iVakavuvuli kei na iDusidusi me Baleta na Vakarautaki ni Valenilotu

“E vakarautaka na Lotu na veivalenilotu me rawa kina vei ira kece era curu yani me ra:

Vakayacora ka vakavouya na veiyalayalati ena veicakacaka tabu vakalotu (raica na Vunau kei na Veiyalayalati 20:75; 59:9–12).
Sota vata (raica na 3 Nifai 18:22–23).
Sokalou ka masu vata (raica na Mosaia 18:25; Moronai 6:9).
Veivakavulici ka veiqaravi vakai keda (raica na Moronai 6:4–5).
Vakaitavi ena ivakavakayagataki vakadonui tale eso me vaka e vakamacalataki ena [wase 35 ni iVoladusidusi Raraba].

E rawa ni duidui na ivakaraitaki ni valenisoqoni me vakatau ena ituvaki kei na gagadre ena vanua ko ya” (iVoladusidusi Raraba: Veiqaravi Ena Lotu i Jisu Karisito ni Yalododonu Edaidai, 35.1). Na ivakavuvuli kei na idusidusi oqo ena vukea na iliuliu ni iwasewase kei na iteki me vakacokotaka na gagadre e tiko baleti ira na lewenilotu ena nodra iwase ni vanua.

Me kilai: Ena iwase oqo, na vosa mataveiliutaki ni iteki e vakaibalebaletaki talega ki na mataveiliutaki ni tikina.

iVakavuvuli

Vakaduavatataki ka Vakamatautaki

Era bula tu na lewenilotu ena veivanua e duidui kina na bula vakapolitiki, bula ni veisiga, kei na bula vakailavo. E duidui talega na ituvaki kei na ivurevure ni veiliutaki ena tabanalevu kei na tabana. Na veika oqo kei na ituvaki tale eso e rawa ni gadrevi kina na kena moici me veiganiti na vakarautaki ni veivalenisoqoni.

Na veivalenilotu kece sara me tiko kina na veika kece e gadrevi ka tokona na sokalou e sotavi kei na veiparokaramu ni Lotu. Oqo e oka kina na vanua raraba ni soqoni, veivakavulici, kei na itaviqaravi. Na veika veiganiti tale eso e sa na rawa ni okati ena vakatulewa ni Mataveiliutaki ni iWasewase. O ira na mataveiliutaki ena iwasewase era na vakayagataka na vakatulewa matau ni kena vakadonui na droini ni valenilotu me sotava na gagadre kei na ivakarau ni dua na iwase ni vanua.

Na vanua ni soqoni e rawa ni oka kina na nona vale e dua na lewenilotu, dua na koronivuli se valenisoqo, dua na vanua e lisitaki, vanua e sauma na Lotu me caka kina na taravale, se so tale na digidigi, ka veisotari kei na ituvaki ni vanua oya. O ira yadua oqo era rawa ni okati mera iwali veiganiti, ka tudei. Na vakayagataki ni tekinolaji, me vaka na iyaya ni vakarorogo ni sarasara, sa rawa ni vakacokotaka na kena vakayagataki.

Vakarautaki ni Vanua

E ra sasagataka o ira na iliuliu ni matabete ena iwasewase kei na noda vanua me ra vakayagataka vakavinaka sara na veivalenilotu ka me ra vakavukutaka na vakaturi ni kedra vakalevutaki. E na rawa ni vakarautaki e so tale na tikina e valenilotu ni sa sivia na iwiliwili taumada na iwiliwili ni tamata e tiko rawa.

Veiraurau ni Veika Vakailavo

O ira na iliuliu ena iwasewase kei na noda vanua era vakasaqara na iwali veiganiti vakailavo, e balavu sara, ka veiraurau ki na gagadre ni valenilotu. Na vale vou me na taqomaka na irairai e rakorako ka vakaturaga, me kilikili, ka veidonumaki kei na ituvaki kei na irairai ni vanua wavolivolita. E dodonu talega me vakayagataki kina na veika e tu ena noda veivanua, na kena iyauqaqa, iyaya, kei na iukuuku e veiganiti. Na icakacaka ni kena vakarautaki ka cicivaki na valenilotu sa dodonu me vakaqaqacotaka na nona bula rawati koya na Lotu ena iwase ni vanua o ya.

iDusidusi

Kena Vakayagataki kei na iTuvaki

Ni bera ni vakadonui me vakalevutaki na vanua ni soqoni, me ra sa vakadeitaka rawa na iliuliu ni sa vakayagataki tiko ena kena iyalayala e cake na valenilotu sa tara rawa tu. Na valenilotu sa tiki ni nona ilololo na Turaga ka sa dodonu me vakayagataki vakavinaka ka sega ni veivakuwai baleta na iyalayala ni iteki. O ira na vakailesilesi mai na iwasewase sa rawa ni ra vukei ira na iliuliu me ra kila na vanua ena ganita me caka kina na soqoni.

Na iwasewase yadua e vakatulewataka na balavu ni gauna ni veitosoyaki ki na dua na valenilotu e veiganiti kaya ki vua na lewenilotu; oqo me kakua ni sivia na 30 ki na 45 na miniti me baleti ira na iwiliwili levu ni lewenilotu ena dua na tabanilotu. Sa rawa ni veisautaka na Mataveiliutaki ena iWasewase na gauna gadrevi ni veitosoyaki me baleta na nodra iwasewase ka vakatau voli ena kena ituvaki kei na isau ni veitosoyaki.

iWiliwili ni Tiko Rawa

Na iwasewase yadua ena vakatulewataka na levu kei na mataqali valenilotu me vakarautaki ka na vakatau mai na iwiliwili ni lewenilotu era tiko kina kei na mataqali valenilotu sa tiko rawa. Era na navuca walega na taravale na iliuliu ni iwasewase kei na noda vanua ni sa oti na kena vakatulewataki ni sa tiko na iwali veiganiti vakailavo, e balavu sara, ka veiraurau.

Saumi iKatini ena Yalodina

Ni bera ni tara e dua na valenilotu se voli e dua na vale, na iwiliwili ni lewenilotu ka ra saumi ikatini ena yalodina e dodonu me tautauvata kei na 80 na pasede se sivia na kedra iwiliwili taucoko o ira na saumi ikatini vakadodonu ena iwasewase (se ena vanua kevaka e wili ki na iwasewase e sivia e dua na vanua) donuya na yabaki sa oti. Sa rawa ni vakayagataka talega na mataveiliutaki ena iwasewase na gagadre ni saumi ikatini ena yalodina oqo ki na lisi se digidigi tale eso ni valenilotu.

iTuvatuva Yavubula ni Valenilotu

Ni sa ganita me vakaqaqacotaki na Lotu, sa vakarautaka tu na veiwasewase na ituvatuva yavubula balavu sara ni bera ni caka na lalawa-ka me kuri se vakasukai na tiki ni valenilotu. Era vakauta na vakatutu oqo ka na vakatau tu ena ituvatuva ni veiqaravi e sa vakarautaki tu. Na veika bibi ena vakatutu oqo ena wili kina na vakayagataki ni veivale sa rawa tu, na veika e namaki ni na yaco ena tubu ni lewenilotu, na ituvatuva caka vakamatau ni kena veibiuyaki na vei yau qaqa eso, veisau ena yaco ki na iyalayala ni tabanalevu, kei na veiraurau ni lavo e vakayagataki kina. Na gagadre ni valenilotu kei na vakatutu ena vakasamataki ena ivakatagedede ni matabose ni iwasewase kei na matabose ni veivakaduavatataki.

Eso Tale na Vakatutu

Valenivolavola ni iTeki kei na Soqoni

Vakararaba, ena vakarautaka na iwasewase na veivalenivolavola ni iteki ni sa lalawataki tiko me tauyavutaki e dua na iteki kevaka e na sega ni rawa ni vakavaletaki ena veivanua sa tu rawa. Ena kena ka na levu duadua, na koniferedi ni iteki, veitaviqaravi, kei na soqoni ni matabose sa vakayacori ni vakayagataki voli na vale sa tara rawa tu se saumi. Na tekinolaji ni vakarorogo ni sarasara ena rawa ni vakayagataki ena soqoni ni iteki me vakarautaki kina na veika sa rawa tu.

iTuvatuva Vakayabaki ni iYauqaqa ni Valenilotu

Na vakailavotaki ni valenilotu e sa lako mai na iTuvatuva Vakayabaki ni iYauqaqa ni Valenilotu. Era na vakauta na nodra ituvatuva vakayabaki na Mataveiliutaki ena iWasewase ki na Komiti ni Vota iLavo kei na Veivakadonui mai na Matabisopi Veiliutaki.

Vakalevutaki na Valenivolavola ni Bisopi kei na Valenivolavola ni Vunivola

Na idusidusi eso oqo ena vakarautaka vei ira na iliuliu e veivanua na itukutuku, ni nanumi me vakalevutaki na valenivolavola nei bisopi kei na vunivola ena valenisoqoni sa tara rawa tu.

iDusidusi:

Sa rawa vei ira na kenadau ni Veiliutaki ni iYauqaqa me ra vakayacora e dua na vuli ena ivakavakayagataki me ra kila vakavinaka cake kina na vakayagataki kei na veika e rawa ni caka ena veivalenilotu sa tu rawa.
Ni bera ni vakalevutaki na vale me baleta na valenivolavola, me ra vakadeitaka taumada na iliuliu ni sa vakasamataki vakavinaka na kena rawa ni veisautaki me valenivolavola na valenivuli kei na veirumu tale eso sa tu rawa.
Sa rawa mo wasea na vanua e tiko kina na valenivolavola ni vunivola (me vakataka, e rua na tabanilotu ena dua na valenivolavola).
Na itatarovi ni rorogo (siligi, lalaga, kei na katuba) e dodonu me vakarautaki kevaka e gadrevi me taqomaki na itukutuku maroroi. Oqo e rawa ni vakataucokotaki ena ivakarau ni itatarovi ni katakata se tabonaki ni rorogo.

Me baleta na veivanua e Amerika kei Kenada, o ira na vakailesilesi ni iYauqaqa ni iWasewase kei na Valenisoqoni era sa vakadikeva e vica na ituvaki ni valenivolavola kei na kena isau ena kena tauyavu ena gauna oqo kei na kena e liu.