Իմ կոչումը որպես ուսուցիչների քվորումի խորհրդական

Պարտականությունները

Տերը երախտապարտ է Իր Եկեղեցում ծառայելու ձեր պատրաստակամության համար: Ստորև ներկայացված է ձեր կոչման պարտականությունների մասին ակնարկը:

Ահարոնյան քահանայության նպատակը

Ահարոնյան քահանայության քվորումներն օգնում են երիտասարդ տղամարդկանց կապել և պահել սուրբ ուխտերը և խորացնել իրենց դարձը դեպի Հիսուս Քրիստոսը և Նրա ավետարանը: Քվորումի նպատակն է օգնել քահանայություն կրողներին աշխատել միասին՝ մասնակցելու Աստծո փրկության և վեհացման աշխատանքին: (Sես Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում, 10.1, Ավետարանի գրադարան։)

Ուսուցիչների քվորում

Երիտասարդ տղամարդիկ միանում են ուսուցիչների քվորումին այն տարվա հունվարից, երբ նրանք դառնում են 14 տարեկան։ Այդ ժամանակ նրանք իրավասու են նաև ձեռնադրվելու ուսուցիչներ, եթե պատրաստված են և արժանավոր: Ուսուցիչներն ունեն նույն պարտականությունները, ինչ սարկավագները: Նրանք նաև պատրաստում են հաղորդությունը և ծառայում որպես սպասավորող եղբայրներ: Լրացուցիչ պարտականությունները նկարագրված են Վարդապետություն և Ուխտեր 20.53–59, 84․111 հատվածներում։ (Տես 10.1.3.2։)

Խորհրդական

Ուսուցիչների քվորումի խորհրդականները աջակցում են նախագահին իր պարտականություններում, ներառյալ՝ առաջնորդելով Աստծո փրկության և վեհացման աշխատանքը կատարելու քվորումի ջանքերը, ծանոթանալով և ծառայելով քվորումի յուրաքանչյուր անդամի հետ, այդ թվում նրանց, ովքեր չեն հաճախում քվորումի ժողովներին, ամրապնդելով նոր և վերադարձող անդամներին, ուսուցանելով քվորումի անդամներին իրենց քահանայական պարտականությունները, նաև պլանավորելով և անցկացնելով քվորումի ժողովներ (տես 10.4.2): Քվորումի նախագահությունը պետք է կանոնավոր կերպով ժողովներ անցկացնի (տես 10.4.3):

Ծառայություններ և միջոցառումներ

Եպիսկոպոսների և երիտասարդների քվորումի ղեկավարները, խորհրդատուների աջակցությամբ, ծրագրում են ծառայություն և միջոցառումներ: Դրանք պետք է օգնեն իրագործելու փրկության և վեհացման աշխատանքը։ Դրանք պետք է հավասարաչափ ընդգրկեն անձնական աճի չորս ոլորտները՝ հոգևոր, սոցիալական, ֆիզիկական և մտավոր: (Տես 10.2.1.3։)

Ուղեցույցներ և քաղաքականություն

Լրացուցիչ ուղեցույցներ և քաղաքականություն, ներառյալ աջակցություն հաշմանդամություն ունեցող երիտասարդ տղամարդկանց, Երեխաների և երիտասարդների խորհրդանիշների ստացում և ծոմապահության նվիրատվությունների հավաքում, գտնվում են 10.8 բաժնում Ընդհանուր Ձեռնարկում: