“3: Gibati ko ang kakapoy sa pagkaguol og maayo mahitungod sa akong minahal. Unsaon nako sa pag-atiman og mas maayo ang akong kaugalingon ug sa gihapon matinabangon?” Mental nga Kahimsog: Tabang alang sa mga Ginikanan ug mga Pamilya (2019)
“Gibati Ko ang Kakapoy sa PagkaguoI,” Mental nga Kahimsog: Tabang alang sa mga Ginikanan ug mga Pamilya
Gibati ko ang kakapoy sa pagkaguol og maayo mahitungod sa akong minahal. Unsaon nako pag-atiman og mas maayo ang akong kaugalingon ug sa gihapon matinabangon?
Mahimong bation nimo nga nagtubag ka sa tawag sa Manluluwas sa “pagtambayayong sa usag usa nga mga alantuson” ug sa “paghupay niadto nga nagkinahanglan sa kahupayan” (Mosiah 18:8–9), apan mitudlo usab Siya kanato nga dili kini kinahanglan alang kanato “modagan nga labaw pa kay sa [atong] kusog” (Mosiah 4:27). Pangita og balanse tali sa makahuluganong mga pakig-uban ngadto sa ubang mga tawo ug angay nga mga kinutuban diha sa imong kaugalingon nga kinabuhi. Kinahanglan nga adunay panahon ug dapit sa pagtubag sa mga kabalaka sa usa ka minahal, apan sa pagtugot niadtong mga kabalaka sa pagpasulabi sa imong mga hunahuna ug mga paningkamot dili maayo. Hunahunaa ang pagsulay og usa o labaw pa niini nga mga sugyot sa pagsugod sa pagmugna og balanse sa imong kinabuhi karon.
-
Pakitambag sa uban. Himoa ang matag paningkamot sa pagtinambagay uban sa imong pamilya, sa imong bishop, o sa doktor sa mental nga kahimsog. Sa imong pakigtinambagay sa uban, pagmabination mahitungod kang kinsa ikaw makigbahin og sensitibo nga impormasyon. Adunay nindot nga mga paagi sa pagpangita og suporta nga makatabang ug makaayo. Sa mahunahunaon nga paagi himoa ang makatabang nga mga rekomendasyon.
-
Ampingi ang imong kahimsog. Paghimo og makahimsog nga mga paagi sa pagkatulog, nutrisyon, ehersisyo, ug personal nga pag-ampo.
-
Pagbansay og pag-atiman sa panginahanglan sa imong kaugalingon. Hunahunaa ang paghimo og kausaban sa imong inadlaw nga paagi o paghimo o tinuyo nga gawi. Pangita og gagmay ug yanong makalingaw nga mga butang pinaagi sa pag-alinggat sa kanindot sa bulak, sa lami sa kinaham nga pagkaon, o sa kanindot sa honi sa langgam. Pagbansay og pagka-manggihunahunaon o ubang makapahulay nga pamaagi. Tuguti ang imong hunahuna sa pagduol ngadto sa Dios samtang gihatagan nimo og panahon ang imong hunahuna ug lawas sa pagbalik sa imong kusog.
-
Pangayo og tabang. Adunay mga panahon nga dili nimo mabuhat ang tanang mga butang nga imong gipanghinaut nga imong mabuhat aron sa pagtabang sa imong minahal. Ang Langitnong Amahan wala magpaabut kanimo nga buhaton ang tanan. Siya mitudlo nga “Adunay panahon alang sa tanang butang, ug panahon alang sa tagsatagsa ka tuyo ilalum sa langit” (Ecclesiastes 3:1). Pagkat-on sa pagpangayo ug sa pagdawat og suporta gikan sa imong pamilya, imong mga higala, imong komunidad sa Simbahan, ug sa Langitnong Amahan.