duha ka lalaki nag-istoryahanay diha sa beranda

Unsaon nako nga mas makasabut kon unsa anglikayan nga isulti o buhaton?

Ipakita ang kalooy (ug ipadayon ang pagbuhat sa mao). Pag-ampo alang sa paggiya kon unsa ang isulti. Ang paghupay sa usa ka tawo mahimong makakulba, apan kini kasagaran mas labing maayo ang pagtabang ug pagsulti og gamay kay sa wala. Importante kini nga ang mga tawo kinsa nagsulbad og mga hagit sa mental nga kahimsog mahibalo nga ikaw nahingawa ug gusto nga mosuporta kanila.

Pagpakasensitibo. Ang pipila ka maayo og tuyo nga mga pahayag mahimong dili tan-awon isip kalooy niadtong kinsa nagsulbad og mga hagit sa mental nga kahimsog. Ang mosunod nga mga ehemplo mahimong mas makasakit kay sa makatabang:

• “Kini bahin sa plano sa Dios.”

• “Maayo gani …” (“Maayo gani kini dili kaayo seryoso nga kondisyon,” “Maayo gani aduna ka pay pamilya,” “Maayo gani may mga higala ka nga nagsuporta kanimo.”)

• “Ako adunay susama nga kasinatian.”

• “Serbisyo pa.”

• “Maarang-arang ra na sa kadugayan.”

• “Kinahanglan ka nga …” o “Mobuhat ka …”

• “Adto lang sa templo ug pag-ampo mahitungod niini.”

• “Ang pag-usab lamang sa imong kinaiya makatabang na.”

• “Hatagi lang og gibug-aton ang positibo.”

• “Ang kalipay usa ka pagpili.”