Եփեսացիս 1

«Որ ամեն բան բովանդակուի Քրիստոսումը»

Երբևէ մտածե՞լ եք, թե ինչպիսին կլիներ ձեր կյանքը առանց Հիսուս Քրիստոսի վերականգնված Եկեղեցու: Եփեսացիներին ուղղված իր նամակում Պողոսը նրանց ուսուցանել է, որ Հիսուս Քրիստոսի ավետարանի վերականգնումը տեղի կունենա Փրկչի Երկրորդ Գալուստից առաջ: Այս դասի նպատակն է օգնել ձեզ ճանաչել այն օրհնությունները, որոնք մատչելի դարձան, երբ Հիսուս Քրիստոսը վերականգնեց Իր ավետարանը երկրի վրա վերջին օրերում:

Զորացրեք նորադարձներին

Պատկերացրեք, որ դուք ունեք մի ընկեր, որը նոր է միացել Եկեղեցուն:

• Ի՞նչ մտքեր ու մտահոգություններ կունենաք նրա հետ կապված:

• Ի՞նչ կարող եք անել, որպեսզի օգնեք ձեր ընկերոջը մեծացնել ավետարանի իմացությունը և հավատարիմ մնալ իր ուխտերին:

Եփեսացիներին ուղղված իր նամակում Պողոս առաքյալը դիմեց Եփեսոսում և մոտակա տարածքներում գտնվող Սրբերին: Նրա նպատակն էր զորացնել նրանց, ովքեր արդեն Եկեղեցու անդամ էին, և օգնել նորադարձներին՝ զարգացնելու իրենց հոգևոր գիտելիքը և հավատարիմ մնալ իրենց ուխտերին։ Այդ նամակում ուսուցանված վարդապետությունները ներառում են` նախակարգումը (տես Եփեսացիս 1.4–6), Սուրբ Հոգու կնքման զորությունը (տես Եփեսացիս 1.13–14), մարգարեների և առաքյալների կարևորությունը (տես Եփեսացիս 2.19–22), մեկ ճշմարիտ ու միասնական Եկեղեցու գաղափարը (տես Եփեսացիս 4.1–7) և Եկեղեցու շրջանակներում կատարվող տարբեր ծառայություններ, կոչումներ և գործառույթներ (տես Եփեսացիս 4.11–14):

Իր օրերի անդամների զորացմանն ուղղված Պողոսի մեկ այլ վարդապետությունը խոսում էր վերջին օրերում ավետարանի Վերականգնման մասին:

• Ձեր կարծիքով, վերջին օրերում ավետարանի վերականգնման մասին իմանալը ինչո՞ւ ուժ տվեց Պողոսի ժամանակներում ապրող Սրբերին:

Երբ այս դասի ընթացքում ուսումնասիրեք այն ամենը, ինչ Պողոսը և մյուսները ուսուցանեցին Վերականգնման մասին, մտածեք, թե այս վարդապետությունն ինչպե՞ս է զորացնում ձեր հավատքը առ Հիսուս Քրիստոս:

Ժամանակների լրիվության տնտեսությունը

Տնտեսությունը մի ժամանակաշրջան է, երբ Տերը բացահայտում է Իր ճշմարտությունները, քահանայության իշխանությունն ու արարողությունները երկրի վրա գտնվող մարդկանց: Աշխարհի պատմության ընթացքում գոյություն են ունեցել ավետարանի բազմաթիվ տնտեսություններ:

Եփեսացիներին ուղղված նամակում Պողոսը մարգարեացավ հատուկ տնտեսության մասին: Կարդացեք Եփեսացիս 1.10 հատվածը՝ փնտրելով, թե որ հատուկ տնտեսության և մեր օրերում կատարվելիք ինչ իրադարձությունների մասին է մարգարեացել Պողոսը:

Եսայիա 1.10-ը վարդապետության սերտման հատված է: Վարդապետության սերտման հատվածները կարող եք առանձնահատուկ ձևով նշել, որպեսզի հեշտ գտնեք դրանք:

• Ո՞ր ապագայի մասին է Պողոսը խոսում Եփեսացիս 1․10 հատվածում:

• Ըստ Պողոսի մարգարեության՝ ի՞նչ կպատահի «ժամանակների լրիվության տնտեսության» ժամանակ:

Ապրել ժամանակների լրիվության մեջ

Անցյալ տնտեսությունների ժամանակ Տերը Իր մարգարեներին հայտնեց բազմաթիվ ճշմարտություններ, սուրբ գրություններ, ուխտեր և զորություններ: Եփեսացիս 1.10 հատվածից մենք կարող ենք սովորել հետևյալ ճշմարտությունը. Ժամանակների լրիվության տնտեսության ժամանակ նախկին տնտեսությունների բոլոր բաները կվերականգնվեն:

Պատկերացրեք, որ հետևյալ նկարում գետերից յուրաքանչյուրը ներկայացնում է ավետարանի որևէ տնտեսություն:

• Ինչո՞վ է ժամանակների լրիվության տնտեսությունը նման ջրային ավազանին՝ իր մեջ թափվող գետերով:

Յոթանասունից երեց Բ. Հ. Ռոբերտսը (1857–1933) վկայել է, թե ինչ է տեղի ունենալու ժամանակների լրիվության տնտեսության ժամանակ:

Սա է ժամանակների լրիվության տնտեսությունը, և մենք տեսնում ենք, որ նրա մեջ ամփոփվում են բոլոր նախկին տնտեսությունները՝ ինչպես զորեղ գետերը սրընթաց հոսում են դեպի օվկիանոս, մեզ կապելով իրենց հետ, և իրենք էլ կապվելով մեզ հետ, և մենք հասկանում ենք, որ ի սկզբանե Աստված իր տեսադաշտում ունեցել է մի մեծ նպատակ, որը Իր զավակների փրկությունն է: Եվ այժմ եկել է վերջին օրը, վերջին տնտեսությունը, երբ ճշմարտությունը, լույսը և արդարությունը պետք է հեղեղեն երկիրը:

(Բ. Հ. Ռոբերտս, համաժողովի զեկույցում, հոկտեմբեր 1904, 73)

• Նախորդ տնտեսությունների ո՞ր ճշմարտությունները, սուրբ գրությունները, ուխտերն ու զորություններն են վերականգնվել կամ ի հայտ բերվել ժամանակների լրիվության տնտեսության մեջ:

Վերականգնման հայտարարությունը

Պատմական 2020 թ. ապրիլի գերագույն համաժողովի ժամանակ, որը նվիրված էր Հիսուս Քրիստոսի ավետարանի վերականգնման սկզբի 200-րդ տարեդարձին, Նախագահ Ռասսել Մ. Նելսոնը ներկայացրեց «Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին» հայտարարությունը (ChurchofJesusChrist.org): Հատկացրեք մի քանի րոպե և կարդացեք այս հայտարարությունը՝ մտածելով, թե ձեր կյանքն ինչպես է օրհնվել Հիսուս Քրիստոսի վերականգնված ավետարանի շնորհիվ:

• Վերականգնման հայտարարության ո՞ր մասերը կարևորեցիք:

• Ինչո՞վ կկիսվեիք Եկեղեցու այն անդամի հետ, որը համոզված չէ՝ արդյոք հավատում է Վերականգնմանը, կամ որը չի զգում, որ այն կարևոր է իր համար:

Մի պահ հիշեք բոլոր դեպքերը, երբ Հիսուս Քրիստոսը օրհնել է ձեր կյանքը Իր վերականգնված ավետարանի միջոցով:

Խորհեք այս ցուցակի շուրջ, երբ ChurchofJesusChrist.org կայքում դիտում եք «Նախագահ Նելսոն. Ի՞նչ է նշանակում վերականգնումը ձեզ համար» տեսանյութը (1:06):

President Nelson – What Does the Restoration Mean for You?

What does it mean for you that the gospel of Jesus Christ has been restored to the earth?

1. Ձեր օրագրում պատասխանեք հետևյալ հարցերին.

• Վերականգնման ո՞ր կողմերի համար եք հատկապես երախտապարտ: Ինչպե՞ս են դրանք ազդել ձեր կյանքի վրա:

• Ձեր կարծիքով, Տերն ի՞նչ է ցանկանում, որ դուք անեք՝ Իր շարունակական Վերականգնմանը մասնակցելու և ուրիշներին Իր մոտ հավաքելու համար:

Ընտրովի. ցանկանո՞ւմ եք ավելին իմանալ

Ինչո՞ւ է Վերականգնման աշխատանքն այդքան կարևոր

Մարգարե Ջոզեֆ Սմիթը (1805–1844) ուսուցանել է.

Այն տրված է մեզ, որպեսզի տեսնենք, մասնակցենք և օգնենք առաջ տանել Վերջին Օրերի փառքը, «ժամանակների լրիվութեան տնտեսութեան համար, որ ամեն բան բովանդակուի Քրիստոսումը, ինչ որ երկնքումն է՝ եւ ինչ որ երկրումը, նորանում» [տես Եփեսացիս 1.10]: … [Սա] մի աշխատանք է, որի մասին Աստված և հրեշտակները հաճույքով են խորհել անցյալ սերունդների ընթացքում, որը խանդավառեց հնադարյան հայրապետերի և մարգարեների հոգիները, մի աշխատանք, որը նախատեսված է առաջ բերել խավարի զորությունների կործանումը, երկրի նորացումը, և մարդկային ընտանիքի փրկությունը»:

(Ջոզեֆ Սմիթ, Եկեղեցու Նախագահների ուսմունքները. Ջոզեֆ Սմիթ (2007), 513-15)

Ի՞նչ է տնտեսությունը

Տնտեսություններ․ Ուրացության և Վերականգնման օրինակը

Տասներկու Առաքյալների Քվորումից Երեց Դեյվիդ Ա. Բեդնարը բացատրում է ավետարանի տնտեսությունները և մեկնաբանում, թե ինչու է այս վերջին տնտեսությունը եզակի:

Ի՞նչ է Վերականգնումը

The Restoration

An explanation of the restoration of the gospel

Վերականգնման մասին վկայությունն ինչպե՞ս կարող է ազդել իմ կյանքի վրա

A Choice Seer Will I Raise Up: Prophet of the Restoration

Part 2: Youth share their testimonies of the Restoration and how it has impacted their lives. Based on a talk given by Elder Craig C. Christensen in October 2016.

The Apostasy and the Restoration - What the Restoration Means for Me

Young men and women share how events surrounding the Restoration have a very real effect on their daily lives.

Երիտասարդ տղամարդիկ և կանայք կիսվում են, թե ինչպես են Վերականգնման հետ կապված իրադարձությունները շատ իրական ազդեցություն թողնում իրենց առօրյա կյանքի վրա:

2019 թ. հոկտեմբերի գերագույն համաժողովին նախագահ Ռասսել Մ. Նելսոնը կիսվել է տաճարային երաշխավորագիր ստանալու համար տրվող հարցազրույցի հարցերով, որոնց թվում է «Դուք ունե՞ք վկայություն Հիսուս Քրիստոսի ավետարանի Վերականգնման մասին» (տես «Ամփոփիչ ելույթ», Լիահոնա, նոյեմբեր 2019, 121):

Խորհեք, թե այս հարցն ինչու պետք է ներառվի որպես Տիրոջ տուն մտնելու պահանջ: Հասկանալով, հավատալով և մասնակցելով շարունակվող Վերականգնմանը, ինչպե՞ս կարող եք ազդել Երկնային Հոր և Հիսուս Քրիստոսի հետ ձեր հարաբերությունների վրա:

Ի՞նչ է նշանակում, որ Վերականգնումը դեռ տեղի է ունենում

Այն ժամանակ Առաջին Նախագահությունից նախագահ Դիտեր Ֆ. Ուխդորֆը խոսել է Վերականգնման շարունակական բնույթի մասին:

Երբեմն մենք մտածում ենք ավետարանի Վերականգնման մասին որպես մի երևույթի, որն ավարտվել է, արդեն իսկ իրականացել է. Ջոզեֆ Սմիթը թարգմանել է Մորմոնի Գիրքը, նա ստացել է քահանայության բանալիները, Եկեղեցին կազմավորվել է: Իրականում, վերականգնումը շարունակվող գործընթաց է. մենք ապրում ենք դրանում հենց հիմա: Այն ներառում է «այն ամենը, ինչ Աստված հայտնել է, այն ամենը, ինչ Նա այժմ հայտնում է» և «շատ մեծ ու կարևոր բաներ», որոնք «Նա դեռևս հայտնելու է» (Հավատո Հանգանակ 1.9): Եղբայրներ, ներկայիս իրադարձություններով լի զարգացումները մասն են կազմում վաղուց նախատեսված այն նախապատրաստական շրջանի, որն իր գագաթնակետին կհասնի մեր Փրկչի` Հիսուս Քրիստոսի փառավոր Երկրորդ Գալուստի ժամանակ:

(Դիտեր Ֆ․ Ուխդորֆ, «Դուք քնա՞ծ եք Վերականգնման ընթացքում», Լիահոնա, մայիս 2014 թ․, 59)։