ការទទួលបានចំណេះដឹងខាងវិញ្ញាណ ភាគ ៣

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ការស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព

គោលបំណងមួយនៃចំណេះចំណានខាងគោលលទ្ធិ គឺដើម្បីជួយអ្នកឲ្យរៀន និងអនុវត្តគោលការណ៍នៃការទទួលបានចំណេះដឹងខាងវិញ្ញាណ ។ មេរៀននេះអាចជួយអ្នកឲ្យយល់ពីសារៈសំខាន់នៃការស្វែងរកសេចក្តីពិត តាមរយៈប្រភពដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានមកដោយសេចក្តីស្រឡាញ់ ។

តើអ្នកស្វែងរកចម្លើយនៅឯណា ?

ក្នុងរយៈពេលមួយនាទី សូមព្យាយាមស្វែងរកព័ត៌មានដូចខាងក្រោមនេះ ។

អាកាសធាតុសម្រាប់ចុងសប្តាហ៍ខាងមុខនេះ
ឈ្មោះរាជធានីនៃកោះហ្រ្គីនលេន
រូបមន្តសម្រាប់ម្ហូបប៉ាស្តា ឬម្ហូបជាបាយ

សូមពិចារណាសំណួរខាងក្រោម ។

តើអ្នកបានប្រើ ( ឬជាធម្មតា តើអ្នកនឹងប្រើ ) ប្រភពអ្វីដើម្បីស្វែងរកព័ត៌មាន ?
ហេតុអ្វីបានជាអ្នកទុកចិត្តលើប្រភពទាំងនេះ សម្រាប់ព័ត៌មានអំពីសំណួរប្រភេទនេះ ?

តើយើងអាចរកចម្លើយពីព្រះនៅឯណា ?

តើអ្នកនឹងណែនាំឲ្យមនុស្សទៅស្វែងរកចម្លើយចំពោះសំណួរសំខាន់ៗអំពីព្រះ សាសនាចក្រ ឬផែនការនៃសេចក្ដីសង្គ្រោះនៅកន្លែងណា ?

សូមគិតអំពីសំណួរណាមួយ ដែលអ្នកមានអំពីព្រះ សាសនាចក្រ ឬផែនការនៃសេចក្ដីសង្គ្រោះ ។ ការណ៍នេះអាចរាប់បញ្ចូលទាំងព័ត៌មាន ដែលអ្នកបានអាន ឬបានឮដែលអ្នកងឿងឆ្ងល់ ឬគិតថាច្របូកច្របល់ ។ សូមស្វែងរកព្រះវិញ្ញាណបរិសុទ្ធឲ្យដឹកនាំអ្នក នៅក្នុងការរៀនសូត្រអំពីគោលការណ៍នានានៅក្នុងមេរៀននេះ ដែលអាចជួយអ្នកបាន ។

សូមអានវគ្គបទគម្ពីរខាងក្រោម ដោយរកមើលរបៀបដែលប្រភពនៃសេចក្តីពិត ដែលត្រូវបានបង្រៀននៅក្នុងអត្ថបទទាំងនេះ អាចប្រទានពរដល់យើងបាន ។

អេភេសូរ ៤:១១–១៤
ធីម៉ូថេ ទី២ ៣:១៥–១៧
យ៉ាកុប ១:៥–៦
កថាខណ្ឌទី ១១ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ )

ចុះបើខ្ញុំមិនប្រាកដថា ប្រភពព័ត៌មានមួយគួរឲ្យទុកចិត្តបានដែរឬអត់នោះ ?

វិធីសាមញ្ញបំផុតមួយក្នុងការស្វែងរកព័ត៌មាននៅសព្វថ្ងៃនេះ គឺតាមរយៈការប្រើប្រាស់អ៊ីនធឺណិត ។ តាមរយៈអ៊ីនធឺណិត យើងអាចទទួលបានប្រភពព័ត៌មានល្អៗជាច្រើន ។ ទន្ទឹមនឹងនេះ អ៊ីនធឺណិតក៏បង្ហាញដល់យើងនូវប្រភពព័ត៌មាន ដែលមិនអាចទុកចិត្តបាន និងមិនពិតផងដែរ ។ អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់បានព្រមាន ៖

ព័ត៌មានលើអ៊ីនធឺណិតពុំបានចម្រាញ់ភាពមិន « ពិត » ចេញទេ ។ ទោះជាវាទាក់ទាញគួរឲ្យជឿប៉ុណ្ណាក៏ដោយ ព័ត៌មានមួយចំនួនជាធម្មតាគឺមិនពិតទេ ។

( នែល អិល អាន់ឌើរសិន « Joseph Smith » Liahona ខែ វិច្ឆិកា ឆ្នាំ ២០១៤ ទំព័រ ២៩ )

សូមអាន កថាខណ្ឌទី ១២ នៅក្នុងផ្នែក « ការទទួលបានចំណេះដឹងខាងវិញ្ញាណ » នៅក្នុង ឯកសារគោលនៃចំណេះចំណានខាងគោលលទ្ធិ ។ សូមពិចារណាគូសចំណាំហេតុផលដែលវាមានគ្រោះថ្នាក់ ក្នុងការស្វែងរកចម្លើយចំពោះសំណួរខាងវិញ្ញាណចេញពីប្រភពដែលមិនស្គាល់ ឬមិនគួរឲ្យទុកចិត្តនោះ ។

នៅពេលអ្នកជួបប្រទះព័ត៌មានថ្មីអំពីព្រះ សាសនាចក្រ ឬផែនការនៃសេចក្តីសង្គ្រោះ នោះវាមានគុណប្រយោជន៍ក្នុងការសួរខ្លួនឯងនូវសំណួរដូចខាងក្រោម អំពីប្រភពនៃព័ត៌មាននោះ ។ នៅពេលអ្នកអានសំណួរទាំងនេះ សូមរកមើលសំណួរដែលអ្នកគិតថាមានគុណប្រយោជន៍បំផុត នៅពេលសម្រេចចិត្តថា តើប្រភពមួយគួរឲ្យទុកចិត្តបានឬអត់នោះ ។ ( អ្នកក៏អាចសិក្សាសេចក្ដីយោងបទគម្ពីរនីមួយៗ ដែលអមមកជាមួយផងដែរ ) ។

សំណួរមួយចំនួនដើម្បីវាយតម្លៃព័ត៌មានថ្មី

តើខ្ញុំមានអារម្មណ៍អ្វីពីព្រះវិញ្ញាណបរិសុទ្ធ នៅពេលខ្ញុំបានអាន ឬបានឮព័ត៌មាននេះ ? ( សូមមើល គោលលទ្ធិ និង សេចក្តីសញ្ញា ៥០:២៣–២៤ ) ។
តើព័ត៌មាននេះនាំខ្ញុំឲ្យចូលទៅជិតព្រះយេស៊ូវគ្រីស្ទ និងសាសនាចក្ររបស់ទ្រង់ដែរឬទេ ? ( សូមមើល មរ៉ូណៃ ៧:១៥–១៧ ) ។
តើព័ត៌មាននេះលើកទឹកចិត្តខ្ញុំឲ្យកាន់តាមបទបញ្ញត្តិរបស់ព្រះដែរឬទេ ?
តើវាត្រូវគ្នានឹងអ្វីដែលព្រះគម្ពីរ និងព្យាការីសម័យទំនើបបង្រៀនដែរឬទេ ? ( សូមមើល ធីម៉ូថេ ទី២ ៣:១៥–១៧; គោលលទ្ធិ និង សេចក្ដីសញ្ញា ១:៣៨ ) ។
តើវាបញ្ជាក់ពីអ្វីដែលខ្ញុំបានទទួលអារម្មណ៍រួចមកហើយ ដែលព្រះវិញ្ញាណបរិសុទ្ធប្រាប់ខ្ញុំថាជាការពិត ឬវាលើកទឹកចិត្តខ្ញុំឲ្យសង្ស័យពីសេចក្តីពិតនៃដំណឹងល្អ ? ( សូមមើល មរ៉ូណៃ ១០:៥ ) ។
តើព័ត៌មាននេះចេញមកពីប្រភពដែលព្រះអង្គសង្គ្រោះ ឬថ្នាក់ដឹកនាំសាសនាចក្ររបស់ទ្រង់ចាត់ទុកថាគួរឲ្យទុកចិត្តបានឬ ?
តើឪពុកម្តាយ ឬថ្នាក់ដឹកនាំសាសនាចក្ររបស់ខ្ញុំនឹងនិយាយអ្វីអំពីព័ត៌មាននេះ ? ( ប្រសិនបើខ្ញុំមានអារម្មណ៍ចង់លាក់បាំងរឿងនេះពីពួកគាត់ តើវាប្រាប់ខ្ញុំអ្វីខ្លះអំពីប្រភពនេះ ? )

តើសំណួរទាំងនេះមួយណា ដែលអ្នកគិតថាមានគុណប្រយោជន៍បំផុតសម្រាប់អ្នក ? ហេតុអ្វីទៅ ?
តើមានសំណួរអ្វីផ្សេងទៀត ដែលអ្នកគិតថា នរណាម្នាក់គួរតែសួរអំពីព័ត៌មានដែលពួកគេជួបប្រទះនោះ ?

សូមជ្រើសរើសព័ត៌មានមួយដែលអ្នកបានឮ ឬសំណួរមួយដែលអ្នកមានអំពីព្រះ សាសនាចក្រ ឬផែនការនៃសេចក្តីសង្គ្រោះ ។ បន្ទាប់មក សូមចំណាយពេលពីរបីនាទី ដើម្បីអនុវត្តស្វែងរកចម្លើយដោយប្រើប្រភពដែលបានតែងតាំងដ៏ទេវភាព ។ ក្នុងចំណោមចំណុចផ្សេងទៀត អ្នកអាចពិចារណា

អធិស្ឋាន
ស្រាវជ្រាវបទគម្ពីរដោយប្រើសេចក្ដីណែនាំដល់បទគម្ពីរទាំងឡាយ ឬវគ្គបទគម្ពីរចំណេះចំណានខាងគោលលទ្ធិ

ស្រាវជ្រាវសុន្ទរកថាសន្និសីទទូទៅ Gospel Topics នៅលើគេហទំព័រ ChurchofJesusChrist.org ឬកម្មវិធីបណ្ណាល័យដំណឹងល្អ
អានផ្នែកដែលពាក់ព័ន្ធនៅក្នុងឯកសារសាសនាចក្រដូចជា ដើម្បីកម្លាំងនៃយុវជន ( កូនសៀវភៅឆ្នាំ ២០១១ ) ឬ Gospel Topics, topics.ChurchofJesusChrist.org;
ទាក់ទងនរណាម្នាក់ដែលអ្នកស្គាល់ និងទុកចិត្ត ដូចជាឪពុកម្តាយ ប៊ីស្សព អ្នកដឹកនាំយុវវ័យនៅក្នុងវួដ ឬសាខារបស់អ្នក ឬគ្រូបង្រៀនថ្នាក់សិក្ខាសាលា ដើម្បីជួយអ្នកឲ្យស្វែងរកចម្លើយ ។

ជម្រើស ៖ តើចង់រៀនសូត្របន្ថែមទៀតដែរឬទេ ?

តើខ្ញុំគួរតែធ្វើដូចម្តេច ប្រសិនបើខ្ញុំមិនអាចរកឃើញចម្លើយចំពោះសំណួរ តាមរយៈប្រភពដែលបានតែងតាំងដ៏ទេវភាពទេនោះ ?

អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖

ពុំមែនគ្រប់ចម្លើយទាំងអស់នឹងបានទទួលភ្លាមៗនោះទេ ប៉ុន្តែស្ទើរតែគ្រប់សំណួរទាំងអស់អាចត្រូវបានទទួលចម្លើយតាមរយៈការសិក្សា និងការស្វះស្វែងរកចម្លើយពីព្រះ ។ …

សេចក្តីជំនឿពុំទាមទារនូវចម្លើយចំពោះគ្រប់សំណួរនោះទេ ប៉ុន្តែវាស្វែងរកការបញ្ជាក់ និងការលើកទឹកចិត្តឲ្យឈានឆ្ពោះទៅមុខ ទោះបីជាពេលខ្លះយើងអាចទទួលស្គាល់ថា « ខ្ញុំពុំចេះគ្រប់យ៉ាងនោះទេ ប៉ុន្តែខ្ញុំដឹងគ្រប់គ្រាន់ ដើម្បីបន្តដើរនៅលើផ្លូវនៃភាពជាសិស្ស » ។

ការបន្តជ្រមុជខ្លួនឯងនៅក្នុងមន្ទិលសង្ស័យឥតឈប់ឈរ នឹងធ្វើឲ្យសេចក្តីជំនឿរបស់មនុស្សម្នាក់លើព្រះយេស៊ូវគ្រីស្ទ និងការស្តារឡើងវិញទន់ខ្សោយ ដោយសារចម្លើយមកពីមនុស្សដែលមានជំនឿតិច និងមនុស្សដែលគ្មានជំនឿ ។

( នែល អិល អាន់ឌើរសិន « Faith Is Not by Chance, but by Choice » Liahona ខែ វិច្ឆិកា ឆ្នាំ ២០១៥ ទំព័រ ៦៦ )

ហេតុអ្វីខ្ញុំគួរប្រុងប្រយ័ត្នក្នុងការស្វែងរកចម្លើយអំពីសាសនាចក្រ ពីអ្នកដែលបានចាកចេញពីសាសនាចក្រ ?

អែលឌើរ នែល អេ ម៉ាកស្វែល ( ឆ្នាំ ១៩២៦–២០០៤ ) នៃកូរ៉ុមនៃពួកសាវកដប់ពីរនាក់បានថ្លែង ៖

មនុស្សមួយចំនួនទទូចចង់សិក្សាអំពីសាសនាចក្រ ប៉ុន្ដែតែតាមរយៈក្រសែភ្នែកនៃអ្នកដែលបានចាកចេញពីសាសនាចក្រនេះតែប៉ុណ្ណោះ—គឺដូចជាការសម្ភាសពួកសាសន៍យូដាឲ្យយល់ពីព្រះយេស៊ូវគ្រីស្ទអញ្ចឹងដែរ ។ អ្នកចុះចូលតែងតែប្រាប់យើងអំពីខ្លួនពួកគេ ច្រើនជាងអ្វីដែលពួកគេបានចាកចោល ។

( នែល អេ ម៉ាកស្វែល « All Hell Is Moved » [ ការប្រជុំធម្មនិដ្ឋានសាកលវិទ្យាល័យ ព្រិកហាំ យ៉ង់ នៅថ្ងៃទី ៨ ខែ វិច្ឆិកា ឆ្នាំ ១៩៧៧ ] ទំព័រ ៣ នៅលើគេហទំព័រ speeches.byu.edu)

តើប្រភពព័ត៌មានដែលខ្ញុំជ្រើសរើស អាចប៉ះពាល់ដល់ខ្ញុំខាងវិញ្ញាណយ៉ាងដូចម្តេច ?

សូមមើលវីដេអូ « Divinely Appointed Sources » ( ៩:១៦ ) ដែលមាននៅលើគេហទំព័រ ChurchofJesusChrist.org ។ សូមរកមើលពីរបៀបដែលយុវវ័យនៅក្នុងវីដេអូនេះ ទទួលឥទ្ធិពលពីនរណាដែលពួកគេបានជ្រើសរើសស្តាប់ និងកន្លែងដែលពួកគេបានជ្រើសរើសទៅស្វែងរកចម្លើយ ។

Divinely Appointed Sources
There is a lot we have to filter through to get to the truth, but Heavenly Father has given us divinely appointed sources to help us improve our understanding.

វីដេអូ « In Search of Truth » ( ៣:០៣ ) ដែលមាននៅលើគេហទំព័រ ChurchofJesusChrist.org ក៏អាចមានអត្ថប្រយោជន៍ផងដែរ ។