Chan ru xtikib’ankil
“A’an ka’ajwi’ naxpatz’ naq taayal aaq’e ut naq taab’aanu chi anchal aach’ool. B’aanu chi sa laa ch’ool ut rik’in jun tij re paab’aal.” —Awa’b’ej Henry B. Eyring1
Nakatqab’oq chixtikib’ankil laa ak’ k’anjel rik’in chixjunil li tenq’aak ut b’eresiik li naxk’e li Qaawa’ aawe. Naru nakab’aanu a’in rik’in xk’ulub’ankileb’ li wiib’ chi b’oqok a’in.
Xb’een, tattijoq. Tijon choq’ reheb’ li nakab’eresiheb’. Tijon choq’ reheb’ li ani nakatk’anjelak wi’. Tijon chi kok’ aj xsa’ re naq tatruuq chi tenq’ank, chi tawok-u, ut chi osob’tesiik. Kanab’ aawib’ chi tz’aqal sa’ ruq’ li Qaawa’ ut a’an tatrosob’tesi sa’ laa k’anjel.
Xkab’, tatxaqab’aaq ut tatk’ojob’aaq sa’ laa ak’ k’anjel. Li na’leb’ a’in aajel ru re naq taawanq xwankil li tijonelil aawik’in re xb’aanunkil laa k’anjel. Rik’in li wankilal a’in, naru tat-osob’tesiiq ut tatmusiq’aaq xb’aan li Musiq’ej choq’ reheb’ li ani nakab’eresiheb’ ut li ani nakatk’anjelak wi’.
Il li raqal chirix li teneb’aak re xnawb’al k’a’ru laa k’anjel.