Koling blong Mi olsem wan Sekretari blong Ol Yang Woman

Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.

Stamba tingting blong Ol Yang Woman

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. Hemia i helpem ol yang woman blong oli mekem mo kipim ol tabu kavenan, mo tu, blong oli mekem ol dip jenis long laef blong olgeta i go long Jisas Kraes mo gospel blong Hem. Insaed long ol klas blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. Luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 11.1.1.)

Sekretari

Sekretari blong Ol Yang Woman i helpem presiden blong rere ol ajenda, tekem ol not, mo kipim ol asaenmen blong ol presidensi miting. Hem i givim instraksen long klas sekretari, helpem olgeta mo kipim atendens rekod, mo helpem Ol Yang Woman presidensi blong rere wan bajet mo akaon blong spendem mane (luk long 11.3.3).

Ol Sandei Klas

Ol bisoprik mo ol adalt lida blong Ol Yang Woman oli prea mo disaed olsem wanem blong oganaesem ol klas i folem yia blong olgeta. Oli tingting long ol janis blong lidasip blong ol yang woman. Wanwan klas, i nomata se klas i smol o i bigwan, i mas gat wan presiden mo, taem i posibol, i gat wan o tu kaonsela mo wan sekretari (luk long 11.1.3).

Seves mo Ol Aktiviti

Ol adalt lida, oli sapotem ol klas presidensi blong mekem ol plan blong givim seves mo ol aktiviti we i bildimap ol testemoni, (luk long 11.2.1.3). Ol seves mo ol aktiviti i wan janis blong karem i kam tugeta ol yut mo serem glad blong stap laef folem gospel mo stap tekpat long bigfala wok blong Lod.

Sam Moa Gaedlaen mo Polisi

Evri adalt we oli wok wetem ol pikinini mo yut oli mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org Ol gaedlaen mo ol polisi abaot ol yang woman wetem disabiliti, ol simbol blong ol yut, mo plante moa yu save faenem long seksen,11.6, blong Jeneral Hanbuk.