Vaaiga Aoao i le Fuafuaga Autu

O le Au Peresitene o le Eria e faatonutonuina taumafaiga o fuafuaga autu i le eria. O nei taumafaiga e faatautaia i se aufono faamaopoopo po o le tulaga o siteki tuufaatasi. E tofia e le Au Peresitene o le Eria se Fitugafulu Eria e vaavaaia le atinaega o se fuafuaga autu faatasi ai ma le lagolagosua a le faatonu mo mataupu faaletino (DTA) ma lana aufaigaluega.

O le fuafuaga autu i le tulaga o le aufono faamaopoopo po o siteki tuufaatasi e sili ona talafeagai i nofoaga o loo televave ai le faatupulaia o le Ekalesia, lea o loo i ai se avanoa e faaaoga faatasi ai se nofoaga mo se falelotu, po o se nofoaga o loo maualuga ai le numera o tagata o le au paia.

E galulue le Fitugafulu Eria ma le DTA ma lana aufaigaluega faatasi ma taitai perisitua e fatua’i ma faatino se fuafuaga autu mo se taimi umi (e le itiiti ifo ma le lima tausaga).

Latou te faia lenei mea e ala i le mulimuli i laasaga nei:

E talo e le Fitugafulu Eria se aufono faamaopoopo po o se fonotaga a siteki tuufaatasi e talanoaina ai aoaoga faavae, mataupu faavae, ma taiala, ma fuainumera faamaumauina a siteki.
E galulue faatasi le DTA ma lana aufaigaluega ma peresitene o siteki e fuafua mamao le tuputupu a’e ma faailoa ni mea e manatu o le a tulai mai i le lumanai.
E faailoa e peresitene o siteki soo se suiga i ni tuaoi e manaomia ona faamalolosia ai aiga, tagata o le ekalesia, ma iunite.
E faailoa mai e le aufaigaluega a le DTA ni vaifofo i falelotu ia e mafai ona lagolagoina ai fuafuaga faaleperisitua.
E faamaeaina e le Fitugafulu Eria, peresitene o siteki, ma le DTA ma le aufaigaluega le faamautuina o le fuafuaga autu. O le DTA, faatasi ai ma le Fitugafulu Eria i soo se taimi e mafai ai, e tuuina atu le fuafuaga autu i le Au Peresitene o le Eria mo le faamaoniga a le eria.

Pe a faamaonia mai e le Au Peresitene o le Eria, e auina atu e le DTA le fuafuaga autu i le Matagaluega o Fale ma Fanua mo le iloiloina ma le faamaoniga faatasi.
E auina atu e peresitene o siteki ni suiga o tuaoi.
E saunia e le aufaigaluega a le DTA ia galuega faatino ina ia faaaofia ai i le fuafuaga faaletausaga mo falelotu.
E faafouina e le aunoa e le Fitugafulu Eria, peresitene o siteki, ma le DTA ma lana aufaigaluega, le fuafuaga pe a manaomia.