Welkam

Welkam long niufala koling blong yu. Mifala i talem tangkyu from lav mo komitmen blong yu long we yu bin soem tru long tingting blong hat blong yu blong wantem givim seves long ol pikinini blong Hem. Tru long yu, Hem i save jenisim ol hat, mekem fasin blong jenisim laef i kam mo strong, mo lidim ol pikinini boe mo gel blong Hem long rod blong kavenan.

Ol Risos blong Save

Jeneral Hanbuk blong Jos mo Koling blong Mi risos ia bae oli helpem yu long koling blong yu. Ridim ol instraksen andanit ia blong save moa long olsem wanem blong yusum tufala risos ia.

Jeneral Hanbuk: Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent i givim ol ditel instraksen long ol defdefren responsabiliti blong yu. Plis yusum gud buk ia truaot long seves blong yu mo wetem prea, tingting long ol daereksen we i kam.

Koling blong Mi: Koling blong Mi i givim wan sot lukluk long niufala responsabiliti blong yu. Insaed long ol sot toktok ia, i gat sam link blong Jeneral Hanbuk we i givim moa infomesen.