Atamai i Aoaoga Faavae Iloiloga 21

Faaaoga Fuaitau o le Atamai i Aoaoga Faavae

O se tasi o faamoemoega o le atamai i aoaoga faavae o le fesoasoani lea ia te oe ia malamalama atili i aoaoga a le Faaola, ma ia mafai ona faamatala i au lava upu, ma faaaoga i lou olaga. O lenei lesona o le a tuuina atu ia te oe se avanoa e faataitai ai ona faaaoga nisi o fuaitau o le atamai i aoaoga faavae mo le Feagaiga Fou i ni tulaga eseese.

Toeiloilo fuaitau o le atamai i aoaoga faavae

Toe faamanatu mau faasino ma fasifuaitau autu o mau mo fuaitau nei o le atamai i aoaoga faavae. Mafaufau pe mafai faapefea ona faaaoga le aoaoga faavae o loo i fuaitau taitasi i lou olaga.

Faafetaui mau faasino taitasi o le atamai i aoaoga faavae ma lona fasifuaitau autu o le mau sa’o. O tali sa’o o loo maua i le faaiuga o le lesona.

1. Eperu 12:9 

2. Iakopo 1:5–6

3. Iakopo 2:17–18

4. 1 Peteru 4:6

5. Faaaliga 20:12

1. “E faapea foi le faatuatua, pe afai e le i ai galuega, e mate lava ia ina ua na o ia.”

2. O le Tama Faalelagi o “le Tamā o tatou agaga.”

3. “Ona faamasinoina ai lea o e na oti … e tusa ma a latou amio.”

4. “A e afai ua leai se poto i so outou, ina ole atu ia i le Atua.”

5. “[Na] folafola atu ai le talalelei i e ua oti.”

Faaaoga aoaoga faavae o loo aoao atu i fuaitau o le atamai i aoaoga faavae

O le tamaitusi Mo le Malosi o le Autalavou ua tuu mai ai le fautuaga lenei: “Suesue i tusitusiga paia i aso taitasi ma faaaoga mea e te faitauina i lou olaga. O tusitusiga paia o se punavai mamana o faaaliga patino ma le taitaiga ma o se malosiaga faifai pea i lau molimau” ([2011], 42).

• O a ituaiga mea e te faia e fesoasoani ia te oe e faaaoga ai mea e te aoaoina mai tusitusiga paia i lou olaga?

• O le a se fuaitau o le atamai i aoaoga faavae na fesoasoani ia te oe i lou olaga? Na faapefea ona fesoasoani ia te oe?

O le gaoioiga lenei o le a fesoasoani ia te oe e faataitai ai le faaaogaina o fuaitau faapitoa o le atamai i aoaoga faavae i lou olaga. A o e faia le gaoioiga, ia mataala i faaaliga patino. E mafai e le Agaga Paia ona musuia oe i mafaufauga po o manatu i auala e mafai ona e faaaogaina ai tusitusiga paia i lou lava olaga. Ia e sauni e tusi i lalo soo se uunaiga e te maua.

1. Faamaea le gaoioiga lenei i lau api talaaga mo suesuega:

1. Faamatala se ata faataitai e ono tupu moni i le olaga pe fai se fesili e fesootai i se tasi pe sili atu o fuaitau o mau o le atamai i aoaoga faavae i lenei lesona (Eperu 12:9; Iakopo 1:5–6; Iakopo 2:17–18; 1 Peteru 4:6; Faaaliga 20:12).

2. Faasoa se aafiaga e fesootai i le aoaoga faavae na aoaoina i le fuaitau. Atonu o se aafiaga patino, se aafiaga o se tasi e te iloa, po o se aafiaga o loo tusia i tusitusiga paia.

3. Faasoa atu auala e mafai ona e faaaogaina ai le aoaoga faavae i lou lava olaga po o mea e fesoasoani ia te oe e malamalama ai e uiga i le Tama Faalelagi po o Iesu Keriso.

2. Tali fesili nei i lau api talaaga mo suesuega:

• O le a se mea e mafai ona e faia i lenei vaiaso e fesoasoani ai ia te oe ina ia mafai ona faaaoga tusitusiga paia i lou olaga?

• E mafai faapefea e lenei mea ona fesoasoani ia e ola latalata atili atu ai i le Faaola?

Tali o le suega puupuu: 1-e, 2-o, 3-a, 4-u, 5-i