Mafai mo e Ngaahi Ouau ʻo e Lakanga Fakataulaʻeikí

Ko e Lakanga Fakataulaʻeikí ʻa e mafai ʻoku foaki ʻe he ʻOtuá ki Heʻene fānaú ke fakamoʻui ʻa e tokotaha kotoa pē. ʻOku puleʻi ʻa e mafai ʻo e Lakanga Fakataulaʻeikí ʻe he kau taki lakanga fakataulaʻeiki ʻoku nau maʻu mo ngāue ʻaki ʻa e ngaahi kī ʻo e lakanga fakataulaʻeikí. Koeʻuhí ʻoku pehē ʻe he folofolá “ko e ngaahi mafai [mo e] ngaahi lakanga kehe kotoa pē ʻi he siasí, ko e ngaahi konga pē ia ʻo e lakanga fakataulaʻeiki [Melekisēteki] ko ʻení” (Tokāteline mo e Ngaahi Fuakava 107:5), ʻoku fakahoko ʻa e ngaahi meʻa kotoa pē ʻi he malumalu ʻo e ngaahi kī ko ia ʻo e lakanga fakataulaʻeikí ʻaki ʻa e mafai ʻo e lakanga fakataulaʻeikí.

ʻI hano vaheʻi ʻo ha fefine ke ne malanga ʻaki ʻa e ongoongoleleí ko ha faifekau taimi-kakato, ʻokú ne ngāue ai ʻi he mafai ʻo e lakanga fakataulaʻeikí ke fakahoko ha fatongia ʻo e lakanga fakataulaʻeikí. ʻOku ngāue ʻaki ʻe ha taha pē mo ha uiuiʻi naʻe maʻu mei ha taha ʻokú ne maʻu ʻa e ngaahi kī ʻo e lakanga fakataulaʻeikí, ʻa e mafai lakanga fakataulaʻeikí ʻi hono fakahoko hono ngaahi fatongia naʻe vahe ange ki aí.

Kapau ko e maʻu Lakanga Taulaʻeiki Faka-Melekisēteki koe, ʻe ʻi ai haʻo ngaahi faingamālie ke kau atu ʻi he ngaahi ouau mo e tāpuaki ʻo e lakanga fakataulaʻeikí.

Ki ha fakamatala lahi ange, vakai ki he vahe 7.11, “Ngaahi Ouau mo e Ngaahi Tāpuaki Lakanga Fakataulaʻeikí.”