Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

Li rajom li Dominkil Tzoleb’aal

Li Dominkil Tzoleb’aal natenq’an chixb’aanunkil lix k’anjel li Dios re li kolb’a-ib’ ut li taqenaqil loq’al. Naxb’aanu a’in rik’in xtenq’ankileb’ li ralal xk’ajol li Dios chixtzolb’al ut chixyu’aminkil lix evangelio li Jesukristo (chi’ilmanq Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li kutan, 13.1).

Li awa’b’ejil ut laj tz’iib’anel

Teneb’anb’il sa’ xb’een li awa’b’ej naq taajolominq sa’ xb’een li xtzolb’al ut li xk’utb’al li evangelio sa’ li ochoch ut sa’ li iglees. Wankeb’ laj tenq’ aj k’ehol na’leb’ li neke’tenq’ank re. Laj tz’iib’anel naru naxtenq’a li awa’b’ejil rik’in xk’eeb’al reetal ani k’eeb’il xtaqlankil ut rajlankileb’ li neke’wulak sa’eb’ li tzoleb’aal (chi’ilmanq 13.2.2.2).

Eb’ li tzoleb’aal re domingo

Na’ux li tzolok sa’ li Dominkil Tzoleb’aal chiru li xb’een ut li rox domingo re li po. Jalan jalanq rajlankileb’ li komon sa’eb’ li tzoleb’aal a’ yaal li na’ajman ru sa’ li junjunq chi teep (chi’ilmanq 13.3). Eb’ laj k’utunel sa’ li Dominkil Tzoleb’aal neke’roksi xb’een wa li loq’laj hu, eb’ li raqal sa’ Kim, Taaqehin, ut li raatineb’ li profeet re li kutan a’in naq neke’k’utuk.

Li tzolok li jayalinb’il sa’ li ochoch

Eb’ li na’b’ej yuwa’b’ej tento sa’ xb’eeneb’ xk’utb’al li evangelio chiruheb’ li ralal xk’ajol (chi’ilmanq 13.5). Eb’ laj k’utunel ut laj jolominel sa’ li Dominkil Tzoleb’aal neke’xwaklesi xch’ooleb’ li komon chixsik’b’al lix musiq’anb’il na’leb’ re te’xnaw chan ru xtzolb’al ut xk’utb’al li evangelio sa’ li rochocheb’ (chi’ilmanq 17.2).

Eb’ li ch’utam reheb’ laj k’utunel

Laj tz’iib’anel naru naxtenq’a li awa’b’ej re li Dominkil Tzoleb’aal chixk’uub’ankileb’ ut chixb’aanunkileb’ li ch’utam reheb’ laj k’utunel ut eb’ li ch’utam reheb’ laj k’utunel choq’ reheb’ li yuwa’b’ej li neke’ux rajlal oxib’ po.

Li b’eresink ut li chaq’rab’ink

Chixjunileb’ li komon ak ninqeb’ li neke’k’anjelak rik’ineb’ li saaj tento te’xb’aanu li tzolok chirix xkolb’aleb’ rix li kok’al naq maji’ jun po rokikeb’ sa’ lix b’oqb’aleb’ (ProtectingChildren.ChurchofJesusChrist.org). Naru natawman xkomon chik li chaq’rab’ink chirix li Dominkil Tzoleb’aal sa’ li tasal 13.7 re li Jolomil K’anjenel Hu.