Մատթեոս 28, Ղուկաս 24, Հովհաննես 20
Հարություն առած Փրկիչի վկաները
Իր Հարությունից հետո Հիսուս Քրիստոսը հայտնվել է բազմաթիվ մարդկանց առջև: Այս դասը կարող է ձեզ օգնել վկայել՝ հիմնվելով այդ վկաներից մի քանիսի փորձառությունների վրա, որ Փրկիչը կենդանի է:
Հավատացեք առանց տեսնելու
Նայեք հետևյալ նկարին, որը պատկերում է, թե հարություն առած Փրկիչն ինչպես է գերեզմանից դուրս գալիս: Գրեք ձեր օրագրում այն, ինչով կարող եք կիսվել որևէ մեկի հետ, ով կասկածում է, որ այս կարևորագույն իրադարձությունը տեղի է ունեցել: Փրկիչի Հարության մասին ո՞ր սուրբ գրություններով կարող եք կիսվել նրանց հետ:
-
Ձեր կարծիքով, Տիրոջ համար ինչո՞ւ է կարևոր, որ մենք բոլորս ձեռք բերենք մեր սեփական վկայությունն այն մասին, որ Նա ապրում է:
Խորհեք Հիսուս Քրիստոսի կենդանության մասին ձեր վկայության շուրջ և մտածեք, թե դուք ինչպես կօրհնվեք՝ այդ վկայությունն ամրապնդելով: Ուսումնասիրելով այն մարդկանց խոսքերը, ովքեր գիտեն, որ Փրկիչը կենդանի է, կարող է ամրապնդել մեր հավատքը, որ նա կենդանի է, նույնիսկ, եթե ուրիշները կասկածում են: Այսօրվա դասի ընթացքում ուշադիր եղեք Սուրբ հոգու հուշումների նկատմամբ, որոնք հաստատում են այս հատվածների ճշմարտությունը ձեր սրտում և մտքում:
Նոր Կտակարանի վկաներ
1. Կատարեք հետևյալը սուրբ գրությունների ուսումնասիրության ձեր օրագրում.
Ուսումնասիրեք հարություն առած Փրկիչի մասին պատմող մարդկանց նվիրված Նոր Կտակարանի հետևյալ պատմություններից առնվազն մեկը:
-
Հավատարիմ կանայք. Մատթեոս 28.1-10:
-
Երկու առաքյալները Էմմաուսի ճանապարհին. Ղուկաս 24.13–35
-
Մարիամ Մագթաղենացի. Հովհաննես 20.11–18
-
Թովմաս. Հովհաննես 20.24–29։
Գրանցեք ձեր պատասխանները հետևյալ երկու հարցերին, ինչպես նաև այլ մտքերին և տպավորություններին, որոնք կարող են ձեզ այցելել:
-
Ի՞նչ եք սովորել, որ ամրապնդել է ձեր հավատքը, որ Հիսուս Քրիստոսը կենդանի է:
-
Ի՞նչ եք սովորել Փրկիչի մասին այս մարդու կամ այս մարդկանց հետ Իր հարաբերություններից:
Սուրբ գրությունների այլ վկաներ
2. Կատարեք հետևյալը սուրբ գրությունների ուսումնասիրության ձեր օրագրում.
Դուք կարող եք ավելի շատ ամրապնդել Փրկիչի մասին ձեր վկայությունը՝ ուսումնասիրելով լրացուցիչ վկաներին այլ սուրբ գրություններից: Ուսումնասիրեք հետևյալ հատվածներից առնվազն մեկը:
-
Հին Ամերիկայի ժողովուրդները Փրկիչի Հարությունից անմիջապես հետո. 3 Նեփի 11.8–17
-
Ջոզեֆ Սմիթ և Սիդնի Ռիգդոն. Վարդապետություն և Ուխտեր 76.19–24
Գրանցեք ձեր պատասխանները հետևյալ երկու հարցերին, ինչպես նաև այլ մտքերին և տպավորություններին, որոնք կարող են ձեզ այցելել:
-
Ձեր կարդացածն ինչպե՞ս կարող է ամրապնդել ձեր հավատքը, որ Հիսուս Քրիստոսն ապրում է:
-
Ի՞նչ լրացուցիչ գաղափարներ եք ձեռք բերել Հիսուս Քրիստոսի մասին:
Ժամանակակից վկաներ
Հիսուս Քրիստոսի կենդանության մասին ձեր վկայությունը ամրապնդելու ևս մեկ լավ միջոց է ժամանակակից «ողջ աշխարհում Քրիստոսի անվան հատուկ վկաների» ուսումնասիրությունը (Վարդապետություն և Ուխտեր 107.23), մեր օրերի կարգված առաքյալները
Կարող եք նաև դիտել «Ինձ մոտ եկեք» (16:18-ից մինչև 16:47-ը) և «Միակ ճշմարիտ Աստված և Հիսուս Քրիստոս, որին Նա ուղարկեց» (2:26) տեսանյութերը ChurchofJesusChrist.org կայքում։ Կամ կարող եք կարդալ Նախագահ Այրինգի և Երեց Հոլլանդի՝ Հիսուս Քրիստոսի երկու ժամանակակից վկաների, հայտարարությունները:
"Come unto Me"
By His words and His example, Christ has shown us how to draw closer to Him.
Առաջին Նախագահությունից նախագահ Հենրի Բ. Այրինգը վկայել է.
Ես Տիրոջ Հարության վկան եմ, այնպես անկասկած կարծես ես եղել եմ այնտեղ, այն երեկո երկու աշակերտների հետ՝ Էմմաուսի ճանապարհի վրայի տանը: Ես նույնքան անկասկած գիտեմ, որ Նա ապրում է, ինչպես Ջոզեֆ Սմիթը, երբ Նա տեսավ Հորը և Որդուն պայծառ առավոտվա լույսի մեջ Պալմիրայի ծառերի պուրակում:
Սա Հիսուս Քրիստոսի ճշմարիտ Եկեղեցին է:
(Հենրի Բ. Այրինգ, «Ինձ մոտ եկեք», Լիահոնա, մայիս 2013, 25)
The Only True God and Jesus Christ Whom He Has Sent
Elder Jeffrey R. Holland testifies of the Savior and what it means to be Christian.
Տասներկու Առաքյալների Քվորումից երեց Ջեֆրի Ռ. Հոլլանդը վկայել է.
Ես վկայում եմ, որ Հիսուս Քրիստոսը ապրող Աստծո ապրող Որդին է: ․․․ Ես վկայում եմ, որ Նա բառացիորեն հարություն է առել գերեզմանից և հարության ընթացքը ավարտելու համար Իր Հոր մոտ համբարձվելուց հետո Նա նորից հայտնվեց Հին և Նոր աշխարհների հարյուրավոր աշակերտների առջև: Ես գիտեմ, որ Նա Իսրայելու Սուրբն է, Մեսիան է, ով մի օր նորից կգա վերջնական փառքով՝ երկրում որպես Տերերի Տեր և Թագավորների Թագավոր թագավորելու համար:
Ջեֆրի Ռ. Հոլլանդ, «Միակ ճշմարիտ Աստված և Հիսուս Քրիստոս, որին Նա ուղարկեց», Լիահոնա, Նոյ. 2007, 42:
-
Ձեր կարծիքով, Փրկիչն ինչո՞ւ է մեզ տրամադրել ժամանակակից վկաներ՝ բացի հին ժամանակների Իր վկաներից:
Ձեր վկայությունը
Կարդացեք Հովհաննես 20.29-ը՝ ուշադիր լինելով վկայություն ձեռք բերելու մասին այն ճշմարտությանը, որ Քրիստոսն ուսուցանել է Թովմասին:
-
Ի՞նչ է ձեզ սովորեցնում այս հատվածը Հիսուս Քրիստոսի մասին ձեր վկայության զարգացման վերաբերյալ:
Փրկիչի՝ այս հատվածում ներկայացված ուսմունքներից մենք կարող են սովորել հետևյալ ճշմարտությունը մենք օրհնված ենք, որ որոշել ենք հավատալ, որ Հիսուս Քրիստսը կենդանի է՝ նույնիսկ չտեսնելով Նրան:
Այսօր սովորած վկայություններին ավելացրեք Փրկիչի մասին ձեր անձնական վկայությունը: Դա անելու ձևերից մեկն է ձեր օրագրերում գրել հետևյալի նման հարցերին պատասխանները:
-
Հիսուս Քրիստոսի կենդանության ի՞նչ ապացույցներ եք տեսել ձեր և ուրիշների կյանքում:
-
Ե՞րբ եք զգացել, որ Սուրբ Հոգին վկայություն է բերում ձեզ Հիսուս Քրիստոսի իրական լինելու մասին:
-
Ի՞նչ խորհուրդ կտայիք նրան, ով դեռևս համոզված չէ, թե արդյոք հավատում է Փրկիչի կենդանությանը, թե ոչ:
Ընտրովի. ցանկանո՞ւմ եք ավելին իմանալ
Հիսուսի հարություն առած մարմնի վրա ինչո՞ւ դեռևս կային խաչելությունից մնացած վերքերը
Տասներկու Առաքյալների Քվորումից երեց Ջեֆրի Ռ. Հոլլանդն գրել է.
Չնայած Հարության զորությունը հավանաբար լիովին վերականգնվել էր ճ և անկասկած մի օր լիովին կվերականգնվի և կփակի խաչելության վերքերը, այնուամենայնիվ Քրիստոսը որոշել է թողնել այդ վերքերը հատուկ նպատակով, այթ թվում մեր օրերում Իր հայտնության համար, որպեսզի ցույց տա այդ նշանները և հայտնի, որ այդ հարվածները նա ստացել է «[Իր] բարեկամների տանը» [Զաքարիա 13.6, Վարդապետություն և Ուխտեր 45.52]:
Նրա ձեռքերի, ոտքերի և կողքի վերքերը նշաններ են, որ մահկանացու կյանքում ցավոտ բաներ կարող են տեղի ունենալ նույնիսկ մաքուրների և կատարյալների հետ՝ նշաններ, որ նեղությունը ապացույց չէ, որ Աստված մեզ չի սիրում: Այն կարևոր և հուսադրող փաստ է, որ վիրավոր Քրիստոսն է գալիս մեզ փրկելու:
(Ջեֆրի Ռ. Հոլլանդ, Քրիստոսը և Նոր Ուխտը [1997], 258-59)
Հովհաննես 20.17 Փրկիչն ի՞նչ նկատի ուներ, երբ Մարիամ Մագթաղենացուն ասաց՝ «մի դիպչիր ինձ»
Երեց Բրյուս Ռ. Մակքոնքին (1915–85) Տասներկու Առաքյալների Քվորումից բացատրել է.
«Աստվածաշնչի Հակոբ թագավորի թարգմանությունը վկայակոչում է «Մի դպչիր ինձ» Հիսուսի խոսքերը: Ջոզեֆ Սմիթի Թարգմանությունում ասվում է. «Մի բռնիր ինձ»: Հունարենից արված տարբեր թարգմանություններում օգտագործվում է «Մի կառչիր ինձանից» կամ «Մի բռնիր ինձ»: Ոմանք այս արտահայտությանը տալիս են «Այլևս մի կառչիր ինձանից» կամ «Այլևս մի բռնիր ինձ» իմաստը: Որոշներն էլ մեկնաբանում են. դադարել պահել կամ բռնել նրան, ենթադրելով, որ Մարիամն արդեն բռնվել էր նրանից: Հիմնավոր պատճառ կա ենթադրելու, որ Մարիամին փոխանցած Տիրոջ միտքը եղել է հետևյալը. «Դու չես կարող պահել ինձ այստեղ քանի որ ես պատրաստվում եմ համբարձվել իմ Հոր մոտ»:ս
(Բրյուս Ռ. Մակքոնկի, Մահկանացու Մեսիան. Բեթղեհեմից Գողգոթա [1981], 4:264)
Ի՞նչ տեսանյութեր կան, որ կարող են ինձ օգնել պատկերացնել հարություն առած Փրկիչի հայտնությունները
Կարող եք դիտել հետևյալ տեսանյութերը (որոնք մատչելի են ChurchofJesusChrist.org կայքում)․ «Հիսուսը հարություն է առել» (4:05)
Jesus Is Resurrected
Peter and John find the empty tomb. Jesus, now resurrected, appears to Mary.
«Քրիստոսը հայտնվում էմմաուս տանող ճանապարհին» (3:32)
Christ Appears on the Road to Emmaus
The resurrected Christ walks with two men on the road to Emmaus. He blesses and breaks bread with them and then vanishes from sight. Their hearts burned within them. Luke 24:13–33
«Երանի նորանց, որ չեն տեսել եւ հավատում են» (2:29)
Blessed Are They That Have Not Seen, and Yet Have Believed
Thomas, one of the Twelve, doubts the appearance of the risen Lord. Christ appears and tells him, “Blessed are those who have not seen, and yet have believed.” John 20:24–29