Jesus Christ looking at a man lying on the ground before Him. The man is wrapped in a blanket and is suffering from palsy. The sick man was lowered by friends through a hole in the roof in hopes of being healed. Christ is portrayed extended His hands toward the man. Several other apostles or disciples are with Christ.
Gipakita ni Jesus ang Iyang abilidad sa pag-ayo sa tawo sa pisikal ug espirituwal pinaagi sa pag-ayo sa usa ka tawo nga paralitiko (paralisado) ug pagpasaylo sa iyang mga sala. Makatabang kini nga leksiyon sa pagdugang sa imong pagsabot nga mahimong ayohon sa Manluluwas ang tanang matang sa mga sakit.
Hunahunaa nga ang usa ka tawo nga imong gihigugma nag-antos sa makamatay nga sakit nga nanginahanglan og espesyal nga pagtambal ug aduna lamang usa ka doktor nga makaluwas kaniya. Unsa ang andam nimong buhaton aron makapangayo og tabang? Unsa ang imong buhaton kon puno na ang eskedyul sa doktor o nagpuyo ang doktor sa laing nasod?
Lagmit nga andam ang mga tawo sa pagbuhat sa bisan unsang butang aron makabaton og kaayohan alang sa ilang kaugalingon o sa ilang mga minahal sa kinabuhi. Bisan pa kon ang pisikal nga sakit sa kasagaran mahimong matambalan sa hanas nga mga propesyonal, adunay espirituwal nga mga sakit nga mahimong hingpit lamang nga maayo pinaagi ni Jesukristo. Ilista diha sa imong journal sa pagtuon kon unsa ang pipila niini sigon sa imong gituohan.
Samtang nagtuon ka niini nga leksiyon, pamalandongi kon unsa ang imong mabuhat aron matabangan ang mga minahal sa kinabuhi ug ang imong kaugalingon nga moduol ngadto kang Kristo aron makadawat og tabang nga Siya lamang ang makahatag.
Ang kahanas nga makatabang kanimo nga makakat-on og dugang samtang gitun-an nimo ang mga asoy sa kasulatan mao ang pagbasa gikan sa panglantaw sa lain-laing mga karakter sa sugilanon. Samtang gibuhat nimo kini, kanunay nga mohunong og kadali aron sulayan sa paghunahuna kon unsa ang lagmit nga gibati o gihunahuna nianang tawhana diha sa lain-laing mga punto sa sugilanon.
Aron ipraktis kini nga kahanas sa pagtuon, pagpili og usa sa mosunod nga mga tawo nga pokusan samtang gitun-an nimo kini nga asoy ni Jesus nga nagtudlo sa Capernaum:
Ang paralisadong tawo
Usa sa upat ka tawo nga mialsa sa paralisadong tawo
Usa sa mga tawo sa balay nga naminaw kang Jesus
Basaha ang Marcos 2:1–3, nga naghunahuna nga ikaw ang tawo nga gipili nimong pokusan.
Sa imong hunahuna, unsa nga mga pagsulay, kon aduna man, ang lagmit nga giatubang niining tawhana?
Unsa ang imong gihunahuna nga nakita, nadungog, gihunahuna, ug gibati niining tawhana?
Unsa kaha ang gilaoman niining tawhana nga madawat gikan sa ilang panahon kauban si Jesukristo?
Basaha ang Marcos 2:4, nga mangita kon unsa ang gibuhat sa mga tawo nga mialsa sa tawo aron maduol siya kang Jesukristo.
Unsa sa imong hunahuna ang gihunahuna ug gibati sa tawo nga imong gipili niini nga panahon diha sa sugilanon? Ngano man?
Sa imong hunahuna, unsa ang ilang gidahom nga buhaton o isulti ni Jesus?
Basaha ang Marcos 2:5 aron mahibaloan kon unsa ang gisulti ni Jesus ngadto sa tawo.
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Sometimes spiritual illness comes as a result of sin or emotional wounds. …
Even the deepest spiritual wounds—yes, even those that may appear to be incurable—can be healed.
My dear friends, the healing power of Jesus Christ is not absent in our day.
The Savior’s healing touch can transform lives in our day just as it did in His. If we will but have faith, He can take our hands, fill our souls with heavenly light and healing, and speak to us the blessed words, “Rise, take up thy bed, and walk” [John 5:8].
(Dieter F. Uchtdorf, “Bearers of Heavenly Light,” Ensign or Liahona, Nov. 2017, 78)
Ngano kaha nga ang mga pulong sa Manluluwas sa bersikulo 5 nakapakurat man sa tawo nga imong gipokusan?
Ang pipila sa mga tawo nga anaa niini nga panahon nagkwestyon sa awtoridad sa Manluluwas sa pagpasaylo sa mga sala. Basaha ang Marcos 2:6–12, ug pangitaa kon unsa ang gibuhat sa Manluluwas aron ipakita ang Iyang awtoridad sa pagpasaylo. Ang hugpong sa pulong nga “Anak sa tawo” sa bersikulo 10 nagpasabot kang Jesukristo nga Anak sa “Tawo sa Pagkabalaan,” nga mao ang Dios Amahan (tan-awa sa Moises 6:57).
Hunahunaa ang tawo nga imong gipokusan diha sa asoy. Unsaon nimo paghulagway sa reaksyon niining tawhana sa gisulti ug gibuhat sa Manluluwas?
Unsa ang imong nakat-onan mahitungod sa Manluluwas samtang nagpokus ka sa usa ka partikular nga tawo diha sa sugilanon?
Ang usa ka kamatuoran nga lagmit nga natuki nimo samtang imong gitun-an kini nga asoy mao nga si Jesukristo adunay gahom aron ayohon kita sa pisikal ug espirituwal.
Si Presidente Dieter F. Uchtdorf, nga nianang higayona sakop sa Unang Kapangulohan, mipamatuod sa gahom sa Manluluwas sa pag-ayo sa espirituwal nga sakit.
1. Complete the following activity in your study journal using at least five sentences:
Unsa ang mga pananglitan sa espirituwal nga mga samad nga mahimong ayohon sa Manluluwas?
Sa unsang paagi nakapanalangin sa imong kinabuhi ang pagkahibalo nga mahimong ayohon Niya ang espirituwal nga mga samad?
Pamalandongi ang mosunod nga mga pangutana nga may kalabotan niini nga kamatuoran. Ikonsiderar ang pagrekord sa imong mga hunahuna diha sa imong journal sa pagtuon.
Aduna bay bisan unsang espirituwal nga samad sa imong kinabuhi nga kinahanglang ayohon?
Unsaon nimo sa pagtinguha ang makaayo nga gahom ni Jesukristo?
Aduna ba kay nailhang laing tawo nga nanginahanglan sa makaayo nga gahom ni Jesukristo? Unsa man ang imong mahimo aron tabangan sila nga makagamit niini?
Pagpamatuod bahin sa gugma ni Jesukristo para sa kada usa kanato ug sa Iyang gahom aron ayohon kita.
Samtang nagtuon ka sa uban pang mga asoy sa mga kasulatan karong tuiga, ikonsiderar ang paggamit sa kahanas sa pagpokus sa partikular nga mga karakter. Lagmit nga makatabang ang pagbasa sa tudling sa daghang higayon, pagpamalandong sa kada higayon kon unsa ang lagmit nga nakat-onan sa lain-laing mga tawo diha sa sugilanon.
1. Kompletoha ang mosunod nga kalihokan diha sa imong journal sa pagtuon gamit ang dili mominos sa lima ka kapahayag [sentence]:
Hunahunaa nga ang tawo nga imong gipokusan samtang gitun-an nimo kini nga asoy gustong mohulagway ngadto sa usa ka higala kon unsa ang ilang nasaksihan ug gibati nianang adlawa. Pagtagana og panahon aron isulat diha sa imong journal sa pagtuon kon unsaon nimo paghulagway kanila sa kasinatian sa detalyadong paagi. Ilakip kon unsa ang imong gihunahuna nga ilang nakat-onan ug gibati mahitungod kang Jesukristo.
Pilia ang Sugdi ang Buluhaton nga button o ang Pagsumiter nga tab aron i-upload ang imong gibuhat. Ikonsiderar ang pagrekord og video nimo nga nagsaysay sa sugilanon gikan sa panglantaw sa tawo, o mahimo lamang nimong i-type ang imong tubag gamit ang dili mominos sa lima ka kapahayag [sentence].
