Mateu 21:12–16

Jezusi Pastron Tempullin

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Ndërkohë që ishte në Jerusalem gjatë javës së fundit të jetës së Tij, Jezusi pastroi tempullin për herë të dytë dhe shëroi ata që erdhën tek Ai. Ky mësim do të të ndihmojë të ndiesh një rritje të dëshirës për ta trajtuar tempullin si një vend të shenjtë ku ti mund të ndiesh dashurinë e Shpëtimtarit dhe të forcosh besimin tënd tek Ai.

Jezusi pastron tempullin

Çfarë ndien kur shikon këto pamje të dhomave të ndryshme në tempull? Mund të duash t’i shënosh mbresat e tua në ditarin tënd të studimit.

Baptistry of the Asuncion Paraguay Temple

Interior of of the endowment room in the Asuncion Paraguay Temple

Frankfurt Germany Temple . An interior image of the temple featuring the Sealing Room.

Jezusi shkoi në Jerusalem për të kremtuar Pashkën dhe vizitoi tempullin. Adhuruesit që vinin në Jerusalem, kishin nevojë të shkëmbenin paratë e tyre me monedha që mund të përdoreshin për të blerë kafshë për sakrificat që do të bëheshin në emër të tyre nga priftërinjtë. Ndonëse kjo sipërmarrje ishte e nevojshme dhe i shërbente një qëllimi të mirë, bërja e saj në tempull tregonte mungesë respekti dhe nderimi. Jezusi reagoi ndaj asaj që vëzhgoi në tempull, në dy raste të ndryshme: një herë afër fillimit të shërbimit të Tij (shih Gjoni 2:13–1 6) dhe një herë gjatë javës së fundit të jetës së Tij (shih Mateu 21:12–13).

Lexo një ose të dy fragmentet vijuese të shkrimeve të shenjta për mënyrën se si Shpëtimtari u përgjigj ndaj asaj që Ai pa në tempull. Ti mund të duash gjithashtu të shohësh materialin filmik “Jesus Cleanses the Temple” [“Jezusi Pastron Tempullin”] (1:54), që gjendet në ChurchofJesusChrist.org. Ky material filmik paraqet rrëfimin te Gjoni 2.

Çfarë mësove nga leximi i këtyre dy rrëfimeve për mënyrën se si Shpëtimtari ndihet për tempullin?
Si mendon, përse u përgjigj Shpëtimtari në mënyrën se si u përgjigj ndaj asaj që po ndodhte në tempull?
Çfarë të vërtetash mësove nga fjalët dhe veprimet e Shpëtimtarit në tempull?

Presidenti Rasëll M. Nelson dha mësim për natyrën e shenjtë të shtëpisë së Zotit:

“Tempulli është shtëpia e Zotit. Baza e çdo ordinance dhe besëlidhjeje të tempullit – qëllimi kryesor i planit të shpëtimit – është Shlyerja e Jezu Krishtit. Çdo veprimtari, çdo mësim, gjithçka që bëjmë në Kishë, të drejtojnë te Zoti dhe shtëpia e Tij e shenjtë …

… Shëlbuesi ynë kërkon që tempulli i Tij të jetë i mbrojtur nga përdhosja. Asgjë e papastër nuk mund të hyjë në shtëpinë e Tij të shenjtëruar. Megjithatë, kushdo që përgatitet mirë, është i mirëpritur.”

(Russell M. Nelson, “Personal Preparation for Temple Blessings”, Ensign, maj 2001, f. 32–33)

Si na ndihmon pohimi i Presidentit Nelson që ta kuptojmë më mirë qëndrimin e Shpëtimtarit ndaj tempullit?
Përse mendon se Zoti na kërkon të hyjmë denjësisht në tempullin e Tij?

Merre parasysh thënien vijuese nga Plaku Dejvid A. Bednar, i Kuorumit të Dymbëdhjetë Apostujve, dhe përsiat për atë që Zoti do që ti të bësh. Mund të duash të shohësh materialin filmik “Premtimet e Çmueshme dhe Shumë të Mëdha”, që gjendet në ChurchofJesusChrist.org [https://www.churchofjesuschrist.org/study/general-conference/2017/10/exceeding-great-and-precious-promises?lang=alb], nga kodi kohor 10:08 deri në 11:17, ose të lexosh citatin vijues.

Premtimet e Çmueshme dhe Shumë të Mëdha
Elder Bednar teaches about focusing on the promises of the gospel and how the Sabbath day, the temple, and our homes can help us remember these promises.

“Tempujt janë vendi më i shenjtë nga të gjitha vendet e adhurimit. Një tempull është vërtet shtëpia e Zotit, një hapësirë e shenjtë, e veçuar posaçërisht për adhurimin e Perëndisë dhe për marrjen e kujtimin e premtimeve të Tij të çmueshme e të mëdha.

… Përqendrimi themelor i adhurimit në tempull është pjesëmarrja në ordinanca dhe të mësuarit rreth besëlidhjeve, marrja dhe kujtimi i atyre besëlidhjeve. Në tempull mendojmë, veprojmë dhe vishemi ndryshe nga hapësirat e tjera që mund të frekuentojmë.

Një qëllim themelor i Shabatit është që ta ngremë largpamësinë tonë nga gjërat e botës drejt bekimeve të përjetësisë.”

(Dejvid A. Bednar, “Premtimet e Çmueshme dhe Shumë të Mëdha”, Ensign ose Liahona, nëntor 2017, f. 92.)

Çfarë ndien se Zoti do që të dish, të ndiesh, apo të bësh për shkak të asaj që ke mësuar në këtë mësim për natyrën e shenjtë të tempullit?

Jezusi shëron të verbrit dhe të çalët

Lexo te Mateu 21:14 , duke kërkuar atë që bëri Shpëtimtari në tempull pasi e pastroi tempullin për herë të dytë. Fjalët “të çalë” u referohen individëve të cilët ishin të gjymtuar ose kishin një lloj forme të dëmtimit në të ecur.

Vër re që Shpëtimtari shëroi fizikisht disa nga ndjekësit e Tij besnikë pranë tempullit.

Çfarë lloje të tjerash shërimi mund të përjetojmë duke ushtruar besimin tek Ai ose duke bërë punë në tempull?

Plaku Dejll G. Renland, i Kuorumit të Dymbëdhjetë Apostujve, shpjegoi shërimin që mund të marrim ndërsa marrim pjesë në punët e tempullit dhe në historinë familjare. Shih materialin filmik vijues, që gjendet në ChurchofJesusChrist.org [https://www.churchofjesuschrist.org/study/general-conference/2018/04/family-history-and-temple-work-sealing-and-healing?lang=alb], nga kodi kohor 3:49 deri në 4:09, ose lexo citatin vijues.

Historia Familjare dhe Puna në Tempull: Vulosja dhe Shërimi
Plaku Renland na mëson se kur bëjmë historinë familjare dhe punën në tempull për paraardhësit tanë, Perëndia jep bekime në të dyja anët e velit.

“Teksa marrim pjesë në historinë familjare dhe punën në tempull sot, ne gjithashtu kualifikohemi për bekimet ‘shëruese’ të premtuara nga profetët dhe apostujt. Këto bekime janë gjithashtu mahnitëse dhe befasuese për shkak të qëllimit, veçantisë dhe rrjedhojës së tyre në vdekshmëri.”

(Dejll G. Renland, “Historia Familjare dhe Puna në Tempull: Vulosja dhe Shërimi”, Ensign ose Liahona, maj 2018, f. 47)

Si mendon se mund të na ndihmojë adhurimi në tempull të shërohemi nga plagët shpirtërore dhe emocionale?

1. Shkruaj në ditarin tënd të studimit për atë që mësove sot. Përfshi përgjigjet e tua për të paktën dy prej pyetjeve vijuese.

Çfarë mendimesh dhe ndjenjash ke pasi mësove rreth Shpëtimtarit dhe tempujve të Tij?
Si mundet ajo që mësove dhe ndjeve sot, të ndikojë në mënyrën si e adhuron Shpëtimtarin në tempull?
Çfarë shërimi kërkon nga Zoti ndërsa merr pjesë në historinë familjare dhe në punën në tempull?

Fakultative: Dëshiron të Mësosh më Shumë?

Mateu 21:13. Përse Jezusi tha se njerëzit e kishin kthyer tempullin në “shpellë kusarësh”?

Shprehja “një shpellë kusarësh” sugjeron se këmbyesit e parave dhe tregtarët ishin më të interesuar në marrjen e një fitimi financiar sesa në adhurimin e Perëndisë dhe të ndihmuarit e të tjerëve për ta bërë atë.

A ishte Jezusi i inatosur kur pastroi tempullin?

Presidenti Gordon B. Hinkli (1910–2008) dha mësim për Shpëtimtarin që pastron tempullin.

Slow to Anger
May the Lord bless you and inspire you to walk without anger.

“Zemërimi mund të justifikohet në disa rrethana. Shkrimet e shenjta na tregojnë se Jezusi i përzuri këmbyesit e parave nga tempulli duke u thënë: ‘“Shtëpia ime do të quhet shtëpi lutje”, por ju e keni kthyer në një shpellë kusarësh’ ( Mateu 21:13). Por edhe kjo u shpreh më shumë si një qortim sesa si një shpërthim i një zemërimi të pakontrolluar.”

(Gordon B. Hinkli, “Të Ngadaltë në Zemërim”, Ensign ose Liahona, nëntor 2007, f. 66)