Dili ako doktor sa mental nga kahimsog, apan gusto kong motabang. Unsay akong mabuhat?

Samtang ikaw nakigsulti og tawo nga nagsulbad og mga hagit sa mental nga kahimsog, ang labing importante nga mga butang nga imong mahimo mao ang pagpaminaw ug sa pagpakita og kalooy. Mga pahayag nga susama sa mosunod mahimong motabang kanimo sa pagpakita og kalooy:

• “Dili ako kahibalo kon unsa ang isulti, apan gusto kong ikaw mahibalo nga ako mibati mahitungod kanimo.”

• “Dili ka kinahanglan nga mosulti kon dili ka gusto. Hibaloi lamang nga ako mibati.”

• “Kini OK ra nga adunay lahi nga mga pagbati gikan sa usa ka adlaw ngadto sa sunod. Walay usa ka hustong paagi sa pagbati. Hinoon, ang pagtugot sa imong kaugalingon sa pagbati bisan unsa nga emosyon nga anaa karon sa kasagaran mao ang labing maayong butang nga buhaton.”

• “Sa tinuod nagsubo ako nga ikaw nagsinati niini.”

• “Sige lang kon wala ka mahibalo sa tanang mga tubag, o wala ka mahibalo sa eksakto kon unsa ang nahitabo. Mag-istorya lang ta.”

Samtang ikaw nakig-istorya og tawo nga nagsulbad og mga hagit sa mental nga kahimsog, hunahunaa ang pagpangutana sama sa anaa sa ubos sa pagtabang kanimo og sabut sa iyang mga kabalaka, mga panginahanglan, ug mga sitwasyon. Kon siya nakigbisog sa emosyonal nga paagi ug nagkinahanglan og tabang sa doktor sa mental nga kahimsog, kontaka ang Family Services.

• Giunsa nimo pagtratar ang sakit?

• Kon ikaw may maayong adlaw, unsa ang nahitabo nga ingon og nakatabang?

• Unsa nga mga tinubdan sa emosyonal nga suporta ikaw aduna?

• Unsa nga suporta ang ikatanyag kanimo sa mga miyembro sa ward ug kanako?