Seminelí
Mātiu 21:12–16

Mātiu 21:12–16

Ko Hono Fakamaʻa ʻe Sīsū ʻa e Temipalé

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Lolotonga ʻEne ʻi Selusalema ʻi he uike fakaʻosi ʻo ʻEne moʻuí, naʻe fakamaʻa ʻe Sīsū ʻa e temipalé ko hono tuʻo uá pea fakamoʻui ʻa kinautolu naʻe haʻu kiate Iá. ʻE tokoniʻi koe ʻe he lēsoni ko ʻení ke ke ongoʻi ha holi lahi ange ke tauhi ʻa e temipalé ko ha feituʻu toputapu ʻa ia te ke lava ʻo ongoʻi ai e ʻofa ʻa e Fakamoʻuí mo fakamālohia hoʻo tui kiate Iá.

Ko hono fakamaʻa ʻe Sīsū ʻa e temipalé

Ko e hā ha ngaahi ongo ʻokú ke maʻu ʻi hoʻo vakai ki he ngaahi fakatātā ko ʻeni ʻo e ngaahi loki kehekehe ʻi he temipalé? Mahalo te ke loto ke hiki hoʻo ngaahi ongó ʻi hoʻo tohinoa akó.

Baptistry of the Asuncion Paraguay Temple
Interior of of the endowment room in the Asuncion Paraguay Temple
Frankfurt Germany Temple . An interior image of the temple featuring the Sealing Room.
Cordoba Argentina Temple celestial room

Naʻe hāʻele ʻa Sīsū ki Selusalema ke fakafiefiaʻi ʻa e Laka Atú pea ʻaʻahi ki he temipalé. Naʻe fie maʻu ke fakafetongi ʻe he kau lotu naʻe haʻu ki Selusalemá ʻenau paʻangá ʻaki ha paʻanga ʻe lava ke fakaʻaongaʻi ʻi he temipalé ke fakatau ʻaki ha fanga monumanu ki he ngaahi feilaulau ʻe fai maʻanautolu ʻe he kau taulaʻeikí. Neongo naʻe fie maʻu ke fakahoko ʻa e fefakatauʻaki ko ʻení pea naʻe fai pē ʻi ha taumuʻa lelei, ka naʻe taʻe-fakaʻapaʻapa mo taʻe-ʻapasia ʻa hono fakahoko ia ʻi he temipalé. Naʻe tali ʻe Sīsū ki he meʻa naʻá Ne mamata ki ai ʻi he temipalé ʻi ha meʻa kehekehe ʻe ua: tuʻo taha ʻi he ofi ki he kamataʻanga ʻo ʻEne ngāue fakafaifekaú (vakai, Sione 2:13–16) pea tuʻo taha ʻi he uike fakaʻosi ʻo ʻEne moʻuí (vakai, Mātiu 21:12–13).

Lau ha taha pe fakatouʻosi ʻo e ongo potufolofola ko ʻení, ʻo kumi e tali ʻa e Fakamoʻuí ki he meʻa naʻá Ne mamata ki ai ʻi he temipalé.    

1:54

Jesus Cleanses the Temple

Jesus clears worldly merchandise from the temple courts in order to keep the temple a holy place.

  • Ko e hā naʻá ke ako mei hono lau e ongo fakamatala ko ʻení fekauʻaki mo e ongo ʻa e Fakamoʻuí kau ki he temipalé?

  • ʻOkú ke pehē ko e hā naʻe tali ai ʻe he Fakamoʻuí ʻi he founga naʻá Ne fakahokó ki he meʻa naʻe hoko ʻi he temipalé?

  • Ko e hā ha ngaahi moʻoni naʻá ke ako mei he ngaahi folofola mo e ngāue ʻa e Fakamoʻuí ʻi he temipalé?

Naʻe akonaki ʻa Palesiteni Lāsolo M. Nalesoni fekauʻaki mo e natula toputapu ʻo e fale ʻo e ʻEikí ʻo pehē:

Official portrait of President Russell M. Nelson taken January 2018

Ko e temipalé ko e fale ia ʻo e ʻEikí. Ko e makatuʻunga ki he ouau mo e fuakava fakatemipale kotoa pē—ko e uho ʻo e palani ʻo e fakamoʻuí—ko e Fakalelei ʻa Sīsū Kalaisí. ʻOku tuhu ʻa e ʻekitivitī, lēsoni, mo e meʻa kotoa pē ʻoku tau fai ʻi he Siasí, ki he ʻEikí mo Hono fale māʻoniʻoní. …

… ʻOku finangalo ʻa hotau Huhuʻí ke maluʻi Hono ngaahi temipalé mei hono ngaohikoviʻí. He ʻikai hū ha meʻa taʻe-maʻa ki Hono fale māʻoniʻoní. Ka ʻoku talitali lelei ha taha pē ʻokú ne mateuteu leleí.

(Russell M. Nelson, “Personal Preparation for Temple Blessings,” Ensign, May 2001, 32–33).

  • ʻOku tokoni fēfē nai ʻa e fakamatala ʻa Palesiteni Nalesoní ke mahino lelei ange kiate kitautolu ʻa e tōʻonga fakakaukau ʻa e Fakamoʻuí ki he temipalé?

  • ʻOkú ke pehē ko e hā hono ʻuhinga ʻoku faleʻi ai kitautolu ʻe he ʻEikí ke tau hū moʻui taau ki Hono temipalé?

Fakakaukau ki he fakamatala ko ʻeni naʻe fai ʻe ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá, pea fakakaukau loto pe ko e hā naʻe finangalo ‘e he ‘Eikí ke ke faí.  

2:3

Ngaahi Talaʻofa Lahi ʻAupito mo Mahuʻinga

Ko hono akoʻi ʻe ʻEletā Bednar fekauʻaki mo e nofotaha e tokangá ʻi he ngaahi talaʻofa ʻo e ongoongoleleí mo e founga ʻoku tokoni ai e ʻaho Sāpaté, temipalé, mo hotau ngaahi ʻapí ke tau manatuʻi e ngaahi talaʻofá ni.

Elder David A. Bednar, Quorum of the Twelve Apostles official portrait. 2020.

Ko e temipalé ʻa e feituʻu māʻoniʻoni taha ke fai ai ha moihū. Ko e temipalé ʻa e fale moʻoni ʻo e ʻEikí, ko ha feituʻu toputapu ne tuku mavahe ke moihū ai ki he ʻOtuá pea maʻu mo manatua ai ʻEne ngaahi talaʻofa lahi ʻaupito mo mahuʻingá.

… Ko e tefitoʻi taumuʻa ʻo e moihū he temipalé ko e kau ki he ngaahi ouaú, mo ako ʻo kau ki hono maʻu, mo manatua e ngaahi fuakavá. ʻOku tau fakakaukau, ngāue, mo vala makehe ʻi he temipalé mei ha toe feituʻu ʻoku tau faʻa ʻaʻahi ki ai.

Ko e taumuʻa tefito ʻo e temipalé ke hikiʻi hake ʻetau visioné mei he ngaahi meʻa ʻo e māmaní ki he ngaahi tāpuaki ʻo e taʻengatá.

(David A. Bednar, “Ngaahi Talaʻofa Lahi ʻAupito mo Mahuʻinga,” Ensign pe Liahona, Nōvema 2017, 92)

  • Ko e hā ʻokú ke ongoʻi ʻoku finangalo ʻe he ʻEikí ke ke ʻiloʻi, ongoʻi, pe fakahoko koeʻuhí ko e meʻa kuó ke ako ʻi he lēsoni ko ʻení fekauʻaki mo e natula toputapu ʻo e temipalé?

ʻOku fakamoʻui ʻe Sīsū ʻa e kuí mo e heké

Lau ʻa e Mātiu 21:14, ʻo kumi ʻa e meʻa naʻe fai ʻe he Fakamoʻuí ʻi he temipalé hili hono fakamaʻa ko hono tuʻo ua ʻo e temipalé. ʻOku ʻuhinga ʻa e kupuʻi lea “heke” ki he niʻihi fakafoʻituitui naʻe ketu pe ʻi ai honau tuʻunga faingataʻaʻia ʻi heʻenau lué.

Fakatokangaʻi ange ʻa e founga naʻe fakamoʻui fakatuʻasino ai ʻe he Fakamoʻuí ha niʻihi ʻo Hono kau muimui faivelengá ofi ki he temipalé.

  • Ko e hā ha faʻahinga fakamoʻui kehe te tau lava ʻo aʻusia ʻi heʻetau tui kiate Ia mo ʻetau fakahoko ʻa e ngāue fakatemipalé?

Naʻe fakamatala ʻe ʻEletā Teili G. Lenilani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e fakamoʻui te tau lava ʻo maʻu ʻi heʻetau kau ʻi he ngāue fakatemipalé mo e hisitōlia fakafāmilí.  

2:3

Hisitōlia Fakafāmilí mo e Ngāue Fakatemipalé: Silá mo e Fakamoʻuí

ʻOku akoʻi ʻe ʻEletā Lenilani ʻi he taimi ʻoku tau fakahoko ai e hisitōlia fakafāmilí mo e ngāue fakatemipale maʻa ʻetau ngaahi kuí, ʻoku ʻohifo leva ʻe he ʻOtuá ha ngaahi tāpuakí he ongo tafaʻaki fakatouʻosi ʻo e veilí.

Official portrait of Elder Dale G. Renlund of the Quorum of the Twelve Apostles, January 2016.

Ka, ʻi heʻetau kau he ʻahó ni ʻi he hisitōlia fakafāmilí mo e ngāue fakatemipalé, ʻoku tau feʻunga foki ai ki he ngaahi tāpuaki “fai fakamoʻui” ne talaʻofa ʻe he kau palōfitá mo e kau ʻaposetoló. ʻOku toe mātuʻaki fakaofo foki e ngaahi tāpuakí ni koeʻuhí ko hono lahí, natula paú, pea mo e ola ʻi he moʻui fakamatelié.

(Dale G. Renlund, “Hisitōlia Fakafāmilí mo e Ngāue Fakatemipalé: Silá mo e Fakamoʻuí,” Ensign pe Liahona, Mē 2018, 47)

  • ʻOkú ke pehē ʻe tokoni fēfē nai ʻa e moihū ʻi he temipalé ke fakamoʻui kitautolu mei hotau ngaahi kafo fakalaumālie mo fakaelotó?

Writing on a piece of paper with a pen or pencil. 1. Hiki ʻi hoʻo tohinoa akó ʻa e meʻa naʻá ke ako he ʻaho ní. ‘Omi ha tali ki ha ngaahi fehuʻi ʻe ua pe lahi ange mei heni.

  • Ko e hā ha ngaahi fakakaukau mo ha ngaahi ongo ʻokú ke maʻu hili hoʻo ako fekauʻaki mo e Fakamoʻuí mo Hono ngaahi temipalé?

  • ʻE tākiekina fēfē nai ʻe he meʻa naʻá ke ako mo ongoʻi he ʻaho ní ʻa e founga hoʻo moihū ki he Fakamoʻuí ʻi he temipalé?

  • Ko e hā ha fakamoʻui ʻokú ke fekumi ki ai mei he ʻEikí ʻi hoʻo kau ki he hisitōlia fakafāmilí mo e ngāue fakatemipalé?

Fili Pē: Fie Ako Lahi Ange?

Mātiu 21:13. Ko e hā naʻe folofola ai ʻe Sīsū kuo ngaohi ʻe he kakaí ʻa e temipalé “ko e ʻana ʻo e kau kaihaʻá”?

ʻOku fokotuʻu mai ʻe he kupuʻi lea “ko e ʻana ʻo e kau kaihaʻá” naʻe lahi ange e tokanga ʻa e kau fetongi paʻangá mo e kau fefakatauʻakí ke maʻu haʻanau tupu ʻi heʻenau tokanga ke hū ki he ʻOtuá mo tokoni ki he niʻihi kehé ke nau lotú.

Naʻe houhau nai ʻa Sīsū ʻi Heʻene fakamaʻa ʻa e temipalé?

Naʻe akonaki ʻa Palesiteni Kōtoni B. Hingikelī (1910–2008) fekauʻaki mo hono fakamaʻa ʻe he Fakamoʻuí ʻa e temipalé.  

2:3

Slow to Anger

May the Lord bless you and inspire you to walk without anger.

Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.

ʻE lava ke fakatonuhiaʻi ʻa e ʻitá ʻi ha ngaahi tūkunga ʻe niʻihi. ʻOku talamai ʻe he folofolá naʻe tuli ʻe Sīsū ʻa e kau fetongi paʻangá mei he temipalé, mo pehē, “ʻE ui hoku falé ko e falelotu; ka kuo mou ngaohi ia ko e ʻana ʻo e kau kaihaʻá” ( Mātiu 21:13). Ka naʻe lahi ange hono lea ʻaki ʻeni ko ha valokí kae ʻikai ko ha ʻita taʻe-mapuleʻí.

(Gordon B. Hinckley, “Slow to Anger,” Ensign pe Liahona, Nov. 2007, 66)