Seminelí
Fakataukei Fakatokāteliné: Mātiu 5:14–16

Fakataukei Fakatokāteliné: Mātiu 5:14–16

“Tuku ke Ulo Pehē Hoʻomou Māmá ʻi he ʻao ʻo e Kakaí”

A young adult Asian woman looking forward and upward.

Naʻe fakahinohinoʻi ʻe he Fakamoʻuí ʻEne kau ākongá ke nau hoko ko ha faʻifaʻitakiʻanga ki he niʻihi kehé ʻaki ʻenau muimui kiate Iá. ʻE lava ke tokoni atu ʻa e lēsoni ko ʻení ke ke fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié ke hoko ko ha faʻifaʻitakiʻanga ki he niʻihi kehé pea ofi ange ki he Fakamoʻuí.

Ako maʻuloto mo fakamatalaʻi

Lau ʻa e Mātiu 5:14–16.

Tā ha fakatātā ʻo e kupuʻi lea fakafolofola mahuʻinga ko e “Tuku ke ulo pehē hoʻomou māmá ʻi he ʻao ʻo e kakaí” pea mo hono fakamoʻoni fakafolofolá, Mātiu 5:14–16. ʻI hoʻo tā fakatātaá, fakakaukau ki ha ngaahi founga ke fakakau ai ʻa e fakamoʻoni fakafolofolá ke tokoniʻi koe ke ke manatuʻi ia.

Toutou lau ʻa e fakamoʻoni fakafolofolá mo e kupuʻi lea fakafolofola mahuʻingá lolotonga hoʻo sio ki he fakatātaá. Hili iá peá ke hanga kehe leva, pea feinga ke toe lau maʻuloto ʻa e fakamoʻoni fakafolofola mo e kupuʻi lea fakafolofola mahuʻinga ko iá mei hoʻo manatú.

Fakakaukau ke vahevahe hoʻo fakatātaá mo ha mēmipa ʻo e fāmilí pe kaungāmeʻa pea fakamatalaʻi ʻa e moʻoní mei he potufolofolá.

Akoako ki hono fakaʻaongaʻí

ʻI hono fakaʻaongaʻi ʻo e akoako ko ʻení, te ke fakaʻaongaʻi ai ʻa e ngaahi tefitoʻi moʻoni ʻo hono maʻu ʻo e ʻilo fakalaumālié ke fakapapauʻi ʻa e founga ke hoko ai ko ha faʻifaʻitakiʻanga ki he niʻihi kehé pea fakaafeʻi kinautolu ke nau ofi ange ki he Fakamoʻuí.

Toe vakaiʻi ʻa e palakalafi 5–12 ʻi he konga “Ko Hono Maʻu ʻo e ʻIlo Fakalaumālié” ‘i he konga Fakamatala ki he ʻElito ʻo e Fakataukei Fakatokāteliné (2022).

Writing on a piece of paper with a pen or pencil. 1. Fakamatalaʻi fakanounou ʻi hoʻo tohinoa akó ‘i ha sētesi ʻe ua pe tolu ki he ngaahi tefitoʻi moʻoni takitaha ʻo hono maʻu ʻo e ʻilo fakalaumālié.

Lau ʻa e talanoa ko ʻení pea fakakaukau ki he founga te ke lava ʻo tali ai kapau naʻá ke ʻi he tūkunga ko ia ‘o Loló.

Ko Loló, ko ha taulaʻeiki ne toki fakanofo foʻou, ʻokú ne feohi mo hono ngaahi kaungāmeʻá, pea ʻoku kamata fakamatala ʻe ha niʻihi tokosiʻi ha ngaahi fakahua ʻuli mo lea taʻefakaʻapaʻapa fekauʻaki mo ha taha ʻoku ʻiloʻi ʻe Lolo. ʻOku ongoʻi taʻefiemālie ʻa Lolo peá ne ʻiloʻi ʻoku hala e meʻa ʻoku nau faí. ʻI heʻene fifili pe ko e hā e meʻa ke faí, naʻe tafoki hono kaungāmeʻa ko Sesí, ko ha mēmipa ʻo ha tui fakalotu kehe pea ʻoku saiʻia moʻoni ai ʻa Lolo ʻo pehē ange, “ʻEi, ko e hā ʻokú ke hā ngali fuʻu fakamātoato aí?”

Fakakaukau ki he ngaahi tefitoʻi moʻoni takitaha ʻo hono maʻu ʻo e ʻilo fakalaumālié ke tokoni atu ke ke maʻu ai ha tali.

Vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá

Fili ha taha ʻo e kakai ʻi he talanoá (Sesi pe ko e tokotaha ʻoku manukiʻí).

Writing on a piece of paper with a pen or pencil. 2.

  • ʻOkú ke pehē ko e hā e ongo ʻa e ʻEikí fekauʻaki mo e tokotaha naʻá ke filí?

  • ʻE liliu fēfē nai e tali ʻa Lolo ki he fehuʻi ʻa Sesí ʻi heʻene vakai ki he tokotaha ko ʻení ʻo hangē ko e ʻafio ʻa e ʻEikí kiate kinautolú?

Fekumi ki ha mahino lahi ange ʻo fakafou ʻi he ngaahi maʻuʻanga tokoni fakalangi kuo fokotuʻú

Writing on a piece of paper with a pen or pencil. 3.

  • ʻE tokoni fēfē hono manatuʻi mo fakaʻaongaʻi e ngaahi tefitoʻi moʻoni ʻi he Mātiu 5:14–16 kia Lolo?

  • Ko e hā mo ha toe ngaahi maʻuʻanga tokoni kuo fokotuʻu fakalangi ʻokú ke pehē ʻe lava ʻo tokoni kia Loló?

Ngāue ʻi he tuí

Writing on a piece of paper with a pen or pencil. 4.

  • Ko e hā ʻe ala faingataʻa ai kia Lolo ke ngāue ʻi he tuí ʻi he tūkunga ko ʻení?

  • Ko e hā ʻokú ke fokotuʻu ange ʻe lava ke fai ʻe Lolo ke ngāue ʻi he tuí?

Fakakaukau ki ha tūkunga tatau mo Loló ʻokú ke fehangahangai mo ia he taimí ni pe te ke fehangahangai mo ia he kahaʻú.

  • ʻE tokoniʻi fēfē koe ʻe he meʻa naʻá ke ako he ʻaho ní ke ke hoko ko ha faʻifaʻitakiʻanga ki he niʻihi kehé?