xjalam-uuch li Jesus naq nariiqa jun karneer

Sahil k’ulunik choq’ aawe

Sahil k’ulunik choq’ aawe sa’ laa ak’ k’anjel. Naqab’antioxi laa rahom ut laa tiikilal chiru li qaChoxahil Yuwa’ li nakak’ut rik’in xkulub’ankil k’anjelak chiruheb’ li ralal xk’ajol. Aawik’in, a’an naru naxtoch’ xch’ooleb’, naxkawob’resi xjalajik lix ch’ooleb’, ut naxb’eresiheb’ li ralal ut lix rab’in chiru lix b’ehil li sumwank.

Eb’ li k’anjeleb’aal naru neke’oksiman

Li Jolomil K’anjenel Hu re li Iglees ut li k’a’ru wan sa’ Lin b’oqb’il k’anjel tate’xtenq’a chixb’aanunkil laa k’anjel. Il li na’leb’ arin re xtawb’al ru chi us chan ru roksinkileb’ li tenq’anel na’leb’ a’an.

Jolomil K’anjenel Hu: Sa’ li Jolomil K’anjenel Hu: Li k’anjelak sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan wankeb’ li raqal li neke’xye chi tz’aqal chan ru xb’aanunkil li teneb’anb’il sa’ aab’een. Oksi li k’anjenel hu a’in naq yooqat chi k’anjelak, ut tz’il rix rik’in tijok li na’leb’ naxk’e.

Lin b’oqb’il k’anjel: Sa’ Lin b’oqb’il k’anjel wan jun xtusulal li k’a’ru teneb’anb’il sa’ aab’een. Rochb’eeneb’ li na’leb’ a’in wankeb’ junjunq li enlace toj sa’ li Jolomil K’anjenel Hu re xtawb’al xkomon chik li na’leb’