My Roeping as ʼn Gestremdheidspesialis
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede van jou roeping.
Lede met Gestremdhede
“Kerklede word aangemoedig om die Saligmaker se voorbeeld te volg om hoop, begrip en liefde te bied aan diegene met gestremdhede” (Algemene Handleiding: Diens in Die Kerk van Jesus Christus van die Heiliges van die Laaste Dae, 38.8.27). Jou fokus as ʼn wyksgestremdheidspesialis is om individue te help voorberei om heilige verbonde te sluit en te onderhou.
Gestremdheidspesialis
Die gestremdheidspesialis dien lede en leiers deur individue met gestremdhede en hul gesinne te leer ken; te reageer op gestremdheidsverwante vrae en bekommernisse van versorgers, leiers en ander; en om individue te help om toegang tot Kerkmateriaal, vergaderings en aktiwiteite te kry. Die spesialis kan ook help om betekenisvolle geleenthede te identifiseer vir lede met gestremdhede, om te dien. (Sien 38.8.27.9.)
Bykomende Verantwoordelikhede
Identifiseer en leer oor lede in jou wyk wat gestremdhede het. Soek biddend inspirasie oor hoe hierdie lede en hul gesinne of versorgers ingesluit en ondersteun kan word. Bied aan om wyksraadsvergaderings by te woon om leiers te help verstaan hoe hulle lede met gestremdhede kan ondersteun. Vir bykomende hulpbronne, sien disability.ChurchofJesusChrist.org.
Riglyne en Beleide
Vir riglyne oor die ondersteuning van lede in hospitale of sorgsentrums, sien afdeling 38.8.43 in die Algemene Handleiding. Vir riglyne oor ordinansies vir individue met intellektuele of fisiese gestremdhede, sien afdelings 38.2.4 en 38.2.5.