Seminare
Mataio 9:36–38; 10

Mataio 9:36–38; 10

Na Valaauina ma Aoaoina e Iesu Keriso ia Aposetolo e Toasefululua

Christ has his hands placed on Peter’s head, the rest of the Twelve are standing with heads bowed in prayer on either side. Outtakes include Jesus instructing the Twelve with one of the disciples kneeling in front of him with Christ’s hand on his shoulder, Jesus ordaining John with the others on either side, close up profile shots of Jesus with some of the apostles in the background, Jesus ordaining other apostles and, close up of Jesus with his hands on Peter’s head.

Na valaauina ma aoaoina e Iesu Keriso ia Aposetolo e Toasefululua ma auina atu i latou e tala’i, auauna atu, ma faamalolo i e mamai. O le a fesoasoani lenei lesona e te malamalama ai i le valaauga ma matafaioi o Aposetolo o ni sui ma molimau o Iesu Keriso.

O ou lagona e uiga, ma le malamalama, i Aposetolo a Iesu Keriso

Toe manatunatu pe faapefea ona e taliina le fesili lenei o le pepa malumalu:

Official portrait of President Russell M. Nelson taken January 2018

E te lagolagoina ia uso o le Au Peresitene Sili ma le Korama a Aposetolo e Toasefululua o ni perofeta, tagatavaai, ma talifaaaliga?

(Russell M. Nelson, “Malelega Faaiu,” Ensign po o le Liahona, Nov. 2019, 121)

  • O le a le uiga o le lagolagoina o uso o le Au Peresitene Sili ma le Korama a Aposetolo e Toasefululua?

E masani ona tatou mafaufau i le lagolagoina o taitai o le Ekalesia o se faatinoga faaletino o le sii ae o o tatou lima. Ae o le lagolagoina e sili atu nai lo le na o le tuuina atu o se faailoga vaaia. O le lagolago e aofia ai le lagolagoina, faamalosiauina, faatuatuaina, ma le mulimuli ia i latou ua tatou lagolagoina ona tatou te talitonu ua valaauina i latou e le Atua.

  • Aisea e te manatu ai o se tasi o mea e manaomia e ulu atu ai i le malumalu e fesootai ma la tatou lagolago ma lagona e faaali atu i Aposetolo a le Faaola?

Faaaoga le fua lenei e iloilo atili ai ou lagona patino ma uiga faaalia i Aposetolo a Iesu Keriso. O le a le fesiligia oe e faasoa mai au tali ma isi.

(A) Ioe malosi (E) Ioe (I) Le mautonu (O) Le ioe

  1. Ou te talitonu e taua tele Aposetolo a Iesu Keriso.

  2. Ou te fia faalogo i mea e saunoa mai ai Aposetolo a le Faaola, ma ou te gauai atu pe a ou maua le avanoa e faalogo ai ia i latou.

  3. E mafai ona ou faasoa atu se mea se tasi pe lua na aoao mai talu ai nei e Aposetolo a Iesu Keriso.

Faaaoga sina taimi e mafaufau loloto ai ma tusifaamaumau soo sau fesili e uiga i Aposetolo a Iesu Keriso. A o e suesue, mafaufau i nei fesili, ma saili tali mai le Agaga Paia.

Aposetolo anamua a Iesu Keriso

Faitau le Mataio 9:36–38, ma vaavaai mo se faafitauli na faailoa mai e le Faaola i nei fuaiupu.

  • O le a le faafitauli, ma o le a le mea na fetalai le Faaola sa manaomia?

Ina ia fesoasoani e auauna atu i tagata, na valaauina ai e Iesu Keriso ia Aposetolo. O le upu aposetolo e sau mai le upu Eleni o lona uiga “o se tasi ua auina atu.” I le taimi muamua sa auina atu ai Aposetolo i na o le aiga o Isaraelu. Mulmuli ane, sa poloaiina ai e le Faaola toetu ua tatau foi ona talai atu le talalelei i Tagata Nuu Ese, po o i latou e le o ni aiga o Isaraelu. O le asō ua poloaiina ai i latou e talai atu i le lalolagi atoa (tagai i le Galuega 10).

Faitau le valaauga ma faatonuga a le Faaola i Aposetolo e Toasefululua i le Mataio 10:1–8 ma le Mataupu Faavae ma Feagaiga 107:23 . Ona tali lea o fesili nei.

Writing on a piece of paper with a pen or pencil. 1. Tali fesili nei i totonu o lau api faamaumau mo suesuega:

  • O le a le mea na poloaiina e le Faaola ia Ana Aposetolo e fai?

  • O a ni mea e tutusa ai na e maitauina i le va o galuega na faia e Iesu ma galuega na Ia poloaiina Ana Aposetolo e fai?

  • O a upumoni e mafai ona e aoao mai i nei fuaiupu e uiga i le mea na valaauina e Iesu Keriso ia Aposetolo e fai?

Aposetolo o Aso Nei a Iesu Keriso

O se upumoni e tasi ua tatou aoao mai le Mataio 10:1–8 ma le Mataupu Faavae ma Feagaiga 107:23 e faapea, ua valaauina e le Alii ia Aposetolo e avea ma molimau faapitoa o le suafa o Keriso i le lalolagi atoa ma faia Ana galuega. E moni lenei mea i Aposetolo a le Faaola anamua ma i latou ua Ia valaauina o ni Aposetolo i aso nei.

Faitau le Mataio 10:40, ma vaavaai mo le fautuaga a le Faaola ia i latou o e talia Ana Aposetolo.

  • Aisea o le a pei ai le taliaina o Aposetolo a le Faaola o le taliaina o le Faaola?

Maimoa i le vitio “Peresitene Nelson: Perofeta a le Atua” mai le faailotaimi 0:00 seia oo i le 5:41. O lenei vitio o loo faaalia mai ai Peresitene Russell M. Nelson o loo faalauteleina le matafaioi o “se tasi ua auina atu” e fai ma sui ma aumai tagata i le Faaola.

6:26

President Nelson: Prophet of God

President Nelson serves as an apostle and prophet with genuine affection and genuine love for all God’s children throughout the world. His love for people is evident in his interactions with everyone from young children to leaders of nations.

  • E faapefea ona e vaaia Peresetene Nelson o auauna atu i isi i le ala lava e tasi na faia ai e Iesu Keriso?

Talu ai o le Au Peresitene Sili ma le Korama a Aposetolo e Toasefululua e fai ma sui o le Faaola ma o ni molimau faapitoa ia te Ia, o le suesueina o a latou aoaoga e pei lava o le suesueina o aoaoga a le Faaola ma o se auala e aoao ai e uiga i le Faaola (tagai i le Mataupu Faavae ma Feagaiga 1:38). I le faaaogaina o se tasi o punaoa nei (o loo maua i le ChurchofJesusChrist.org), suesue i aoaoga a Aposetolo o aso nei, ma vaavaai mo mea e mafai ona e aoaoina e uiga i le Tama Faalelagi ma Iesu Keriso.

“ O Le Keriso Soifua: O Le Molimau a le Au Aposetolo ”

“Molimau Faapitoa a Keriso”

Saunoaga o le konafesi aoao talu ai nei

Writing on a piece of paper with a pen or pencil. 2. Tali fesili nei i totonu o lau api faamaumau mo suesuega:

  • O le a se mea na e maua i lau suesuega e fesoasoani e te lagona ai se malamalama faateleina ma le alofa mo le Tama Faalelagi ma Iesu Keriso?

  • O anafea na e lagonaina ai ma iloa ai o se Aposetolo a le Alii sa fai ma sui o Iesu Keriso?

  • E ono mafai faapefea e mea ua e aoaoina i le asō ona aafia ai le ala e te lagolagoina ai ma faalogo ai i Aposetolo a le Faaola o ona po nei?

O fesili e manatunatu loloto i ai

Mafaufau pe mafai faapefea ona e faaaogaina mea sa e suesueina i le aso, ma saili ma le agaga tatalo le taitaiga mai le Tama Faalelagi, ma gauai atu ma le toto’a i soo se uunaiga mai le Agaga Paia. Mafaufau loloto i fesili nei, ma manatu e tusi i lau api faamaumau mo suesuega soo se uunaiga e te maua ma auala atonu e te faatinoina ai.

  • O faapeī oe ma lou aiga i le mauaina ma le mulimuli ai i fautuaga a Aposetolo a le Faaola i ona po nei?

  • O a ni auala ua e faalatalata atili atu ai ia Iesu Keriso ona o fautuaga ma aoaoga a Aposetolo a le Faaola?

  • E mafai faapefea e le i ai o se fuafuaga patino e iloa atili ai ma mulimuli ai i Aposetolo a le Faaola ona faamanuiaina oe?

  • Pe ua tali au fesili e uiga i Aposetolo a le Faaola i le asō? O le a se mea na e aoaoina? O a ni au fesili o i ai pea, ma e mafai faapefea ona e maua tali ia i latou?

  • I le mafaufau ai i lou aiga, uo, ma isi tou te fegalegaleai pe mafai foi ona e faatosinaina, o ai e ono faamanuiaina e ala i le aoao ma le talanoa e uiga i ou aafiaga i le asō? E ono mafai faapefea ona e faasoa atu lenei mea ma i latou?

Tuu i le Faitalia: O e Manao e Aoao Atili?

Mataio 10:14 . O le a le uiga o le “tutu atu o le eleele nai o outou vae”?

Na tuuina mai e Elder James E. Talmage lenei malamalamaga e uiga i faatonuga a le Faaola e faatatau i le tutu eseina o le eleele o vae o se tagata:

Portrait of James E. Talmage.

O le tutuina faa-faailoga o le eleele nai vae o se tasi e avea ma se molimau e faasaga i se isi, o se malamalamaga lea sa i tagata Iutaia e faailoga ai le faamutaina o se mafutaga ma le teena o ni tausalaga uma mo taunuuga e ono mulimuli mai. Sa avea ma sauniga o le tuuaiga ma se molimau i faatonuga a le Alii i Ana aposetolo e pei ona taua i le [ Mataio 10:14 ]. I le tisipenisione i le taimi nei, ua faatonuina foi faapena e le Alii ia Ana auauna tofia ia faapea ona molimau atu faasaga ia i latou o e tetee malosi ma le taufaaleaga i le upumoni pe a tuuina atu aloaia.

(James E. Talmage, O Iesu le Keriso [1916], 345; tagai foi Mataupu Faavae ma Feagaiga 24:15; 75:18–22; 84:92–96).

E le o se faiga lenei i le taimi nei a a tatou faifeautalai, ma o le a tumau ai pea sei vagana ua tuuina mai e taitai o le Ekalesia se taiala faaopoopo.

Aisea tatou te manaomia ai Aposetolo a Iesu Keriso i le lalolagi i aso nei?

2:44

Tatou te Manaomia ni Perofeta Soifua

Ua tuuina mai e tagata o le Ekalesia i salafa o le lalolagi le molimau e uiga i perofeta ma aposetolo soifua, ma talanoa mai e uiga i faamanuiaga o le filemu ma le faamoemoe lea e aliae mai lena malamalamaaga.

O fea e mafai ona ou aoao atili ai e uiga i Aposetolo a Iesu Keriso o ona po nei ma le ala latou te auauna atu ai e pei o le Faaola?

O punaoa nei (o loo maua uma i le ChurchofJesusChrist.org) e mafai ona fesoasoani ia te oe e aoao atili ai e uiga i Aposetolo a Iesu Keriso o ona po nei.

“ O le Toefuataiga o le Atoatoaga o le Talalelei a Iesu Keriso: O Se Folafolaga o le Faamanatuina o le Lua Seneturi i le Lalolagi ”

Neil L. Andersen, “O Le Perofeta a le Atua,” Ensign po o le Liahona, Me 2018, 24–27

Saunoaga faaopoopo o le konafesi aoao talu ai nei

“Feiloai i Perofeta ma Aposetolo o Aso Nei”

“Saunoa Elder Bednar i le Matafaioi a Aposetolo”

11:7

Elder Bednar Speaks on Apostles Role

Elder Bednar speaks about the role of being an Apostle.

“O Elder Bednar i Egelani” (mai le faailotaimi 4:06 i le 4:47)

4:56

Elder Bednar in England

Elder David A. Bednar recounts an experience about the importance of sharing the gospel and touching "the one."