Mga Taga-Efeso 1

“Paghiusa diha kang Kristo sa Tanang mga Butang”

Nakahunahuna ka na ba sukad mahitungod kon sama sa unsa kaha ang imong kinabuhi kon wala ang gipahiuli nga Simbahan ni Jesukristo? Isip kabahin sa iyang sulat ngadto sa mga taga-Efeso, si Pablo mitudlo nga ang usa ka Pagpahiuli sa ebanghelyo ni Jesukristo mahitabo sa dili pa ang Ikaduhang Pag-anhi sa Manluluwas. Kini nga leksiyon gituyo aron pagtabang kanimo nga makaila sa mga panalangin nga anaa tungod kay gipahiuli ni Jesukristo ang Iyang ebanghelyo ngadto sa kalibotan sa kataposang mga adlaw.

Paglig-on sa bag-ong mga kinabig

Handurawa nga ikaw adunay usa ka higala nga bag-o lang mipasakop sa Simbahan.

• Unsa kaha ang pipila sa imong mga hunahuna ug mga kabalaka alang kanila?

• Unsa ang imong mabuhat aron matabangan ang imong higala nga motubo sa ilang kahibalo sa ebanghelyo ug magpabiling matinud-anon sa ilang mga pakigsaad?

Sa iyang sulat ngadto sa mga taga-Efeso, namulong si Apostol Pablo ngadto sa mga Santos kinsa anaa sa Efeso ug sa naglibot nga mga dapit. Ang iyang tumong mao ang paglig-on niadtong mga daan nang mga miyembro sa Simbahan ug pagtabang sa bag-ong mga kinabig aron molambo ang ilang espirituhanong kahibalo ug magpabiling matinud-anon sa ilang mga pakigsaad. Pipila sa mga doktrina nga iyang gitudlo niini nga sulat naglakip sa pagka-orden nang daan [foreordination] (tan-awa sa Mga Taga Efeso 1:4–6); ang gahom sa pagselyo sa Espiritu Santo (tan-awa sa Mga Taga Efeso 1:13–14); ang kaimportante sa mga propeta ug apostoles (tan-awa sa Mga Taga Efeso 2:19–22); ang ideya sa usa ug nagkahiusa nga Simbahan (tan-awa sa Mga Taga Efeso 4:1–7); ug ang nagkalain-laing mga katungdanan, mga calling, ug gimbuhaton sa sulod sa organisasyon sa Simbahan (tan-awa sa Mga Taga Efeso 4:11–14).

Lain pang doktrina nga gitudlo ni Pablo aron paglig-on sa mga miyembro sa iyang panahon mao ang mahitungod sa Pagpahiuli sa ebanghelyo sa ulahing mga adlaw.

• Ngano kaha sa imong hunahuna nga ang pagkat-on mahitungod sa Pagpahiuli sa ebanghelyo sa ulahing adlaw mipalig-on unta sa mga Santos sa panahon ni Pablo?

Diha sa imong pagtuon sa tibuok niini nga leksiyon sa unsa ang gitudlo ni Pablo ug sa uban mahitungod sa Pagpahiuli, paghunahuna mahitungod sa unsaon niini nga doktrina paglig-on sa imong hugot nga pagtuo kang Jesukristo.

Ang dispensasyon sa kahingpitan sa mga panahon

Ang dispensasyon mao ang kapanahonan diin gipadayag sa Ginoo ang Iyang mga kamatuoran, awtoridad sa pagkapari, ug mga ordinansa ngadto sa katawhan sa kalibotan. Adunay daghang mga dispensasyon sa ebanghelyo sa tibuok kasaysayan sa kalibotan.

Sa epistola ni Pablo ngadto sa mga Taga-Efeso, nanagna si Pablo og usa ka pihong dispensasyon. Basaha ang Mga Taga-Efeso 1:10, nga mangita sa pihong dispensasyon nga gitagna ni Pablo ug sa mga hitabo nga mahitabo nianang panahona.

Ang Mga Taga-Efeso 1:10 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra nimo kining makit-an.

• Unsa nga umaabot nga panahon ang gipasabot ni Pablo diha sa Mga Taga-Efeso 1:10?

• Unsa ang gipanagna ni Pablo nga mahitabo atol sa “[dispensasyon sa kahingpitan sa] panahon”?

Pagpuyo sa kahingpitan sa mga panahon

Sa miaging mga dispensasyon, ang Ginoo mipadayag ngadto sa Iyang mga propeta og daghang mga kamatuoran, mga kasulatan, mga pakigsaad, ug mga gahom. Usa ka kamatuoran nga atong makat-onan gikan sa Mga Taga-Efeso 1:10 mao nga atol sa dispensasyon sa kahingpitan sa mga panahon, ang tanang butang gikan sa miaging mga dispensasyon mapahiuli.

Handurawa nga ang kada sapa sa mosunod nga paghulagway nagrepresentar sa usa ka dispensasyon sa ebanghelyo.

• Sa unsang paagi nga ang dispensasyon sa kahingpitan sa mga panahon ikatandi ngadto sa usa ka dakong lanaw sa tubig diin anaa ang mga sapa nga nagdagayday padulong niini?

Si Elder B.H. Roberts (1857–1933) sa Seventy nagpamatuod kon unsa ang mahitabo isip kabahin sa dispensasyon sa kahingpitan sa mga panahon.

Kini ang dispensasyon sa kahingpitan sa mga panahon, ug atong makita nga nagdagayday padulong niini, sama sa nagbul-og nga mga sapa nga nagdagayday padulong sa dagat, ang tanang nangagi nga dispensasyon, nagtabang nato nga masabtan sila, nga sila makasabot kanato; ug atong makita nga ang Dios dunay dakong katuyoan sukad sa sinugdanan, ug mao kana ang kaluwasan sa Iyang mga anak. Ug karon miabot ang kataposang adlaw, ang kataposang dispensasyon, nga ang kamatuoran ug ang kahayag ug ang pagkamatarong molukop sa yuta.

(B. H. Roberts, sa Conference Report, Okt. 1904, 73)

• Unsa nga mga kamatuoran, mga kasulatan, mga pakigsaad, ug mga gahom gikan sa miaging mga dispensasyon ang gipahiuli o gidala ngadto sa dispensasyon sa kahingpitan sa mga panahon?

Ang pamahayag sa Pagpahiuli

Sa makasaysayanong kinatibuk-ang komperensiya niadtong Abril 2020 nga nagsaulog sa ika-200 nga anibersaryo sa pagsugod sa Pagpahiuli sa ebanghelyo ni Jesukristo sa ulahing mga adlaw, si Presidente Russell M. Nelson mipaila sa “Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan sa Ikaduhang Siglo nga Kasaulogan” (ChurchofJesusChrist.org). Paggahin og pipila ka minuto sa pagbasa niini nga pamahayag, nga maghunahuna mahitungod sa mga paagi nga ang imong kinabuhi gipanalanginan tungod sa gipahiuli nga ebanghelyo ni Jesukristo.

• Unsang mga bahin sa pamahayag sa Pagpahiuli ang mipatigbabaw kanimo?

• Unsa kaha ang imong ipakigbahin sa usa ka miyembro sa Simbahan kinsa dili segurado kon siya nagtuo sa Pagpahiuli o kinsa wala mibati nga kini importante alang kaniya?

Paggahin og higayon sa pagkonsiderar sa tanang mga paagi nga si Jesukristo mipanalangin sa imong kinabuhi pinaagi sa Iyang gipahiuli nga ebanghelyo.

Paghinuktok ug pamalandong bahin niini nga lista samtang nagtan-aw ka sa bidyo nga “ President Nelson—What Does the Restoration Mean for You?” (1:06), anaa sa ChurchofJesusChrist.org.

President Nelson – What Does the Restoration Mean for You?

What does it mean for you that the gospel of Jesus Christ has been restored to the earth?

1. Tubaga ang mosunod nga mga pangutana diha sa imong journal sa pagtuon:

• Unsang mga pihong aspeto sa Pagpahiuli nga labing mapasalamaton ka? Sa unsa nga paagi kini nakaimpluwensiya sa imong kinabuhi?

• Unsa ang imong nabati nga gusto sa Ginoo nga imong buhaton aron mosalmot sa Iyang nagpadayong Pagpahiuli aron tabangan nga mahiusa ang uban ngadto Kaniya?

Opsiyonal: Gustong Makakat-on Pa og Dugang?

Nganong ang buhat sa Pagpahiuli importante kaayo?

Si Propeta Joseph Smith (1805–1844) mitudlo:

Gibilin kini alang kanato [sa ulahing adlaw] aron makakita, makaapil ug makatabang sa pagpadayon sa Ulahing adlaw nga himaya, ‘ang dispensasyon sa kahingpitan sa panahon, sa higayon nga ang Dios mohiusa sa tanang mga butang, mga butang diha sa langit, ug mga butang dinhi sa yuta’ [tan-awa sa Mga Taga-Efeso 1:10]. … [Kini mao ang] usa ka buluhaton nga gihunahuna sa Dios ug sa mga anghel uban sa kahimuot alang sa milabay nga mga henerasyon; nga midasig sa mga kalag niadtong karaan nga mga patriarch ug mga propeta; usa ka buluhaton nga gitagana aron mapahinabo ang kalaglagan sa mga gahom sa kangitngit, ang pagbag-o sa yuta, ang himaya sa Dios, ug ang kaluwasan sa tawhanon nga pamilya.”

(Joseph Smith, Mga Pagtulun-an sa mga Presidente sa Simbahan: Joseph Smith [2007], 622–23)

Unsa ang dispensasyon?

Mga Dispensasyon: Ang Sumbanan sa Apostasiya ug Pagpahiuli

Si Elder David A. Bednar sa Korum sa Napulog Duha ka mga Apostoles mipasabut sa mga dispensasyon sa ebanghelyo ug nganong lahi kining katapusan nga dispensasyon.

Unsa man gayod ang Pagpahiuli?

The Restoration

An explanation of the restoration of the gospel

Sa unsang paagi man makaapekto sa akong kinabuhi ang pagkaadunay pagpamatuod sa Pagpahiuli?

A Choice Seer Will I Raise Up: Prophet of the Restoration

Part 2: Youth share their testimonies of the Restoration and how it has impacted their lives. Based on a talk given by Elder Craig C. Christensen in October 2016.

The Apostasy and the Restoration - What the Restoration Means for Me

Young men and women share how events surrounding the Restoration have a very real effect on their daily lives.

Mga batan-ong lalaki ug mga batan-ong babaye mipakigbahin kon sa unsang paagi nga ang mga panghitabo nga naglibot sa Pagpahiuli adunay tinuod kaayo nga epekto sa ilang matag adlaw nga kinabuhi.

Sa kinatibuk-ang komperensiya kaniadtong Oktubre 2019, si Presidente Russell M. Nelson mipakigbahin sa mga pangutana sa interbyo alang sa rekomend sa templo, nga naglakip sa pangutana nga “Ikaw ba adunay pagpamatuod sa Pagpahiuli sa ebanghelyo ni Jesukristo?” (tan-awa sa “Panapos nga Pakigpulong,” Liahona, Nob. 2019, 121).

Pamalandongi nganong kini nga pangutana malakip isip usa ka gikinahanglan aron makasulod sa balay sa Ginoo. Sa unsang paagi nga ang pagsabot, pagtuo, ug pagsalmot sa nagpadayong Pagpahiuli makaimpluwensiya sa imong relasyon sa Langitnong Amahan ug ni Jesukristo?

Unsa ang ipasabot niini nga ang Pagpahiuli kay padayon gihapong nahitabo?

Si Presidente Dieter F. Uchtdorf, kanhi anaa sa Unang Kapangulohan, namulong sa nagpadayong kinaiyanhon sa Pagpahiuli.

Usahay maghunahuna kita sa Pagpahiuli sa ebanghelyo ingon nga kompleto, butang nga nahitabo na—si Joseph Smith mihubad sa Basahon ni Mormon, nadawat niya ang mga yawe sa pagkapari, ang Simbahan naorganisar. Apan sa tinuod lang, ang Pagpahiuli usa ka nagpadayon nga proseso; nagpuyo kita niini karon mismo. Naglakip kini sa “tanan nga gipadayag sa Dios, sa tanan nga gipadayag Niya karon,” ug sa “daghan nga dagko ug mahinungdanon nga mga butang” nga “Siya mopadayag pa” (Mga Artikulo sa Hugot nga Pagtuo 1:9). Mga kaigsoonan, ang makapahinam nga mga kalamboan karon kabahin nianang dugay nang gipanagna nga panahon sa pagpangandam nga matapos sa mahimayaong Ikaduhang Pag-anhi sa atong Manluluwas, si Jesukristo.

(Dieter F. Uchtdorf, “Wala Ba Kamo Nalambigit sa Buhat sa Pagpahiuli?Liahona, Mayo 2014, 59)