alii e toalua o loo talanoa i luga o le faapaologa

E mafai faapefea ona ou malamalama atili i mea e tatau ona aloese ai mai le fai atu po o le faia?

Ia faailoa atu le tigaalofa (ma faaauau pea ona faia faapea). Tatalo mo le taitaiga i mea e tautala atu ai. O le faamafanafana atu i se tasi e mafai ona faapopoleina ai, ae e tele lava ina sili atu le aapa atu ma fai atu se tala nai lo le leai o se tala e faia. E taua mo tagata o e o loo galueaiina luitau o le soifua maloloina faalemafaufau ona iloa e te manatu alofa ma e te manao e lagolagoina i latou.

Ia nofouta. O ni isi o faamatalaga e lelei ona faamoemoega atonu e ono le avea e faapea e tigaalofa ia i latou o e o loo galueaiina luitau o le soifua maloloina faalemafaufau. Atonu o faataitaiga o loo i lalo o le a tele atu le faatiga nai lo le aoga:

• “O se vaega o le fuafuaga a le Atua.”

• “Mea sili …” (“Mea sili e le o se tulaga tigaina tele,” “Mea sili o loo i ai pea lou aiga.” “Mea sili o loo i ai au uo e lagolagoina oe.”)

• “Sa oo ia te a’u se aafiaga faapena.”

• “Auauna atili.”.

• “O le a faasolo ina lelei mea i le gasologa o le taimi.”

• “E tatau ona e …” po o le “O le a e …”

• “Tau o le alu i le malumalu ma tatalo e faatatau i ai.”

• “Tau lava o le sui o ou uiga patino o le a fesoasoani lena.”

• “Tau lava o le taulai atu i le lelei.”

• “O le fiafia o se filifiliga.”