Seminare
Galuega 8:1–3; 9:1–20

Galuega 8:1–3; 9:1–20

“Se A Le Mea E Te Finagalo I Ai Ou Te Faia?”

O Saulo i le ala i Tamaseko ua maua se faaaliga vaaia.

I le taimi “ua tupu ai le sauā tele i le ekalesia” (Galuega 8:1), sa ulu atu ai Saulo ma le faamalosi i le tele o fale, pu’e faapagota ma faafalepuipui i latou o e sa talitonu ia Iesu Keriso (taga’i i le Galuega 8:3). A o malaga atu Saulo i Tamaseko e faaauau ona sauāina le Au Paia, sa faaali atu e Iesu Keriso o Ia lava ia Saulo (tagai i le Galuega 9:3–5). Ma le ofo tele, sa fesili Saulo i le Alii, “Se a le mea e te finagalo i ai ou te faia?” (Galuega 9:6). O lenei lesona ua faamoemoe e fesoasoani ia te oe e mafaufau loloto ai i mea e faia e le Alii e fesoasoani ai ia te oe ia suia mo le lelei atili ma saili ia iloa le mea e finagalo o Ia e te faia.

O se suiga o le itu e agai i ai

Papatua o se tamaitai talavou i le malae soka, ma le polo soka i lona lima, ma mafaufau i le sikoa. (horiz)

Faataavale se mapu po o se polo i luga o le fola. Mātau lona saoasaoa ma le itu o alu i ai.

  • O le a se mea e faia e suia ai le itu e alu i ai le mapu po o le polo?

  • I le faatusatusaina o le mea faitino o loo faataavale i le tagata, o a nisi o mafuaaga e ono suia ai se tasi mo le lelei sili atu ma suia ai le itu e agai ai lona olaga? O a ni mafuaaga e ono lē suia ai i latou?

Mafaufau i le itu o agai i ai lou lava olaga. O a ni auala e te lagonaina ai le alofa ma le faamaoniga a le Alii? Pe o i ai ni suiga i le itu o agai i ai lou olaga e ono valaaulia ai oe e le Alii ina ia faia? Saili faaaliga i fesili nei a o e suesue i lenei lesona.

“Saulo, Saulo e, se a le mea ua e saua mai ai ia te au?”

Sa fesoasoani le Alii i se tagata e igoa ia Saulo e suia lona olaga. I le amataga, o Saulo o se Faresaio o le sa “saua i le ekalesia” (Galuega 8:3). Sa ia molimauina le maliu o le soo ia Setefano (tagai i le Galuega 7:58; 8:1; 22:20) ma “tuu i fale puipui ma sasa i lea sunako ma lea sunako i e faatuatua i [le Alii]” (Galuega 22:19).

Tusitusi i luga o se fasipepa i se peni po o se penitala. 1. Faamaea le gaoioiga lenei i lau api faamaumau mo suesuega:

Vaelua se itulau i lau api talaaga, ma faaulutalaina le tasi itu “O le ala na fesoasoani ai le Alii ia Saulo e suia” Faaulutala le isi itu “O le tali atu a Saulo i le Alii.” Faitau se tasi pe sili atu o tala e uiga i le mea na oo ia Saulo i le ala i Tamaseko, ma faatumu le siata e fua i mea e te mauaina.

Atonu e te mana’o e matamata le vitio “O le Ala i Tamaseko” (5:21), o loo maua i le ChurchofJesusChrist.org.

5:21

The Road to Damascus

Saul takes his journey to Damascus. While on the road, Jesus appears to Saul. He is blinded by the event. Ananias restores Saul’s sight. Saul is baptized. Acts 22

E faavae i mea na e tusia i lau api talaaga, mafaufau po o a upumoni po o lesona na e aoaoina mai lenei tala.

E naunau le Alii i lo tatou suia

Faaalu sina taimi e mafaufau ai i se tagata e te iloa ua suia ona o le faatosinaga a Iesu Keriso i o latou olaga.

  • O le a sou manatu na faapefea ona uunaia e Iesu Keriso lenei tagata ia suia?

Ina ia vaai i se faataitaiga o se tasi ua suia, matamata le vitiō “His Grace: Change Is Possible through Christ” (3:29), ma vaavaai pe na faapefea ona fesoasoani le Alii i se alii e igoa ia Kenny e suia le ala o lona olaga. O loo maua lenei vitio i le ChurchofJesusChrist.org.

3:29

His Grace: Change Is Possible Through Christ

Have you ever felt like you’re too far off the path to change? Kenny shares his story of how change is possible through God’s grace

Mo Saulo, o le e masani ona lauiloa i lona igoa Latina o Paulo (tagai i le Galuega 13:9), o le mulimuli i faatonuga a le Alii na suia atoa ai lona olaga. Sa faamuta e Paulo le sauāina o tagata Kerisiano ae avea ma se soo malosi tele o Iesu Keriso. Sa malaga Paulo i le tele o atunuu a o avea ma faifeautalai ma tusi atu ni tusi faamalosiau ma apoapoai i le Au Paia. O le sefulufa o nei tusi o loo maua i le Feagaiga Fou (taga’i i le Taiala i Tusitusiga Paia, “ Paulo,” scriptures.ChurchofJesusChrist.org, po o le Bible Dictionary, “ Paul ”). O le filifiliga a Paulo e mulimuli ia Iesu Keriso o loo faaauau pea ona faamanuiaina ai tagata e lē mafaitaulia i aso nei.

O lenei ata o faamatalaga o le a faaali atu ai ia te oe nisi o mea iloga na tutupu i le soifuaga o Paulo ma ana malaga faafaifeautalai. Atonu e aogā le toe iloiloina mai lea taimi i lea taimi a o e suesue i aafiaga ma tusitusiga a Paulo.

Ua silafia foi e le Alii i tatou ma valaaulia i tatou e faia ni suiga i o tatou olaga. Atonu o ni fetuunaiga tetele nei, ae e mafai foi ona avea ma ni nai suiga itiiti.

Tusitusi i luga o se fasipepa i se peni po o se penitala. 2. Faamaea le gaoioiga lenei i lau api faamaumau mo suesuega:

I lau api talaaga, vavae afa se isi itulau ma faaulutalaina le tasi itu “O auala o loo valaaulia ai a’u e le Alii ia ou suia” ma le isi itu “O la’u tali atu i le Alii.” Mafaufau loloto i fesili nei ia fesoasoani ia te oe e tusi ai se tali i lau api faamaumau mo suesuega i lalo o le “O ala o loo valaaulia ai a’u e le Alii ia ou suia.”

  • E ui atonu e le’i faaali atu le Alii ia te oe i se faaaliga vaaia, ae o le a se mea ua Ia faia, po o le a le mea o loo Ia faia, e fesoasoani ai ia te oe e faia ni suiga lelei i lou olaga?

  • O ai na Ia auina mai e fesoasoani ia te oe e sui mo le lelei sili atu?

I lalo o le “O la’u tali atu i le Alii,” tusi ai pe faapefea ona e manao e tali atu i taumafaiga a le Alii e fesoasoani ia te oe ia suia mo le lelei sili atu.

Tuu i le faitalia: O e Manao e Aoao Atili?

Galuega 9:5. O le a le uiga o le “a’a i tui”?

O se tao po o se laau maai e masani ona faaaoga e tui ai manu ina ia savali ai agai i luma. O manu e tali atu i le taufeaa nai lo le agai i luma e mafai ona sili atu le tigā mo i latou lava. O le faaaogaina o lenei talafaatusa, na fesoasoani ai le Alii ia Saulo ia ona iloa o le faasagatau ia te Ia na o le aumaia ai o le tigā ia te ia lava.

O a ni suiga atonu e finagalo le Alii ou te faia?

Na aoao mai Sister Becky Craven, Fesoasoani Lua i le Au Peresitene Aoao o Tamaitai Talavou:

Sister Rebecca L. Craven, fesoasoani lua i le au peresitene aoao o Tamaitai Talavou. Ata aloaia talu mai Oketopa 2018.

Atonu o se suiga o manatu, se suiga i amioga masani, po o se suiga i le taulaiga o o tatou olaga. I le taui atu ai i Lana togisala e lē mafaatauina mo i tatou taitoatasi, ua finagalo le Alii ia i tatou ia suia o tatou loto. O le suiga ua Ia finagalo ia tatou faia ua lē mo Sona lelei, ae e mo lo tatou manuia.

(Becky Craven, “Tuu Ma Oe le Sui,” Liahona,, Nov. 2020, 58)

O le a se mea e tatau ona ou malamalama i ai e uiga i a’u filifiliga ma le taulaiga o lo’u olaga?

Na aoao mai Elder Jeffrey R. Holland o le Korama a Aposetolo e Toasefululua:

Atatosi Aloaia o Elder Jeffrey R. Holland. Na pueina ia Ianuari 2018.

E le popole tele lava le Atua po o fea sa e i ai ae popole o Ia po o fea o loo e i ai ma, faatasi ai ma Lana fesoasoani, o fea le mea o e naunau e te alu i ai.

(Jeffrey R. Holland, “O Le a Oo Mai le Mea Sili,” Ensign, Ian. 2010, 27)

Na aoao mai Elder Dieter F. Uchtdorf o le Korama a Aposetolo e Toasefululua:

O le ata aloaia o Elder Dieter F. Uchtdorf o le Korama o Aposetolo e Toasefululua, 2006. Valaauina e avea ma Fesoasoani Lua i le Au Peresitene Sili, 3 Fepuari 2008. Na faia se ata aloaia i le 2008 e sui ai le ata na pueina i le 2004.

E manao Satani ina ia tatou mafaufau faapea a tatou agasala ua tatou pasia se “vaega tonu o le le toe foi mai”—e faapea ua fai si tuai ona sui lo tatou auala.

Na afio mai Keriso e laveai i tatou. Afai ua tatou uia se auala sesē, o le Togiola a Iesu Keriso e mafai ona aumaia ia i tatou le faamautinoaga … e mafai ona tatou maua [se] toe foi mai saogalemu pe afai tatou te mulimuli i le fuafuaga faataatia a le Atua mo lo tatou faaolataga. …

O le meaalofa o le Togiola a Iesu Keriso, ua tatou maua ai i taimi uma, ma i nofoaga uma ia faamanuiaga o le salamo ma le faamagaloga. Ona o lenei meaalofa, ua tatou maua uma ai le avanoa tatou te toe foi saogalemu atu ai mai ala faigata o le agasala.

(Dieter F. Uchtdorf, “Vaega Tonu o le Toe Foi Saogalemu,” Liahona, Me 2007, 101)