Zotërimi Doktrinor: Efesianëve 1:10

Rivendosja e të Gjitha Gjërave

Në studimin tënd të Efesianëve 1, ti mësove për doktrinën e Rivendosjes. Ky mësim do të të japë mundësinë për ta rritur zotërimin tënd për mësimet tek Efesianëve 1:10 duke mësuar përmendsh referencën dhe frazën kyç të shkrimit të shenjtë, duke shpjeguar doktrinën dhe duke i zbatuar parimet e marrjes së njohurisë shpirtërore në një situatë nga jeta reale.

Shpjego dhe mëso përmendsh

Përfytyro sikur disa shokë të klasës mungonin në ditën që në orën e seminarit u studiua doktrina e Rivendosjes tek Efesianëve 1. Mësuesi i seminarit të kërkon të shpenzosh disa minuta për të përmbledhur mësimet më të rëndësishme që e ndien se të gjithë nxënësit duhet të dinë dhe kujtojnë për doktrinën e Rivendosjes dhe mësimet nga Efesianëve 1:10.

1. Përgjigju për pyetjet vijuese në ditarin tënd të studimit:

• Cilat të vërteta të rëndësishme rreth Rivendosjes së ungjillit do të tregoje? Përse?

• Si do t’i shpjegoje mësimet që gjenden tek Efesianëve 1:10 me fjalët e tua?

• Si mund të ndikojë kuptueshmëria për Rivendosjen te kuptueshmëria dhe ndjenjat e dikujt ndaj Atit Qiellor dhe Jezu Krishtit?

Në ditarin tënd të studimit ose në pajisjen tënde digjitale, regjistro frazën kyç të shkrimit të shenjtë dhe referencën për fragmentin e zotërimit doktrinor të vargut tek Efesianëve 1:10 duke e ndarë atë në katër pjesë siç tregohet më poshtë:

• Kur të plotësoheshin kohërat [Në periudhën ungjillore të plotësisë së kohëve]

• Ai mund t’i sjellë në një krye të vetëm

• Në Krishtin, të gjitha gjërat

• Efesianëve 1:10

Mbulo rreshtat 2–4 dhe përsërit rreshtin 1 me mendje derisa ta mësosh përmendsh. Kalo te rreshti i dytë dhe përsërite procesin. Bëj të njëjtën gjë për rreshtat 3 dhe 4. Kur të ndihesh i sigurt se i ke mësuar përmendsh të katër rreshtat, shkruaji të gjitha në ditarin tënd të studimit pa i parë. Nëse nevojitet, përsërite procesin derisa të mund ta shkruash të gjithë frazën kyç dhe referencën e shkrimit të shenjtë përmendsh.

Ushtroje vënien në zbatim

Merre parasysh t’i shqyrtosh paragrafët 5–12 te materiali Dokumenti Bazë i Zotërimit Doktrinor (2022). Zgjidh një nga tre parimet e marrjes së njohurisë shpirtërore dhe krijo një ikonë ose paraqitje pamore të thjeshtë që të kujton këtë parim dhe konceptin e tij. Për shembull, për parimin “shqyrtoji konceptet dhe pyetjet me një këndvështrim të përjetshëm”, mund të marrësh parasysh të bësh një paraqitje pamore si në vijim:

Lexoje skenarin vijues që të ndihmon të ushtrosh vënien në zbatim të parimeve të marrjes së njohurisë shpirtërore dhe doktrinën të dhëna mësim tek Efesianëve 1:10 se kur të plotësoheshin kohërat [në periudhën ungjillore të plotësisë së kohëve], të gjitha gjërat do të sillen së bashku në Krishtin. Më pas përdore këtë skenar, ose krijo një skenar tëndin, për t’u përgjigjur për pyetjet që vijojnë.

Një shoqja jote u pagëzua me familjen e saj dhe në atë kohë ndihej e sigurt se po e ndiqte shembullin e Jezu Krishtit duke iu bashkuar Kishës së Tij. Por gjatë vitit të kaluar që nga pagëzimi i saj, ajo është tunduar shpesh nga shokët e tjerë që t’i shkelë urdhërimet. Ajo po fillon të pyesë veten a është kjo vërtet Kisha e Krishtit dhe a ia vlen t’i qëndrojë besnike ungjillit.

Ndërkohë që ka disa të vërteta që mund ta ndihmojnë shoqen tënde, merre parasysh se si doktrinat e Rivendosjes dhe periudhës ungjillore të plotësisë së kohëve mund ta forcojnë dhe nxitin atë.

2. Në ditarin tënd të studimit, përgjigju për pyetjet nën secilin prej tre parimeve vijuese:

Vepro me besim

• Çfarë hapash mund ta nxitësh shoqen tënde të ndërmarrë në mënyrë që të veprojë me besim?

• Si mund ta ndihmojë shoqen tënde të vepruarit me besim për pyetjet dhe shqetësimet e saj?

Shqyrtoji konceptet dhe pyetjet me një këndvështrim të përjetshëm

• Çfarë di për mësimet e Shpëtimtarit rreth Rivendosjes?

• Si mund të të ndihmojë ty dhe shoqen tënde mbajtja e një këndvështrimi të përjetshëm në këtë situatë?

Kërko kuptueshmëri të mëtejshme nëpërmjet burimeve të caktuara në mënyrë hyjnore

• Si mund të të ndihmojnë të vërtetat që gjenden tek Efesianëve 1:10 në këtë situatë?

• Po të kishe më shumë kohë para se t’i përgjigjeshe shoqes sate, çfarë mund të shqyrtoje apo studioje? Cilat burime mund ta ftoje shoqen tënde t’i studiojë vetë? Përse?