Seminare
Toe Iloiloga o le Atamai i Aoaoga Faavae 3

Toe Iloiloga o le Atamai i Aoaoga Faavae 3

Malamalama ma Faamatala

A group of young women are shown looking at a teacher. They discuss and talk together with each other.

E tuloto i le ausiaina o le atamai i aoaoga faavae le malamalama i fuaitau faapitoa o tusitusiga paia ma le agavaa e faamatala mea moni latou te aoaoina mai. O lenei lesona o loo faamoemoeina e fesoasoani ia te oe e malamalama atili ai ma faataitai e faamatala mataupu faavae o loo aoaoina i fuaitau o atamai i aoaoga faavae o le a mulimuli mai nei: Mataio: 5:14–16; Luka 2:10–12; Ioane 3:5; Ioane 3:16.

E faapefea ona a’otauina oe i se auala sili ona lelei?

E tele auala e aoao ai, ma e eseese auala e tatou te aoao ma taofimau ai faamatalaga.

Writing on a piece of paper with a pen or pencil. 1. Faitau i metotia aoao o loo mulimuli mai, ma faatulaga i latou mai le 1 e oo i le 4, ia avea le 1 ma metotia e aupito sili ona fetaui mo oe ma avea le 4 ma metotia e matua lē fetaui mo oe. O le a fesoasoani lenei mea e fuafua i ai pe o le fea le gaoioiga o le a e faia i se taimi mulimuli ane i le lesona.

  • Vaaiga faalemafaufau: Ou te aoao e ala i le vaai tino atoa ma le vaai faalemafaufau. O le tusiga o ata, valiga o ata, siata, kalafi, ma ala o faasalalauga vaaia e fesoasoani ia te a’u e aoao ai ma taofimau faamatalaga.

  • O le faasoa atu ma isi: O le tusitusi faatasi ma le tautala ma isi e fesoasoani ai ia te a’u e malamalama ma aoao loloto atili ai.

  • Suesue ai tutoatasi: E sili ia te a’u lo’u suesue ai na o a’u, ma ou te lagona le mautinoa e faavasegaina ai tutoatasi so o se mea.

  • O le aoao taulimaina: E sili ona lelei ona ou aoao pe a faaaogaina o’u totino eseese, e pei o le pa’i, sogisogi, faalogo, ma le faagaioiga o lo’u tino.

Mafaufau pe faapefea ona fetuunai e le Faaola Ana aoaoga ina ia gafataulimaina manaoga o e sa Ia aoaoina.

  • Aisea ua e manatu na faaaoga ai e le Faaola metotia eseese e aoaoina ai isi? O le a se mea o aoao atu e lenei mea ia te oe e uiga ia te Ia?

O le faaaogaina o lau metotia aoao mo le atamai i aoaoga faavae

Fai sina taimi e faitau ai i mau faasino o atamai i aoaoga faavae mai le Feagaiga Fou o le a mulimuli mai nei. Vaai pe mafai ona e manatuaina faaupuga autu o tusitusiga paia o loo aufaatasi i ai.

  • O fea o fuaitau nei ua e lagona o e malamalama lelei i ai? O le a se mea o e manao e malamalama atili i ai?

Faamaea le faatinoga A, E, I, po o le O e faaaoga ai se tasi o fuaitau o atamai i aoaoga faavae talu ai (po o se isi fuaitau o atamai i aoaoga faavae mai le Feagaiga Fou) o e manao e malamalama atili i ai. A lava le taimi, faamaea ni faatinoga se tele e faaaoga ai fuaitau o atamai i aoaoga faavae eseese.

A: O le vaai faalemafaufau

Foafoa se ata tusia, tuufaatasiga o ata, ata malie, upu ua teuteuina i sitaili eseese, faaputuga upu i tulaga eseese, po o isi faatusa vaaia o loo atagia ai le aoaoga mai lau fuaitau. Oomi fesootaiga faatekinolosi nei mo ni faataitaiga:

Upu ua teuteuina i sitaili eseeseAta malie

E: O le faasoa ma isi

Faataatia se fuafuaga mo le aoao atu o lau fuaitau. Mafaufau ni fesili e te faia e fesoasoani ai i e o e aoao atu i ai e malamalama ai i le fuaitau, pue se ata pue e faamatala ai le uiga o upu autu ma faaupuga, pe faaaoga le musika e aoao atu ai i isi.

I: O le suesue tutoatasi

Filifili upu autu mai le fuaitau e suesue i ai. Faamau faauigaga, mau faasino, po o faamatalaga mai taitai o le Ekalesia o loo faaloloto atili ai lou malamalamaga.

O: O le aoao taulimaina

Foafoa pe maitau meafaitino po o mamanu e mafai ona faatusa i ai le fuaitau po o upu po o faaupuga faapitoa mai le fuaitau. Mo se faataitaiga, mo le Mataio 5:14–16, e mafai ona e faaaogaina moli eseese e faataitai ai le valaaulia a Keriso “ia faapea ona pupula atu lo outou malamalama.”

Writing on a piece of paper with a pen or pencil. 2. Otooto le faatinoga na e filifilia i totonu o lau api faamaumau suesuega:

Writing on a piece of paper with a pen or pencil. 3. Mo le iloiloga o lau aafiaga aoaoga, faaaoga filifiliga o le a mulimuli mai nei e tali ai fesili:

(A) Ioe (E) Ioe feololo (I) E lē ioe pe leai (O) Leai

  1. Ua ou malamalama atili i (le) fuaitau na ou filifilia.

  2. Ua ou mautinoa atili i le taimi nei lou agavaa e faamatala (le) fuaitau na ou filifilia i se isi tagata pe a manaomia.

  3. Ou te talitonu o le a aoga mo au le faaaogaina o se metotia tai tutusa mo le aoaoina ma le iloiloga o isi fuaitau o atamai i aoaoga faavae.