Atamai i Aoaoga Faavae: Mataio 11:28–30
“Ia outou o mai ia te Au … o A’u Foi E Malolo Ai Outou”
Na aoao mai Iesu Keriso afai tatou te o atu ia te Ia, o le a Ia faamāmāina a tatou avega ma aumaia ia i tatou le malologa. O lenei lesona o le a tuuina atu ai ia te oe le avanoa e faamatala ai lou malamalama’aga i lenei aoaoga faavae i le faatatauina lea o mataupu faavae mo le mauaina o le malamalamaaga faaleagaga i se tulaga faatusatusa e tali tutusa ma aafiaga o ono i ai i lou lava olaga.
Tauloto ma faamatala
Faataitai ona tauloto le mau faasino ma le fasifuaitau autu o le mau mo le Mataio 11:28–30 i le faaaogaina lea o mataitusi muamua o upu taitasi o le fasifuaitau.
“Mataio __:28–__: Ia outou o mai ia te a_, o outou u__ o e t____ ma mafatia i a____, o au foi e m___ a___ outou.”
E mafai foi ona fesoasoani ia te oe le polokalama faatekinolosi o le Doctrinal Mastery e tauloto ai lenei fasifuaitau autu o le mau.
Faamatalaina o le upumoni
Toe faamatala po o le a le mea e tau o le amo (tagai i le ata lenei). Toe faamanatu le Mataio 11:28–30, ma vaavaai mo upumoni na aoao mai e le Faaola.
1. Faamaea le mea lenei i totonu o lau api faamaumau mo suesuega:
I le faasino atu i le ata o le amo, faamatala pe mafai faapefea ona fesoasoani le Faaola ia i tatou i a tatou avega. Ia mautinoa ona faaaofia ai ma le tatou matafaioi a o tatou paaga ma Keriso.
Faata’ita’i ona faatatauina
A manaomia, toe faamanatu mataupu faavae o le mauaina o le malamalama faaleagaga i le suesueina lea o palakalafa 5–12 o le vaega “Mauaina o Malamalama Faaleagaga” i le Pepa Autu o le Atamai i Aoaoga Faavae (2020). Ona faafetaui lea o fuaiupu taitasi o le a mulimuli mai ma le mataupu faavae talafeagai o le mauaina o le malamalama faaleagaga.
(Tagai i le Ki mo Tali o le Suega i le faaiuga o le lesona mo tali sao.)
-
O le aoao ia iloa ma aloese mai punaoa e le faatuatuaina e mafai ona puipuia ai i tatou mai faamatalaga sese ma mai ia i latou o e saili e faatamaia le faatuatua.
-
Ao tatou saili e atiina ae lo tatou malamalama ma taulimaina popolega, e taua lo tatou faalagolago i le molimau ua tatou maua ia Iesu Keriso, le Toefuataiina o Lana talalelei, ma aoaoga a Ana perofeta faauuina.
-
Tatou te saili le fesoasoani a le Agaga Paia ina ia vaai ai i mea e pei ona silasila i ai le Alii.
-
Faatino i le faatuatua
-
Iloilo manatu ma fesili faatasi ma se vaaiga e faavavau
-
Saili le malamalama atili e ala i punavai paia ua atofaina
Ata Faataitai
2. Faamaea mea nei i totonu o lau api faamaumau mo suesuega:
I ni fuaiupu se lua pe tolu, fatu se ata faataitai faatusa o se tagata e le moni e tali tutusa ma lou matua o loo tauaveina se avega mamafa i le taimi nei. Ia aofia ai ma se igoa, se avega faapitoa, ma se tasi pe lua o auiliiliga e uiga i lagona o lena tagata.
Mauaina o le malamalama faaleagaga
Mafaufau pe faapefea ona e faaaogaina mataupu faavae o le mauaina o le malamalama faaleagaga e fesoasoani ai i le tagata o i le ata faataitai. Tali fesili o le a mulimuli mai e fesoasoani ia te oe.
Faatino i le faatuatua
-
O a ni mea ua e faia e faatuatua ai i le Atua ma liliu atu ia te Ia a o e feagai ma luitau?
-
O a ni lesona ua e aoaoina mai i le faatinoina o le faatuatua ia Iesu Keriso i le taimi ua te’a e mafai ona fesoasoani i lenei tulaga? E faapefea?
Iloilo manatu ma fesili ma se vaaiga e faavavau
-
O le a se mea ua e iloa e uiga ia Iesu Keriso e mafai ai ona Ia fesoasoani e siitia avega?
-
E faapefea ona avea le feagai ma avega ma luitau i o tatou olaga o se vaega taua o le fuafuaga a lo tatou Tama Faalelagi?
Saili le malamalama atili e ala i punaoa paia ua filifilia
-
E faapefea e le iloaina o aoaoga faavae o loo maua i le Mataio 11:28–30 ona fesoasoani i lenei avega po o luitau?
-
O le a se isi mau po o se saunoaga faaperofeta e mafai ona fesoasoani ai? E faapefea?
Siitiaina ese o avega
3. Faia le gaoioiga lenei i lau api talaaga mo suesuega:
I le faaaogaina o mea ua e faailoaina, tusi se tusi i le tagata o loo i le ata faataitai. Ia aofia ai upumoni mai le Mataio 11:28–30 ma nisi punaoa e tuuina atu ai le faamafanafanaga ma faamalosiauga.
-
O le fea le mataupu faavae o le mauaina o le malamalama faaleagaga e te lagona na sili ona fesoasoani e sauni ai oe e tali i lenei ata faataitai? Aisea?
Ki mo Tali o le Suega 1. I; 2. A; 3. E