Na Noqu Veikacivi vaka Qasenivuli ni Lalai

iTavi eso

E vakavinavinakataka na Turaga ena nomu lomasoli mo veiqaravi ena Nona Lotu. E koto e ra na ivakamacala raraba ni itavi eso ni nomu veikacivi.

iNaki ni Lalai

Na Lalai e vukei ira na gone me ra vakila na loloma ni Tamada Vakalomalagi; vulica me baleta na Nona ituvatuva ni marau; bulataka na kosipeli i Jisu Karisito; ka vakila, kila, ka cakacaka ena veivakauqeti ni Yalo Tabu. Na Lalai sa gauna talega ni vakavakarau, cakava, ka maroroya na veiyalayalati tabu ni ra vakaitavi na gone ena cakacaka ni veivakabulai kei na bula vakacerecerei ni Kalou. (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 12.1.)

Qasenivuli ni Lalai

Na vakavulici ira na luve ni Kalou sa dua na madigi tabu. Era sa kacivi na qasenivuli ni Lalai me ra vakavulica ka veiqaravi ki na vei itabayabaki vakatabakidua eso ni gonelalai (raica na 12.3.5). Era na vulica na kosipeli ka wasea vei ira na lalai na veika era sa vulica. Na qasenivuli ena vakauqeti ira na gonelalai kei na nodra matavuvale mera vulica na kosipeli e vale. Era sureti ira na gonelalai me wasea e valenilotu na ka era sa vulica tiko e vale (raica na 12.2.1.2).

Kalasi ni Sigatabu

Era veivakavulici na qasenivuli ni Lalai mai na Lako Mai, Mo Muri Au. Era muria na ivakavuvuli ena Vakavuvuli ena iVakarau ni IVakabula kei na wase 17 ni iDusidusi Raraba. Ni ra veivakavulici na itabaqase vei ira na gonelalai ena vakarau ni Lotu, me na tiko e rua mada ga na itabaqase nuitaki (raica na 12.3.5).

iDusidusi kei na Lawatu

Na itabaqase kece era cakacaka vata kei ira na gonelalai kei ira na itabagone e dodonu me ra vakacavara na veituberi ni Veitaqomaki vei ira na Gonelalai kei na iTabagone ena loma ni dua na vula mai na gauna era a tokoni kina (ProtectingChildren.ChurchofJesusChrist.org). Na idusidusi kei na lawatu me baleti ira na gonelalai era vakaleqai tu, veika e gadrevi ena veitaqomaki, na parokaramu ni Gonelalai kei na iTabagone, kei na so tale era kune ena wase 12.5 ni iVoladusidusi Raraba.