavulu ni iWasewase e vakavulica na ivunau kei na ivakavuvuli vei ira na peresitedi ni iteki kei na kaulotu ka veivakasalataki talega vei ira na vakailesilesi ni iwasewase. Era na railesuva na Vitusagavulu ni iWasewase, peresitedi ni iteki, kei na peresitedi ni kaulotu ka vakarautaka na itukutuku lesu mai ena ituvatuva levu ni valenisoqoni. Era na vakauta yani na veisau kecega ni iyalayala ni tabanilotu ki na Mataveiliutaki ni iWasewase me railesuvi.

Dairekita ni Veika Vakayago (DVV) kei ira na Vakailesilesi ni iWasewase

Na Dairekita ni Veika Vakayago (DVV) kei ira na vakailesilesi ni iwasewase era vakarautaka na itukutuku donu vinaka, ripote eso, vakadidike, kei na vakatutu vei ira na iliuliu vakalotu. Me salavata kei na veidusimaki ni Mataveiliutaki ni iWasewase kei na Parokaramu ni Valenilotu ni iWasewase, na manidia ni tuvatuva ni iwasewase e vakarautaka na ituvatuva levu ni yabaki lima, ka okati kina na veika mai na matabose veivakacokotaki, veimataiteki, kei na ituvatuva vakaiteki. Na manidia ni tuvatuva-ka ena cakacaka vata kei ira na iliuliu ni matabete me ra vakatulewa kina ka vakadeitaka na veivakaturi.

Me kilai: Na vosa mataveiliutaki ni iteki e vakaibalebaletaki talega ki na mataveiliutaki ni tikina.