6

Pagkompleto sa Imong Misyon

6.0

Pasiuna

Andama ang imong kaugalingon karon sa pagpadayon sa imong pagpakabuhi isip usa ka disipulo ni Jesukristo ug isip usa ka matinud-anon nga miyembro sa Ang Simbahan ni Jesukristo sa mga Santos sa Ulahing mga Adlaw human sa imong pagka-release. Bisan kon nahuman na ang imong pangserbisyo nga misyon, magpadayon ka sa pagtuman sa imong misyon sa kinabuhi.

6.1

Magpabilin nga Konektado

Ipadayon ang pagpakig-istorya niadtong imong naserbisyohan ug gikatrabaho sa imong misyon, lakip na sa imong mga lider sa pangserbisyo nga misyon. Suportahi ug palig-ona sila pinaagi sa imong mga pulong ug ehemplo. Sauloga ang importante nga mga panghitabo sa ilang kinabuhi.

6.2

Pagtapos sa Imong Misyon

Tungod kay ikaw usa pa gihapon ka misyonaryo hangtod nga ikaw ma-release sa imong presidente sa stake, ikaw gilauman nga mosunod sa tanang sumbanan sa misyonaryo hangtod niana nga panahon.

6.3

Pagserbisyo ug Paglambo Human sa Imong Misyon

Kon mahuman na ka sa imong misyon, padayon sa pagsunod sa mga sumbanan sa ebanghelyo. Siguroha nga:

• Mag-ampo ug magtuon sa mga kasulatan kada adlaw.

• Motambong ug mosalmot diha sa imong kaugalingong ward o ward sa mga young single adult.

• Mangita og mga oportunidad nga makaserbisyo sa templo.

• Mopadayon sa pagpangita og mga oportunidad nga makaserbisyo sa uban.

• Motambong sa institute o sa uban pa nga mga klase sa edukasyong pang-relihiyon.

• Mangita og mga oportunidad sa edukasyon, pagbansay, ug pagpanarbaho.

Magpakabuhi aron imong masinati ang matang sa kalipay nga gihulagway diha sa Basahon ni Mormon sa dihang si Alma ang Batan-on nakahimamat sa isig ka misyonaryo sa ulahing bahin sa kinabuhi:

“Ug karon nahinabo nga samtang si Alma nagpanaw gikan sa yuta sa Gideon paingon sa habagatan nga bahin, layo ngadto sa yuta sa Manti, tan-awa, sa iyang katingala, siya nagkasugat uban sa anak nga mga lalaki ni Mosiah nga nagpanaw paingon sa yuta sa Zarahemla. …

“Busa si Alma nalipay sa hilabihan sa pagkakita sa iyang mga kaigsoonan; ug unsa ang labaw nga nakadugang sa iyang hingpit nga kalipay, sila nagpabilin sa gihapon nga iyang mga kaigsoonan diha sa Ginoo; oo, ug sila nag-anam og kalig-on diha sa kasay[o]ran sa kamatuoran; kay sila mga tawo nga mabuot og salab[o]tan ug sila misiksik sa mga kasulatan sa kakugi, nga sila unta masay[o]d sa pulong sa Dios.

“Apan kini dili ang tanan; sila naghatag ngadto sa ilang kaugalingon ngadto sa tuman nga pag-ampo, ug pagpuasa; busa sila adunay espiritu sa pagpanagna, ug espiritu sa pagpadayag; ug kon sila nagtudlo, sila nagtudlo uban sa gah[o]m ug pagtugot sa Dios” (Alma 17:1–3).