Ioane 11:1-46, Vaega 2

Ua Faatuina e Iesu Lasalo mai le Oti

I le lesona talu ai nei, sa e faaailoaina mataupu faavae mai le tala o le faatuina e le Faaola o Lasalo mai le oti. O le a tuuina atu e lenei lesona se avanoa e aoao atu ai se mataupu faavae ina ia fesoasoani ia te oe ma isi ia maua ai le fesoasoani a le Faaola a o feagai ai ma luitau o le olaga.

Aafiaga aoga o le aoao atu

Toemanatu i se taimi ina ua aoaoina oe i se mea e uiga ia Iesu Keriso po o Lana talalelei sa loloto lona aafiaga ia te oe.

Sa faapefea ona aotauina oe i lena mea?
Aisea na matuai aafia ai oe?

O Iesu Keriso o le Faiaoga Sili. A o Ia aoao atu ma le mana ma le Agaga, o e sa faalogo ma le loto maualalo sa lagona ma le loloto le aafiaga o Ana aoaoga (tagai i Ioane 3:2 ; Ioane 6:35, 68-69).

O a ni faataitaiga o tagata sa matua iloga ona aafia e ala i aoaoga a le Faaola?

Toemanatu i le faataitaiga a le Faaola ma ou lava aafiaga a o e tapena ma aoao atu se lesona puupuu e faavae i le tala i le toefaatuina e le Faaola o Lasalo mai le oti i le Ioane 11:1–46 . O se tasi vaega o le aoaoga a le Faaola o Lona aoao atu pea lea o mataupu ma aoaoga faavae moni. I lenei lesona, o le a e maua le avanoa e mulimuli ai i le faataitaiga a le Faaola a o e aoao atu se mataupu faavae moni. A o e atiina ae lou tomai e aoao atu ai i le auala a le Faaola, e mafai ona avea atili oe e faapei o Ia.

Lasalo

Faamatala i le tele e te mafaia ia le tala i le faatuina e le Faaola o Lasalo mai le oti. A manaomia, faitau le aotelega o loo mulimuli mai.

Sa auina atu e Maria ma Mareta se feau ia Iesu o loo ma’i lo la tuagane o Lasalo. Sa faatuai ma le loto i ai e Iesu Lana malaga ma sa taunuu atu ua fa aso talu ona maliu Lasalo. Faatasi ai ma le alofa ma le agaalofa, sa faatuina ai e Iesu ia Lasalo mai le oti. O le faaaliga maoae o le mana paia na faamamafa atu ai o Iesu o le Mesia na filifilia ma e i ai le mana e pule ai i le oti. Ina ua uma ona iloa o lenei vavega, sa taupulepule le au faitaulaga sili ma le au Faresaio e fasioti Iesu ma Lasalo.

O lau lesona

Tapena se lesona a o faaaogaina se mataupu faavae e mafai ona aoao mai le Ioane 11. Filifili se mataupu faavae mai filifiliga o loo mulimuli mai e sili ona e fiafia i ai pe e te lagona e sili ona aoga mo tagata talavou.

Filifiliga o lesona 1: E mafai e le Faaola ona faatino vavega i o tatou olaga a o tatou galulue ma le faatuatua ia te Ia i o tatou puapuaga ( Ioane 11:20–27,38–45).

Fililiga o lesona 2: E oo mai vavega a le Atua i o tatou olaga e tusa ai ma Lona finagalo ma taimi ( Ioane 11:1–7,11–17, 39–45).

Filifiliga o lesona 3: E mafai ona tatou mulimuli i le faataitaiga a Iesu Keriso e ala i le faaalia o le agaalofa i isi ( Ioane 11:32–36,43–44).

Filifiliga Lesona 4: E mafai ona tatou vaai o le alofa ma le mana o le Atua na faaalia a o Ia faamalosia ma faamafanafana i tatou i taimi o o tatou puapuaga ( Ioane 11:1–7,11–15,38–46).

Filifiliga o lesona 5: Sa ia Iesu Keriso le mana i le ola ma le oti ( Ioane 11:20-27,39–46).

Filifiliga o lesona 6: Filifili sau mataupu faavae mai lenei tala ( Ioane 11:1–46).

1. Fai le mea lenei i totonu o lau api faamaumau suesuega:

Fai sau tali i nei gaoioiga tusitusi ina ia fesoasoani ia te oe e fai se auivi mo lau lesona. Mafaufau e ave se 15 i le 20 minute e tapena ai lau lesona ma se 5 i le 10 minute e aoao atu ai.

E mafai faapefea ona e faailoa atu lenei mataupu faavae sa e filifilia i se auala e fesoasoani ai i e e te aoao atu i ai e malamalama pe aisea e taua ai?
O le fea le fuaiupu e ono faitau e oe faatasi ma tagata e te aoao atu i ai ina ia sili ona faailoa ai lenei mataupu faavae? (Afai ua e iloa se tala o tusitusiga paia, mau, po o se saunoaga faaopoopo a se taitai a le Ekalesia e mafai ona fesoasoani ai i e e te aoao atu i ai e malamalama i le mataupu faavae, mafaufau e tusi foi lena iinei.)
O le a se mea ua aoao atu e lenei mataupu faavae ia te oe e uiga i le Faaola? Mafaufau e fesili i e e te aoao atu i ai e faasoa atu mea ua latou aoao e uiga ia Iesu Keriso mai lenei mataupu faavae.
O le a se mea e uiga i lenei mataupu faavae sa fesoasoani ia te oe e mafai ona e faasoa atu? O a ni faamanuiaga na oo mai ona o le faatinoina o lena mataupu faavae? Mafaufau e valaaulia e e te aoao atu i ai e faasoa atu foi o latou aafiaga.
Tusi i lalo ou manatu e uiga i le mataupu faavae e te aoaoina atu ma se faamatalaga puupuu i le faapefea ona faamalosi ai lau molilmau e uiga ia Iesu Keriso. Faasoa atu lau molimau pe afai ua e lagona le musuia e faia ai.

2. Aoao atu lau lesona i se tagata o lou aiga po o se uo. A maea, tali fesili nei i totonu o lau api faamaumau suesuega:

O le a se mea na e aoaoina mai lenei aafiaga?
E mafai faapefea e le tapenaina o lesona ma le aoao atu i isi ona fesoasoani ia te oe ma isi e faalatalata atili ma avea atili e pei o le Faaola?

Punaoa faaopoopo

O nei vitio ma tautalaga e mafai ona fesoasoani ia te oe e tapena ma aoao atu lau lesona. E ono faaaoga e oe nei punaoa i se auala e tasi pe sili atu:

ina ia malamalama atili i le mataupu faavae o loo e aoao atu
ina ia faailoaina upumoni, tala, ma malamalamaaga e mafai ai ona e faasoa atu i au lava upu a o aoao atu
ina ia sailia faamatalaaga ma ata vitio e mafai ai ona e faaalia mo e ete aoao atu i ai

O vitio uma o loo lisi atu i luga e mafai ona maua i le ChurchofJesusChrist.org.

Filifiliga o lesona 1: E mafai e le Faaola ona faatino vavega i o tatou olaga a o tatou galulue ma le faatuatua ia te Ia i o tatou puapuaga

Neil L. Andersen, “O Le Faatuatua E Le Tupu Faafuasei, ae e ala i Filifiliga” (konafesi aoao, Oke. 2015) (matamata mai le faailotaimi 1:40 i le 4:32).

O Le Faatuatua E Le Tupu Faafuasei, ae e ala i Filifiliga
Ua talanoaina e Elder Andersen le mafai faapefea ona tatou filifili e faamalosia ma puipuia lo tatou faatuatua.

“Sailia le Ofoofogia: O Mea E Mafai ona Tatou Aoao Mai Le Kanesa ma Puapuaga” (5:33).

Finding the Incredible: What Cancer and Trials Can Teach Us
Daniel and Melanie Hedlund found out Daniel had cancer in December 2007, three weeks after being married.

Filifiliga o lesona 2: E oo mai vavega a le Atua i o tatou olaga e tusa ai ma Lona finagalo ma taimi

Jeffrey R. Holland, “Faatalitali i le Alii,” Ensign po o le Liahona, Nov. 2020, 115-17.

Jeffrey R. Holland, “O Mea Lelei O Le A Oo Mai” (4:55).

Good Things to Come
Elder Jeffrey R. Holland recalls his days as a poor young father with a broken-down family car and testifies that for those who embrace the gospel of Jesus Christ, there are better days and good things to come.

Filifiliga o lesona 3: E mafai ona tatou mulimuli i le faataitaiga a Iesu Keriso e ala i le faaalia o le agaalofa i isi

Dieter F. Uchtdorf, “O Outou o O’u Lima,” Ensign po o le Liahona,, Me 2010, 68–75.

“Ia Outou Tagi Faatasi Ma E Ua Fetagisi” (matamata mai le faailotaimi 8:54 i le 11:36).

Mourn with Those That Mourn—Hope Works
There are times to sit with someone, listen to them, and validate what they are feeling rather than give advice or resources. It’s more helpful to mourn with than for someone.

Filifiliga o lesona 4: E mafai ona tatou vaai i le faatinoina o le mana ma le alofao le Atua

a o Ia faamalosi ma faamafanafana ia i tatou i o tatou puapuaga

John C. Pingree Jr., “Ua ia te A’u Se Galuega mo Oe” (konafesi aoao, Oke. 2017) (matamata mai le faailotaimi 5:49 i le 6:48).

"I Have a Work for Thee"
Ua molimau mai Elder Pingree ua i ai i le Atua se galuega mo i tatou uma. Ua ia faasoa mai ni mataupu faavae e fesoasoani ia i tatou e faataunuu ai lena galuega ma lapatai mai i auala o le a tetee ai Satani ia i tatou.

“Faaaogaina O Tatou Tofotofoga ina ia Fesoasoani i Isi—E Aoga le Faamoemoe” (matamata mai le faailotaimi 4:05 i le 10:54).

Using Your Trials to Help Others—Hope Works
Pain and grief can be unspeakable. Because Molly had the courage to speak, she felt seen and heard. Pain is a powerful connector. Talking about it allows others to share their pain.

Filifiliga o lesona 5: Ua ia Iesu Keriso le mana i le ola ma le oti

D. Todd Christofferson, “O Le Toetu o Iesu Keriso,” Ensign po o le Liahona,, Me 2014, 111–14.

Paul V. Johnson, “Ma e Leai Foi Se Toe Oti” (konafesi aoao, Ape. 2016) (matamata mai le faailotaimi 0:17 i le 4:56).