ការហៅរបស់ខ្ញុំជាអ្នកឯកទេសផ្នែកពិការភាព
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះការស្ម័គ្រចិត្តបម្រើរបស់អ្នកនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
សមាជិកពិការ
« សមាជិកនៃសាសនាចក្រត្រូវបានលើកទឹកចិត្តឲ្យធ្វើតាមគំរូរបស់ព្រះអង្គសង្រ្គោះ ក្នុងការផ្តល់សេចក្តីសង្ឃឹម ការយល់ចិត្ត និងក្ដីស្រឡាញ់ដល់អ្នកទាំងឡាយណាដែលពិការ » ( ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ៣៨.៨.៣១ ) ។ ការយកចិត្តទុកដាក់របស់អ្នកក្នុងនាមជាអ្នកឯកទេសផ្នែកពិការភាពវួដ គឺដើម្បីជួយបុគ្គលទាំងឡាយឲ្យត្រៀមខ្លួនធ្វើ និងរក្សាសេចក្ដីសញ្ញាពិសិដ្ឋ ។
អ្នកឯកទេសផ្នែកពិការភាព
អ្នកឯកទេសផ្នែកពិការភាពបម្រើសមាជិក និងថ្នាក់ដឹកនាំតាមរយៈការស្គាល់បុគ្គលដែលមានពិការភាព និងក្រុមគ្រួសាររបស់ពួកគេ ឆ្លើយតបទៅនឹងសំណួរដែលទាក់ទងនឹងរឿងពិការភាព និងការព្រួយបារម្ភមកពីអ្នកថែទាំ ថ្នាក់ដឹកនាំ និងអ្នកដទៃទៀត និងការជួយបុគ្គលទាំងឡាយឲ្យចូលមើលឯកសារ ការប្រជុំ និងសកម្មភាពផ្សេងៗរបស់សាសនាចក្រ ។ អ្នកឯកទេសក៏អាចជួយស្វែងរកឱកាសដ៏មានអត្ថន័យសម្រាប់សមាជិកពិការដើម្បីបម្រើផងដែរ ។ ( សូមមើល ៣៨.៨.៣.២ ) ។
ការទទួលខុសត្រូវបន្ថែម
ស្វែងរក និងរៀនអំពីសមាជិកនៅក្នុងវួដរបស់អ្នកដែលមានពិការភាព ។ ស្វែងរកការបំផុសគំនិតប្រកបដោយការអធិស្ឋានអំពីរបៀបដើម្បីជួយ និងគាំទ្រដល់សមាជិកទាំងនេះ និងក្រុមគ្រួសារ ឬអ្នកថែទាំរបស់ពួកគេ ។ សូមស្ម័គ្រចិត្តចូលរួមការប្រជុំក្រុមប្រឹក្សាវួដ ដើម្បីជួយថ្នាក់ដឹកនាំឲ្យយល់អំពីរបៀបដែលពួកគេអាចគាំទ្រសមាជិកពិការ ។ សម្រាប់ធនធានបន្ថែម សូមមើលគេហទំព័រ disability.ChurchofJesusChrist.org ។
គោលការណ៍ណែនាំ និងគោលនយោបាយនានា
សម្រាប់ការណែនាំអំពីការគាំទ្រសមាជិកនៅក្នុងមន្ទីរពេទ្យ ឬមណ្ឌលថែទាំ សូមមើលផ្នែក ៣៨.៨.៤៣ នៅក្នុង ក្បួនខ្នាតទូទៅ ។ សម្រាប់គោលការណ៍ណែនាំស្តីពីពិធីបរិសុទ្ធសម្រាប់បុគ្គលដែលមានពិការភាពខាងបញ្ញា ឬខាងរាងកាយ សូមមើលផ្នែក ៣៨.២.៤ និង ៣៨.២.៥ ។