“1: E le o aʻu o se tagata polofesa o le soifua maloloina faalemafaufau, ae ou te manao e fesoasoani. O le a se mea e mafai ona ou faia?“ Soifua Maloloina Faalemafaufau: Se Isi Tagata: Taitai (2019)
“Ou Te Manao e Fesoasoani,”Soifua Maloloina Faalemafaufau: Fesoasoani mo se Isi Tagata: Taitai
E le o aʻu o se tagata polofesa o le soifua maloloina faalemafaufau, ae ou te manao e fesoasoani. O le a se mea e mafai ona ou faia?
A o talanoa faatasi ma se tasi o loo galueaiina luitau o le soifua maloloina faalemafaufau, o mea aupito sili ona taua e mafai ona e faia o le faalogo ma faailoa atu le tigaalofa. O faaupuga e talitutusa nei e ono fesoasoani ia te oe e faaali atu ai le tigaalofa:
-
“Ou te le iloa po o le a se tala e fai atu, ae ou te manao ia e iloa ou te manatu alofa ia te oe.”
-
“E te le tau tautala mai pe a fai e te le mana’o ai. Tau ina e iloa ou te manatu alofa ia te oe.”
-
“E Lelei lava le i ai o lagona eseese mai lea aso i le isi aso. E le tasi se auala sa’o e faalogoina. Peita’i, o lou faatagaina o oe lava ia lagona po o le a lava faalogona o loo i ai i lea taimi, i le tele o taimi o le mea sili lea ona maloloina e fai.”
-
“Ua ou matua faanoanoa lava ua e oo i lenei mea.”
-
“E le afaina pe a e leiloaina tali uma, pe leiloa atoatoa le mea o loo tupu. Tau lava ia ta talanoa.”
A o talanoa faatasi ma se tasi o loo galueaiina luitau o le soifua maloloina faalemafaufau, manatunatu e fai atu fesili faapei o fesili o loo i lalo e fesoasoani ia te oe ia malamalama i ona popolega, manaoga, ma tulaga. Afai o loo ia tauivi faalemafaufau ma e manaomia le fesoasoani faapolofesa, faafesootai Auaunaga FaaleAiga.
-
O faapefea ona e talitalia?
-
Pe a fai o loo sologa lelei lou aso, o le a le mea e foliga mai o loo fesoasoani ai?
-
O a ni punavai o le lagolago faalelagona o loo e mauaina?
-
O a ni lagolago e mafai e tagata o le ekalesia ma a’u nei ona ofoina atu ia te oe?