Toe Vakaiʻi Hono 18 ʻo e Fakataukei Fakatokāteliné
Fakaʻaongaʻi ‘a e Ngaahi Potufolofola Fakataukei Fakatokāteliné
Ko e taha ʻo e ngaahi taumuʻa ʻo e fakataukei fakatokāteliné ke tokoniʻi koe ke ke ako ʻa e founga ki hono fakaʻaongaʻi ʻo e tokāteline ʻoku akoʻi ʻi he ngaahi potufolofola fakataukei fakatokāteliné ki he ngaahi tūkunga moʻoni ʻo e moʻuí. ʻE ʻoatu ʻe he lēsoni ko ʻení ha ngaahi faingamālie ke ke ʻahiʻahi fakaʻaongaʻi ai ha niʻihi ʻo e ngaahi potufolofola fakataukei fakatokāteline ʻi he Fuakava Foʻoú ki hoʻo moʻuí.
Ngaahi potufolofola fakataukei fakatokāteliné
Fakakaukauloto angé ki ha toko 150 ʻo e kau sipoti lelei taha ʻo e māmaní ʻoku nau feinga ke hoko ko ha tokotaha leʻo-kolo ʻi ha timi soka ongoongoa. Te ke lava nai ʻo fakakaukauloto ki he tuʻunga faingataʻa ʻe aʻu ki aí ke fili ʻe he kau faiako sipotí ha tama sipoti pē ʻe tahá?
-
ʻOkú ke pehē ko e hā ʻa e meʻa ʻe ala fakaʻaongaʻi ʻe he kau faiako sipotí ke fakasiʻisiʻi ʻaki ʻa e tokolahi ‘o e kakai ʻe fili mei aí?
ʻOku ʻi he Fuakava Foʻoú ha ngaahi veesi ʻe meimei 8,000. Ko ha veesi pē ʻe 53 mei ai (fakafuofua ki he veesi ʻe 1 mei he veesi ʻe 150 kotoa pē) ʻoku fakakau ʻi he ngaahi potufolofola fakataukei fakatokāteline ʻe 24 ʻo e Fuakava Foʻoú. Fakakaukauloto ki he faingataʻa ʻo hono fili pe ko e fē ʻa e ngaahi potufolofola mei he Fuakava Foʻoú kotoa ʻoku totonu ke ako ko ha ngaahi potufolofola fakataukei fakatokāteliné.
-
Kapau naʻe kole atu ke ke tokoni ʻi hono fili ʻa e ngaahi potufolofola fakataukei fakatokāteliné, ko e hā ha ngaahi founga te ke fakaʻaongaʻi ke fili ʻaki ʻa e ngaahi potufolofola naʻá ke filí?
Fili ha potufolofola fakataukei fakatokāteline ʻe ua ʻoku ʻikai ke ke maheni mo ia, mei heni. Lau kakato ʻa e potufolofolá, pea fakapapauʻi ʻa e ngaahi ʻuhinga ʻokú ke pehē naʻe fili ai ʻa e ngaahi potufolofola ko iá ko ha ngaahi potufolofola fakataukei fakatokāteline maʻá e toʻu tupu ʻi he funga ʻo e māmaní ke fakatefito ai ʻenau tokangá.
Fakataukei Fakatokāteline ʻo e Fuakava Foʻoú: 1 Kolinitō–Fakahā
|
Fakamoʻoni Fakafolofolá |
Kupuʻi Lea Mahuʻinga mei he Folofolá |
|---|---|
Fakamoʻoni Fakafolofolá | Kupuʻi Lea Mahuʻinga mei he Folofolá “Ko homou sinó ko e fale tapu ʻo e Laumālie Māʻoniʻoní.” |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻOku ʻikai ai ʻa e tangatá kae ʻi he fefiné, pea ʻoku ʻikai ai ʻa e fefiné kae ʻi he tangatá, ʻi he ʻEikí.” |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻOku hangē ʻoku mate kotoa pē ʻia ʻĀtamá, ʻe pehē foki ʻe moʻui kotoa pē ʻia Kalaisi.” |
Fakamoʻoni Fakafolofolá | Kupuʻi Lea Mahuʻinga mei he Folofolá ʻI he Toetuʻú, ʻoku ʻi ai ʻa e ngaahi nāunau ʻe tolu. |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻI he kakato ʻo e ngaahi kuongá naʻá ne tuʻutuʻuni, ke ne fakakātoa fakataha ʻa e meʻa kotoa pē ʻia Kalaisi.” |
Fakamoʻoni Fakafolofolá | Kupuʻi Lea Mahuʻinga mei he Folofolá ʻOku fokotuʻu ʻa e Siasí “ki he tuʻunga ʻa e kau ʻaposetolo mo e kau palōfita, ko hono fuʻu maka tulikí ʻa Sīsū Kalaisi pē.” |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻA e ʻaho ʻo Kalaisí … ʻe ʻikai hoko ʻa e ʻaho ko iá, ʻo kapau ʻe ʻikai tomuʻa hoko ʻa e liliu koví.” |
Fakamoʻoni Fakafolofolá | Kupuʻi Lea Mahuʻinga mei he Folofolá “Ko e ngaahi tohi māʻoniʻoní … ʻoku faʻa fakapoto koe ki he fakamoʻuí.” |
Fakamoʻoni Fakafolofolá | Kupuʻi Lea Mahuʻinga mei he Folofolá Ko e Tamai Hēvaní ʻa e “Tamai ʻo e ngaahi laumālié.” |
Fakamoʻoni Fakafolofolá | Kupuʻi Lea Mahuʻinga mei he Folofolá “Ka ai hamou taha ʻoku masiva ʻi he potó, ke kole ʻe ia ki he ʻOtuá.” |
Fakamoʻoni Fakafolofolá | Kupuʻi Lea Mahuʻinga mei he Folofolá “Tuí, kapau ʻoku ʻikai ʻi ai ʻa e ngaahi ngāué, ʻoku mate ia.” |
Fakamoʻoni Fakafolofolá | Kupuʻi Lea Mahuʻinga mei he Folofolá “Naʻe malanga ʻaki ai ʻa e ongoongoleleí kiate kinautolu foki kuo maté.” |
Fakamoʻoni Fakafolofolá | Kupuʻi Lea Mahuʻinga mei he Folofolá “Pea naʻe fakamāuʻi ʻa e pekiá … ʻo fakatatau ki heʻenau ngaahi ngāué.” |
Ko ho vā fetuʻutaki mo e ʻOtuá
Ko e ʻuhinga ʻe taha naʻe fili ai ʻa e ngaahi potufolofola fakataukei fakatokāteliné, he ʻoku ʻi ai ha ngaahi moʻoni te nau lava ʻo fakamālohia ho vā fetuʻutaki mo e Tamai Hēvaní mo Sīsū Kalaisí.
1. Tali ʻa e ngaahi fehuʻi ko ʻení ʻi hoʻo tohinoa akó:
-
Ko e hā ha potufolofola fakataukei fakatokāteline ʻe taha kuó ne tokoniʻi koe ke fakamālohia ho vā fetuʻutaki mo e Tamai Hēvaní mo Sīsū Kalaisí? Kuó ne faitokonia fēfē nai koé?
-
Ko e hā ha ngaahi moʻoni ʻokú ke ako fekauʻaki mo Kinaua mei he potufolofola ko ʻení?
Ko hono fakaʻaongaʻi ʻo e ngaahi potufolofolá
Ko e taha ʻo e ngaahi taumuʻa ʻo e fakataukei fakatokāteliné ke tokoni ke ke fakaʻaongaʻi ʻa e ngaahi moʻoni ʻoku maʻu ʻi he ngaahi potufolofola fakataukei fakatokāteliné ki he ngaahi tūkunga ʻokú ke fehangahangai mo ia ʻi hoʻo moʻuí ʻi he taimí ni pea ʻi he kahaʻú. Hangē ko ʻení, ʻe lava ke tokoni ʻa e tokāteline ʻoku akoʻi ʻi he 1 Pita 4:6 fekauʻaki mo e malanga ki he kau pekia ‘i he maama tataliʻanga ʻo e ngaahi laumālié, ke fakafiemālieʻi ha kaungāmeʻa kuo mole hano ʻofaʻanga pe te ne lava ʻo fakalotolahiʻi koe ke ke fai ʻa e ngāue fakatemipalé mo e hisitōlia fakafāmilí maʻa hoʻo ngaahi kuí.
Ko hono ngāue ʻaki ʻi he kuonga ní
2. Tali ʻa e ngaahi fehuʻi ko ʻení ʻi hoʻo tohinoa akó:
-
Ko e hā ha tūkunga moʻoni ʻoku fehangahangai mo e toʻu tupú ʻi he ʻahó ni ʻe lava ke fakamatalaʻi ʻe ha taha ʻo e ngaahi potufolofola fakataukei fakatokāteline ʻoku hiki ʻi he sātí? Te ke lava ʻo tohi fekauʻaki mo ho ngaahi tūkungá, tūkunga ʻo ha taha ʻokú ke ʻilo, pe ngaahi tūkunga ʻo e toʻu tupú fakalūkufua.
-
Ko e fē ʻi he ngaahi potufolofola fakataukei fakatokāteline ko ʻení ʻoku kaunga lelei taha ki he tūkunga naʻá ke tohí? ʻOku kaunga fēfē nai ʻa e ngaahi moʻoni ʻi he potufolofola ko iá ki he meʻa ʻoku hokó?
Ko hono ngāue ʻaki ʻi he kahaʻú
3. Tali ʻa e ongo fehuʻi ko ʻení ʻi hoʻo tohinoa akó:
-
Ko e hā ha tūkunga te ke lava ʻo aʻusia ʻi hoʻo matuʻotuʻa angé ʻa ia ʻe lava ke tokoni pe tataki ai koe ʻe ha taha ʻo e ngaahi potufolofola fakataukei fakatokāteliné?
-
Ko e fē ʻi he ngaahi potufolofola fakataukei fakatokāteline ko ʻení ʻoku kaunga lelei taha ki he tūkunga ko iá? ʻOku kaunga fēfē nai ʻa e ngaahi moʻoni ʻi he potufolofola ko iá ki he meʻa ʻoku hokó?