“6. Jilkinļo̧k Oktak ko ilo Unit im Jikin eo,” Unin Tōl eo an Karōk eo Eļap n̄an M̧ōn Kweilo̧k eo (2022)
“Jilkinļo̧k Oktak ko ilo Unit im Jikin eo,” Unin Tōl eo an Karōk eo Eļap n̄an M̧ōn Kweilo̧k eo
6.
Jilkinļo̧k Oktak ko ilo Unit im Jikin eo
Stake būreejtōn eo ej jilkinļo̧k kajjitōk ko n̄an oktak ko remenin aikuj ilo iunit im jikin eo n̄an kwaļo̧k karōk eo eļap ilo pepa application form eo ak online boundary leadership tool eo rej dreļo̧n̄e ilo Leader and Clerk Resources (LCR). Bok in Bōk Meļeļe Eļap, jekjōn 36 epād ie unin tōl ko rekāāl ko rekar kōmālimi jān Būreejtōnji eo Eutiejtata n̄an jerbale oktak ko ilo jikin eo. Ritōl ro rej lukkuun kōkm̧anm̧an aer etale unin tōl kein m̧okta jān aer ejaaki im jilkinļo̧k oktak kein ilo aer likūt ilo kōļmenļo̧kjeņ bwe kōttōpar eo eļaptata aolep iien ej n̄an kōkajoorļo̧k Kabun̄ in im ro uwaan.
Oktak ko ilo boundary ko an iunit ko remaron̄ kōm̧m̧an abōņōņō n̄an jon̄o̧k ko repoļemen im jemjerā ko me membōr ro rekar imminene kaki. Ilo an kajjitōk ko ekkeijel wōt ilo eddōkļo̧k in membōr ro ej juon karuwainene em̧ool kōn juon Kabun̄ eo ej eddōkļo̧k, kajjitōk ko n̄an kōm̧m̧an oktak ko ilo jon̄an jikin ko rejjab aikuj jilkinļo̧ki n̄an kwaļo̧k aikuj ak jekjek ko me remaron̄ kar kwaļo̧ki ilo kōļapļo̧k training im jerbal in karejar n̄an ritōl ro an priesthood im membōr ro.
Men̄e wāween jerbale karōk ko ej n̄an ilju im jakļaj, kajjitōk ko n̄an Kamiti eo an Boundary im Leadership Change Commiitte eo ej aikuj pedped wōt ioon jekjek eo ilo tōre eo ej iunit eo an Kabun̄ in. Kajjitōk ko n̄an oktak ko rej aikuj koba lukkuun ļōmņak ko āinwōt kein:
-
Kōkajoorļo̧k jodikdik, kadikļo̧k edodo in wōņeen itoitak, kōļapļo̧k iien ko rem̧m̧an n̄an jerbal in mijinede, im kakke aikuj ko an membōr ro rerūtto.
-
Kwaļo̧k jekjek ko āinwōt wāween ko rekauwōtata, rikabwijer priesthood ro rerūtto rejjab maron̄ kajoor n̄an jerbal, im apan̄ ko kōn apartment ko rekilep (kajjitōk ko n̄an jon̄an jikin ko rejenolo̧k), im barāinwōt un ko reļļap ilo jon̄an im kōkkar n̄an em̧akūtkūt.
Jouj im letok meļeļe ko rebwe rej kōmeļeikļeik ilo tipdikin aikuj eo n̄an kōm̧man oktak ilo iunit ko, ko āinļo̧k wōt un ko n̄an jon̄o̧k ko ilo an membōr em̧m̧akūt jān jikin n̄an jikin, jako jān ritōl ilo priesthood, ak jum̧ae ilowaan Kabun̄ in. Jouj im kobaik ta kijejeto ko an ritōl ro an priesthoood rekar kōm̧m̧ani n̄an kwaļo̧k apan̄ kein ilo training ko, katakin katak, im jerbal in karejar.
Aolep kajjitōk kein rej aikuj kōmālimi ilo pepa jān būreejtōn ro an aolepān stake ko im mijen ko renej jelōt er jān oktak kein kajjitōk kaki.