Toe Vakai’i ʻo e Fakataukei Fakatokāteliné 4

Ngāue’aki ‘a e Ngaahi Potufolofola Fakataukei Fakatokāteliné

Ko e taha ʻo e ngaahi taumuʻa ʻo e fakataukei fakatokāteliné ke tokoniʻi koe ke ke ako ʻa e founga ke fakaʻaongaʻi ʻi hoʻo moʻuí ʻa e tokāteline ʻoku akoʻi ʻi he ngaahi potufolofola fakataukei fakatokāteliné. ʻE ʻoatu ʻe he lēsoni ko ʻení ha ngaahi faingamālie ke ke akoako fakahoko ai hono fakaʻaongaʻi ʻo e ngaahi potufolofola fakataukei fakatokāteliné ki he ngaahi tūkunga tatau mo ia te ke ala fetaulaki mo ia ʻi hoʻo moʻuí.

ʻOku fekauʻaki fēfē ʻa e ngaahi potufolofolá mo ʻeku moʻuí?

Kuo fakamoleki ʻe ha talavou ko Niko ha taimi lahi ʻi hono ako e folofolá. ʻOkú ne ʻiloʻi ha ngaahi talanoa lahi mei he folofolá pea kuó ne ako maʻuloto ha ngaahi veesi lahi. Neongo ʻene ngaahi feingá, ka ʻoku faingataʻa ke sio ʻa Niko ki he fekauʻaki ʻa e folofolá mo hono ngaahi tūkungá mo e ngaahi fehuʻí.

• Ko e hā te ke lava ʻo talaange kia Niko ke tokoni ke ne ʻiloʻi e founga ʻoku fakaʻaongaʻi ai e folofolá ʻi heʻene moʻuí?

• Ko e fē ha taimi kuó ke fakaʻaongaʻi ai ha moʻoni mei he folofolá ʻi hoʻo moʻuí?

ʻE tokoniʻi koe ʻe he lēsoni ko ʻení ke ke fakaʻaongaʻi ʻa e ngaahi moʻoni ʻoku akoʻi ʻi he ngaahi potufolofola fakataukei fakatokāteliné ki he ngaahi tūkunga moʻoni ʻo e moʻuí.

Ngaahi fakamoʻoni fakafolofolá mo e ngaahi kupuʻi folofola mahuʻingá

Ko e ngaahi fakamoʻoni fakafolofola mo e ngaahi kupuʻi lea mahuʻinga ʻeni ki he ngaahi potufolofola fakataukei fakatokāteline mei he konga ʻuluaki ʻo e Fuakava Foʻoú. Toe vakaiʻi ʻa e saati ko ʻení, pea kapau kuo teʻeki ai ke ke fai ia, fakakaukau ke fakaʻilongaʻi ʻa e ngaahi potufolofola ko ʻení ʻi hoʻo folofolá.

Fakamoʻoni Fakafolofolá	Kupuʻi Lea Folofola Mahuʻingá
Luke 2:10–12	“He kuo ʻaloʻi kiate kimoutoluʻI he ʻaho ní ʻi he kolo ʻo Tēvitá, ʻa e Fakamoʻui ko Kalaisi ko e ʻEikí.”
Sione 3:5	“Kapau ʻe ʻikai fanauʻi ʻa e tangatá ʻi he vaí pea mo e Laumālié, ʻe ʻikai ʻaupito faʻa hū ia ki he puleʻanga ʻo e ʻOtuá.”
Sione 3:16	“He naʻe ʻofa pehē ʻa e ʻOtuá ki māmani, naʻá ne foaki hono ʻAlo pē taha naʻe fakatupú.”
Mātiu 5:14–16	“Tuku ke ulo pehē hoʻomou māmá ʻi he ʻao ʻo e kakaí.”
Mātiu 11:28–30	“Haʻu kiate au ʻa kimoutolu kotoa pē ʻoku feinga mo mafasia, pea te u foaki ʻa e fiemālié kiate kimoutolu.”
Mātiu 16:15–19	Naʻe folofola ʻa Sīsū, “Te u ʻatu kiate koe ʻa e kī ʻo e puleʻangá.”
Sione 7:17	“Pea ko ia ia ʻe fai ki hono finangaló, te ne ʻilo ʻa e akonakí.”
Mātiu 22:36–39	“Ke ke ʻofa ki he [ʻEiki] ko ho ʻOtuá. … Ke ke ʻofa ki ho kaungāʻapí.”
Luke 22:19–20	Naʻe fekau ʻe Sīsū Kalaisi, ke maʻu ʻa e sākalamēnitī “[ko e] fakamanatu kiate au.”
Sione 17:3	“Pea ko ʻeni ʻa e moʻui taʻengatá, ko ʻenau ʻilo koe ko e ʻOtua moʻoni pē taha, mo Sīsū Kalaisi.”
Luke 24:36–39	“He ʻoku ʻikai kakano mo hui ha laumālie, ʻo hangē ko ia ʻoku mou ʻiló ni ʻiate aú.”

• Ko e hā ha ngaahi founga kuó ke fakaʻaongaʻi pe lava ke fakaʻaongaʻi ʻi hoʻo moʻuí ha niʻihi ʻo e ngaahi moʻoni naʻe akoʻi ʻi he ngaahi potufolofola fakataukei fakatokāteline ko ʻení?

Ko hono fakaʻaongaʻi ʻo e tokāteliné ki he ngaahi meʻa ʻoku hoko moʻoni ʻi he moʻuí

1. Fili ha taha ʻo e ngaahi tūkunga ko ʻení, pea fili leva ha potufolofola fakataukei fakatokāteline mei he sātí ʻokú ke ongoʻi te ne lava ʻo tokoniʻi e tokotaha ʻi he tūkunga ko iá. Fakamatalaʻi hoʻo talí.

• ʻOku fehuʻi atu ho kaungāmeʻá, “Ko e hā ʻoku fuʻu mahuʻinga ai ʻa Sīsū Kalaisí?”

• ʻI he kamata ke ako ʻe ha kaungāmeʻa ʻa e ongoongoleleí, ʻoku nau fehuʻi, “Ko e hā ʻoku fie maʻu ai ke u papitaisó? ʻE lava nai ke u hoko pē ko ha tokotaha lelei?”

Fili ha taha ʻo e ngaahi meʻa ko ʻeni ʻe ala hokó.

• ʻOkú ke ongoʻi lōmekina ʻi he moʻuí mo fifili pe te ke maʻu mei fē ha fakafiemālie.

• ʻOku fakamamafaʻi ʻe hoʻo mātuʻá ʻa hono mahuʻinga kiate koe ke ke hoko ko ha faʻifaʻitakiʻanga ki he niʻihi kehé.

2. Tali ʻa e ngaahi fehuʻi ko ʻení ʻi hoʻo tohinoa akó ʻo makatuʻunga ʻi he tūkunga naʻá ke filí:

• Ko e potufolofola fakataukei fakatokāteline fē ʻokú ke pehē ʻoku fekauʻaki mo e tūkunga ko ʻení?

• Ko e hā ha ngaahi foʻi lea pe kupuʻi lea pau mei he potufolofola fakataukei fakatokāteline ko ʻení ʻe tokoni lahi ʻi he tūkunga ko ʻení?

Sione 3:163. Faʻu ha tūkunga ʻoku fekauʻaki mo e tokāteline ʻoku akoʻi ʻi he

. Hiki hoʻo ngaahi fakakaukaú ʻi hoʻo tohinoa akó.