Lucas 1:1–38

“Alang sa Dios Walay Dili Mahimo”

Miadto si anghel Gabriel kang Maria aron ipahibalo ang paghimugso ni Jesukristo. Gipamatud-an niya nga “alang sa Dios walay dili mahimo” (Lucas 1:37). Ang matinuohong tubag ni Maria makatabang kanimo nga makat-on kon unsaon pagtubag ngadto sa kabubut-on sa Ginoo uban sa mas dakong pagsalig diha Kaniya.

• Kinsa ang imong masulti nga pinakamaimpluwensya nga mga babaye sa imong kinabuhi?

Niini nga leksiyon, makakat-on ka og dugang mahitungod kang Maria, ang inahan ni Jesukristo.

• Sa imong hunahuna, nganong ikonsiderar man si Maria nga usa sa mga pinakadako og impluwensya nga babaye sa kasaysayan sa kalibotan?

Gitagna ang kinabuhi ug misyon ni Maria sa daghang mga tuig sa wala pa siya nahimugso. Tun-i ang mosunod nga mga propesiya mahitungod kang Maria, nga mangita kon unsa ang gitudlo niini kanimo mahitungod kaniya.

1 Nephi 11:14–15, 18Mosiah 3:8Alma 7:10

• Unsa man ang imong nakat-onan mahitungod kang Maria gikan niini nga mga kasulatan?

Pasiuna sa Ebanghelyo ni Lucas

Ang asoy ni Maria sa pagkahibalo nga siya ang mahimong inahan ni Jesukristo nakarekord sa Ebanghelyo ni Lucas.

Si Lucas usa ka mananambal (tan-awa saMga Taga-Colosas 4:14) ug “usa ka mensahero ni Jesukristo” (Hubad ni Joseph Smith, Lucas 1:1[sa Lucas 1:1, footnote a]). Daghang mga panghitabo gikan sa kinabuhi sa Manluluwas ang makita lamang sa Ebanghelyo ni Lucas, lakip ang pagpahibalo sa anghel kang Maria nga siya ang mahimong inahan sa Anak sa Dios. Kini nga panghitabo nailhan nga Anunsiyasyon.

Samtang nagtuon ka niini nga asoy ug sa matinud-anong ehemplo ni Maria, hatagi og pagtagad ang unsay imong nakat-onan ug ang mga espirituhanong pag-aghat nga imong nadawat.

Si anghel Gabriel nagpakita ni Maria

Basaha angLucas 1:26–37, nga mangita sa mga detalye mahitungod sa pagpahibalo sa anghel ngadto kang Maria.

Mahimo usab nimong tan-awon ang video nga “An Angel Foretells Christ’s Birth to Mary” (4:07), nga makita sa ChurchofJesusChrist.org, samtang nagsunod ka sa imong mga kasulatan.

An Angel Foretells Christ’s Birth to Mary

The angel Gabriel, sent from the presence of God, announces to the young Mary her future role as the mother of the child Jesus.

• Unsa nga mga detalye gikan sa pagpahibalo ang nakadani kanimo?

• Unsa ang imong mga pangutana mahitungod sa imong gibasa?

Ang usa ka kamatuoran nga mahimo nimong namatikdan gikan niini nga asoy mao ang alang sa Dios walay dili mahimo.Si Presidente Russell M. Nelson nagpaambit og usa sa mga paagi nga magamit nimo kini nga kamatuoran:

Kamo hangyoon sa pagdawat og mga mahagitong buluhaton ug mahimong instrumento sa mga kamot sa Ginoo. Ug Siya makapahimo kaninyo nga makakab-ot sa imposible.

(Russell M. Nelson, “Pagkahimo nga Tinuod nga mga Milenyal” [tibuok kalibotan nga debosyonal para sa mga young adult, Ene. 10, 2016], broadcasts.ChurchofJesusChrist.org.)

• Unsa kaha ang gihangyo sa Ginoo nga ipabuhat kanimo nga morag imposible?

• Ngano kaha nga kining mga butanga usahay morag imposibleng makab-ot?

Usahay kon mag-atubang kita og mga buluhaton nga morag imposibleng makab-ot, mahimong makatabang ang pagtan-aw sa mga ehemplo sa uban nga matinud-anong misanong sa ilang kaugalingong lisod nga sitwasyon.

Basaha ang Lucas 1:38, ug pangitaa kon giunsa pagsanong ni Maria pagkahuman nga makahibalo nga siya ang mahimong inahan ni Jesus.

• Unsa ang natabang kanimo sa pagsanong ni Maria sa pagsabot mahitungod kaniya?

• Sa imong hunahuna, unsa nga mga kamatuoran ang makatabang sa usa ka tawo sa pagsalig sa Ginoo sama sa gibuhat ni Maria, bisan pa kon morag imposible ang usa ka butang nga gipabuhat sa Ginoo?

Hunahunaa ang gihangyo sa Ginoo nga ipabuhat kanimo nga morag imposible. Samtang nagbasa ka og dugang gikan sa pamahayag ni Presidente Nelson, pangita og partikular nga mga butang nga mabuhat nimo aron tabangan ka nga makab-ot ang imposible:

Unsaon ninyo pagkab-ot ang imposible? Pinaagi sa pagbuhat sa bisan unsa nga gikinahanglan sa paglig-on sa imong hugot nga pagtuo kang Jesukristo pinaagi sa pagpalambo sa imong pagsabot sa doktrina nga gitudlo sa Iyang gipahiuli nga Simbahan ug pinaagi sa walay puas nga pagtinguha sa kamatuoran. … Kon kamo hangyoon sa pagbuhat sa imposibleng mga butang, makadawat kamo sa buluhaton uban sa hugot nga pagtuo ug pagkamapadayunon ug malipayong mobuhat sa tanan nga anaa ubos sa inyong gahum sa pagtuman sa mga katuyoan sa Ginoo.

Kamo adunay mga adlaw nga mawad-an gayod sa kadasig. Busa, pag-ampo alang sa kaisog nga dili moundang!

(Russell M. Nelson, “Pagkahimo nga Tinuod nga mga Milenyal” [tibuok kalibotan nga debosyonal para sa mga young adult, Ene. 10, 2016], broadcasts.ChurchofJesusChrist.org.)

1.

• Unsa ang usa ka aksiyon gikan sa pamahayag ni Presidente Nelson nga gusto nimo nga mas mabuhat og maayo?

• Sa imong hunahuna, sa unsang paagi nga makatabang kanimo ang pagpausbaw niini nga aspeto sa pagkab-ot sa butang nga morag imposible sa imong kinabuhi?

Opsiyonal: Gustong Makahibalo pa og Dugang?

Nganong tun-an man ang Ebanghelyo ni Lucas?

Lucas 24:13–32 Ang uban pang mga talagsaon nga panghitabo mao ang paglakip ni Lucas sa mga pagtulon-an ni Juan nga Magbubunyag nga dili makita sa uban pang mga Ebanghelyo (tan-awa sa Lucas 3:10–14); ang iyang paghatag og gibug-aton sa pagkamainampoon ni Jesukristo (tan-awa sa Lucas 3:21;5:16;9:18, 28–29;11:1); ug iyang paglakip sa pagtawag, pagbansay, ug mga buluhaton sa misyonaryo sa Seventy (tan-awa sa Lucas 10:1–22). Dugang pa niini, si Lucas mao lamang ang tagsulat sa Ebanghelyo nga nagrekord nga ang Manluluwas mipaagas sa Iyang dugo didto sa Getsemani ug nga usa ka anghel nangalagad ngadto Kaniya (tan-awa sa Lucas 22:43–44).

Ang pipila sa mga labing nailhan nga sugilanon sa pagka-Kristiyano talagsaon diha sa Ebanghelyo ni Lucas: ang mga sitwasyon mahitungod sa paghimugso ni Juan nga Magbubunyag (tan-awa sa

); ang tradisyonal nga saysay sa Pasko (tan-awa sa

); ang sugilanon ni Jesus isip 12 anyos nga batang lalaki sa templo (tan-awa sa

); mga sambingay sama sa maayong Samaryanhon (tan-awa sa

), ang anak nga nawala (tan-awa sa

), ang dato ug si Lazaro (tan-awa sa

); ang sugilanon sa napulo ka sanglahon (tan-awa sa

); ug ang asoy sa nabanhaw nga Ginoo nga naglakaw tapad sa Iyang mga disipulo sa dalan padulong sa Emmaus (tan-awa sa

).

Lucas 1:26.

Kinsa si anghel Gabriel?

Si Propeta Joseph Smith (1805–44) mitudlo mahitungod sa kailhanan ni anghel Gabriel:

Si Noe … mao si Gabriel; nagbarog siya nga adunay awtoridad sunod ni Adan diha sa Priesthood; gitawag siya sa Dios niini nga katungdanan, ug mao ang amahan sa tanang buhi sa iyang panahon, ug ngadto kaniya gihatag ang kamandoan.

(Mga Pagtulun-an sa mga Presidente sa Simbahan: Joseph Smith [2007], 122)

Lucas 1:27.

Unsa ang kahulogan nga si Maria “kaslonon kang … Jose”?

Sa karaang Israel, sa higayon nga mauyonan na ang kaminyoon, ang kasal maglangkob og duha ka yugto: pamalaye [betrothal] (nga gitawag usab og pagka-kaslonon [espousal]; tan-awa sa Mateo 1:18) ug usa ka seremonya sa kasal. Bisan ang pagka-kaslonon sa mga managtiayon [betrothed couple] sa legal nga paagi giisip nga bana ug asawa (tan-awa sa Deuteronomio 22:23–24), tali sa panahon sa pagka-kaslonon ug sa seremonya sa kasal, usa ka higpit nga lagda sa kaputli ang gipatuman (tan-awa saMateo 1:18–25; tan-awa usab sa Manwal sa Estudyante sa Bag-ong Tugon[2014], 13).

Lucas 1:30–35.

Unsay atong nahibaloan mahitungod sa milagrosong pagmabdos ni Maria?

Sa dihang nangutana si Maria kon sa unsang paagi siya mahimong inahan ni Jesus, “nga wala man koy bana” (Lucas 1:34), gipahibalo lang siya ni Gabriel nga pagakunsaran siya sa Espiritu Santo ug nga ang iyang anak mahimong Anak sa Dios (tan-awa sa Lucas 1:35). Ang ubang mga kasulatan nga nagpasabot ngadto sa pagpanamkon kang Jesukristo naghatag usab og gibug-aton nga Siya ang Anak sa Dios pero wala mopadayag kon sa unsang paagi nahitabo kini nga milagro (tan-awa sa Mateo 1:18–20;1 Nephi 11:14–15, 18–21;Alma 7:10).