3:

Levaʻi ʻo e Paʻangá

Lipōtí:Vahevahe nounou mo e kulupú ki he founga naʻe fakamālohia ai ʻe he ʻaho Sāpaté pe ko e Tohi ʻa Molomoná hoʻo tuí he uike kuoʻosí.

Fakalaulauloto:Ko e hā ʻoku fuʻu faingataʻa ai hono levaʻi lelei ʻo e paʻangá—pea fuʻu mahuʻingá?

Mamata:“Fakamuʻomuʻa ʻa e Meʻa ʻOku Muʻomuʻá (First Things First)” maʻu ʻi he srs.lds.org/videos. (ʻIkai ha vitiō? Lau ʻa e peesi 10.)

Fakamuʻomuʻa ʻa e Meʻa ʻOku Muʻomuʻá!

Kapau ʻoku ʻikai ke mou lava ʻo mamata ʻi he foʻi vitioó, vahe ʻa e ngaahi kongá pea lau ʻa e fakamatala ko ʻení.

mei he Fakamuʻomuʻa ʻa e Meʻa ʻOku Muʻomuʻá

FAKAMATALÁ: Ko ha kiʻi tamasiʻi mo ha kiʻi taʻahine, ʻokú na tui ha vala ʻo e kakai lalahí, ʻo na faʻifaʻitaki ʻena ongomātuʻá.

Tamasiʻi: ʻOfaʻanga, ko ʻeni kuó u foki mai.

Taʻahine: ʻOku talitali lelei koe. Masiʻi, ʻokú ke ngali helaʻia.

Tamasiʻi: Mo koe pē. ʻOkú ke ngāue mālohi, ʻikai ko iá?

Taʻahine: ʻIo, ʻikai ʻoku totonu ke ta ngāue, ko ia?

Tamasiʻi: Naʻá ku maʻu ha 10 he ʻahó ni.

Taʻahine: Mani, ko ha tāpuaki ia. Ko ia, ke fakamuʻomuʻa ʻa e meʻa ʻoku muʻomuʻá! Ta totongi ʻeta vahehongofulú, ko ia?

Tamasiʻi: Fēfē kapau ʻoku ʻikai ke ta maʻu ha meʻa feʻunga?

Taʻahine: Ko e taimi ia ke tui aí!

Tamasiʻi: Sai. Ko e hā e meʻa hokó?

Taʻahine: ʻIo, ʻoku fie maʻu ke ta fakatau ha meʻakai pea ʻi ai mo ha totongi pasi, mo totongi ʻa e falé. Pea, ʻe lelei kapau te ta toki fakatau ha sea …

Tamasiʻi: Ka he ʻikai ke ta lava. Sio? ʻOku ʻikai ke ta maʻu ha paʻanga feʻunga.

Taʻahine: ʻE lava ke ta nō ha paʻanga?

Tamasiʻi: ʻOku nau pehē ʻoku fakatuʻutāmaki e fakamoʻuá. ʻOku ʻikai te ta loto ke faingataʻaʻia.

Taʻahine: Sai. ʻOkú ke moʻoni. Ko e hā leva ʻa e meʻa te ta fai ʻaki ʻení?

Tamasiʻi: Ta fakahū ia! ʻOku ʻikai haʻo misi ki he meʻa ʻe hokó.

Taʻahine: ʻOku ongo tonu ia. Ka ʻoku ʻikai toe ha meʻa ia ki ha fakafiefia.

Tamasiʻi: Ko kitaua ʻeni! Pea te u feinga ke maʻu ha paʻanga lahi ange.

Taʻahine: Te u feinga ke siʻisiʻi ange ʻeku fakamolé!

Tamasiʻi: Te ta fiefia ai—pea fakafalala pē kiate kitaua!

Taʻahine: Moʻoni! Naʻe ʻikai fuʻu faingataʻa ia. Ko e hā ʻoku ʻai ai ʻe he kakai lalahí ke faingataʻá?

Tamasiʻi: ʻOi, ʻokú ke ʻilo pē. Ko e anga pē ia ʻo e kakai lalahí.

Foki ki he peesi 8

Aleaʻi:Ko e hā ʻoku totonu ai ke tau tokangaʻi mo fakahū ʻetau paʻangá?

Lau:Tokāteline mo e Ngaahi Fuakava 104:78 pea mo e fakamatala mei he Teuteu ʻa e Meʻa ʻAonga Kotoa Pē (ʻi he toʻomataʻú)

“Pea ko e tahá, ko e moʻoni ʻoku ou pehē kiate kimoutolu ʻo kau ki homou ngaahi moʻuá—vakai ko hoku lotó ke mou totongi ʻa homou ngaahi moʻua kotoa pē.”

Tokāteline mo e Ngaahi Fuakava 104:78

[“Totongi ʻa e vahe hongofulú mo e ngaahi foakí, … fakaʻehiʻehi mei he fakamoʻuá, … ngāue ʻaki ha patiseti, … fakapapauʻi ʻa e founga ke holoki ai hoʻo fakamole ki he ngaahi meʻa ʻoku ʻikai fuʻu fie maʻú … [pea] mapuleʻi koe ke moʻui fakatatau mo hoʻo palani patisetí.]”

Teuteu ʻa e Meʻa ʻAonga Kotoa Pē: Tuʻunga Fakapaʻanga ʻa e Fāmilí (BOOKLET,, 2007), 3.

Aleaʻi:Lau ʻa e founga moʻui fakafalala pē kiate kita ʻi hono tokangaʻi e paʻangá (ʻi lalo). ʻE founga fēfē haʻatau ʻai ʻeni ko ha meʻa angamahení?

fakatātā ʻo e founga moʻui fakafalala pē kiate kitá

ʻEkitivitií

Sitepu 1: Toe vakaiʻi fakataautaha hoʻo fakamole ʻi laló.

Ko e Hā ʻEku Ongo Fekauʻaki mo ʻEku Fakamolé?
Faʻahinga	ʻOku fuʻu siʻisiʻi ʻeku fakamolé	ʻOku ou ongoʻi fiemālie fekauʻaki mo ʻeku fakamolé	ʻOku fuʻu lahi ʻeku fakamolé
Sīpinga  Valá			✓
Maʻu meʻatokoni he ngaahi falekaí
Koloa Meʻakaí
Meʻakai fakamāmālohí mo e Inú
Fakafiefiá
Fale Nofoʻangá
Vai, ʻuhila, kasa
Valá
Ngaahi nāunau maʻá e fāmilí
Fefonongaʻakí
Maluʻí
Telefoní
Totongi moʻuá
Vahehongofulú
Ngaahi Foaki ʻOfá
Meʻa Kehé

Sitepu 2: Lau ʻa e lea ʻa ʻEletā Robert D. Hales (he toʻomataʻú). Aleaʻi e founga ʻe lava ke fakasiʻisiʻi ai e fakamole he ngaahi meʻa ʻoku fuʻu lahi ai hoʻo fakamolé.

“Hangē ʻoku ʻi ai ha ongo ʻoku ʻi ai haʻatau totonu ki ha meʻa ʻi he anga fakafonua ʻo e ngaahi ʻahó ni. … Ko e taimi ʻoku tau mafasia ai ʻi he lahi fau ʻo e moʻuá, ʻoku tau … fokotuʻu kitautolu ʻi ha tuʻunga pōpula kakato, ʻo fakamoleki hotau taimí kotoa, iví kotoa, mo e meʻa kotoa ʻoku tau maʻú ke totongi hotau moʻuá. … ʻOku mahuʻinga ke tau … fakatupulaki ha palani fakamole mo fakahū paʻanga—ha patiseti—pea fakafaikehekeheʻi ʻa e holí mei he fie maʻú.”

Robert D. Hales, “Seek and Attain the Spiritual High Ground in Life” (Church Educational System fireside, Mar. 2009), lds.org/media-library

Tukupā:Tukupā ke fakahoko ʻa e ngaahi ngāue ko ʻení he lolotonga ʻo e uiké. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāue takitaha:

• Muimuiʻi ʻa e paʻanga ʻokú ke maʻu mai mo fakamole he ʻaho takitaha. ʻE lava ke ke ngāue ʻaki ʻa e Lekooti ʻo e Paʻanga Hū Mai mo e Fakamole ʻi he peesi 11.

• Vahevahe mo hoʻo familí pe ngaahi kaungāmeʻá e meʻa kuó ke ako he ʻahó ni fekauʻaki mo hono tokangaʻi e paʻangá.

Lekooti ʻo e Paʻanga Hū Maí mo e Fakamolé

Hiki e lahi hoʻo fakamole he uike takitaha. Naʻe mei fēfē nai kapau naʻá ke maʻu ha paʻanga feʻunga ki hoʻo ngaahi fie maʻú?

Ko e hā e lahi ʻeku fakamole fakauiké?					Ko e hā e lahi ʻo e paʻanga ʻoku ou fie maʻu fakamāhina ke u moʻui fakafalala ai pē kiate aú?
	Uike 1	Uike 2	Uike 3	Uike 4
Paʻanga Hū Maí
Vahehongofulú, ngaahi foakí
Paʻanga ʻoku fakahū ko e talifakí
Me’akaí
Fale Nofoʻangá
Fakamole fakafaitoʻó
Fefonongaʻakí
Fakamole fakaakó
Totongi moʻuá
Valá
Vai, ʻuhila, kasa
Telefoní
Fakafiefiá
Maluʻí
Meʻa Kehé
Fakakātoa ʻo e ngaahi fakamolé