Ao faaauau le Lauga a Iesu Keriso i luga o le Mauga, sa Ia aoao atu i auala ua Ia faataunuuina ai le tulafono a Mose, ma sa Ia folasia atu le tulafono maualuga atu o le talalelei. O lenei lesona e fesoasoani atu ia e ola ai i le tulafono maualuga atu a Keriso ina ia mafai ona avea oe e faapei o le Tama Faalelagi.
Ua aoao mai e Iesu Keriso le tulafono maualuga atu o le talalelei
O a ni taimi sa fesoasoani ai lou tu i se mea maualuga e faaleleia ai lau vaaiga?
O a ni mea na mafai ona e vaaia sa le mafai ona e iloa muamua?
E pei lava ona mafai e se mea maualuga ona maua mai ai se vaaiga sili atu, na aoao mai e le Faaola se tulafono e maualuga atu ia tatou maua ai se vaaiga e sili atu. O lenei vaaiga e sili atu e mafai ona fesoasoani ia tatou avea atili ai e faapei o Ia ma le Tama Faalelagi.I le Mataio 5:17–20 sa aoao mai le Faaola na sau o Ia e faataunuu le tulafono a Mose—ae le faaumatia, pe aveesea, le upumoni e faavavau i na tulafono. Sa toefuatai e Iesu Keriso le atoatoaga o le talalelei sa leiloloa ona o le amioleaga ma le liliuese. Na Ia faasa’oina aoaoga sese ma faataunuuina valoaga a perofeta o le Feagaiga Tuai. I le Mataio 5:21–47 o loo aofia ai aoaoga a le Faaola e uiga i tulafono ma tu masani a tagata Iutaia sa atiinae i lalo o le tulafono a Mose. I fuaiupu nei, ua faamatala mai ai e Iesu Keriso le uiga moni o le tulafono a Mose ma aoao mai ai se ala e maualuga atu o le amiotonu.
Faitau i le Mataio 5:38–42, ma sue se faataitaiga e tasi o se poloaiga mai le tulafono a Mose ma le tulafono e maualuga atu sa aoao atu e Iesu i Ona soo e suia ai lena poloaiga.
O le a se mea e tasi na faailoa mai e le Faaola o se vaega o le tulafono a Mose po o ni isi o tu masani sa faatuina e tagata?
O le a le tulafono maualuga atu sa tuuina atu e le Faaola e suia ai?
E faapefea i le ola ai i lenei tulafono maualuga atu ona fesoasoani tele i se tagata nai lo le tulafono tuai ina ia avea atili ai faapei o le Tama Faalelagi?
1. Mafaufau i ou tulaga patino, ma filifili ma le agaga tatalo se tasi o gaoioiga nei e faamae’a.
Gaoioiga A: E faapefea ona ou pulea lo’u ita?
Mafaufau i le taimi mulimuli sa e ita ai.
Aisea e te manatu ai e taua le puleaina o lou ita?
Faitau le Mataio 5:21–24, e vaai po o le a le tulafono maualuga na aoao mai e le Faaola e uiga i le ita.
O i ai se mea i nei fuaiupu e te manao e faailoga? Afai e iai, aisea?
O le fasifuaitau “ita fua” i le fuaiupu 22 ua aveese i le Faaliliuga a Iosefa Samita (i le Mataio 5:22, vaefaamatalaga e).
Na faamalamalama mai e Elder Lynn-G. Robbins o le Korama a Fitugafulu:
Ata
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
E malie le le maua o le fasifuaitau “ita fua” i le Faaliliuga musuia a Iosefa Samita (tagai i le Mataio 5:24), e le o i ai foi i le 3 Nifae 12:22 . Ina ua tuuese e le Alii le fasifuaitau “ita fua,” na Ia tuua i tatou e aunoa ma se ’alofaga. “Ae, o la’u mataupu lenei, ia aveesea mea faapena” [ 3 Nifae 11:30 ]. E mafai ona tatou “faia e aunoa” ma le ita, aua o le mea lea sa Ia aoao mai ma ua poloaiina ai i tatou.
(Lynn G. Robbins, “Agency and Anger,” Ensign, May 1998, 80)
Sa faamatala auilili mai e Peresitene Thomas S. Monson (1927–2018) la tatou matafaioi i le puleaina o lo tatou ita.
Ata
Official portrait of President Thomas S. Monson, 2008.
O le ita o le gauai atu lea i le faatosinaga a Satani. E leai se tasi e mafai ona faia tatou ia ita. O la tatou lava filifiliga. Afai tatou te mananao ia i ai se agaga lelei e faatasi ma i tatou i taimi uma, e tatau ona tatou filifili e aloese mai le ita. Ou te molimau atu e mafai ona fai lena mea.
(Thomas S. Monson, “Ia Pulea Ou Lagona, Lo’u Uso,” Ensign po o le Liahona, Nov. 2009, 68)
Afai na e filifilia le gaoioiga A, tali fesili nei i totonu o lou api talaaga mo suesuega.
O a auala e avea ai le Faaola ma faataitaiga o le tulafono maualuga?
O le a se mea e mafai ona e faia e maua ai le mana o le Faaola e fesoasoani atu ia e ola ai i lenei tulafono maualuga atu?
Gaoioiga E: Aisea e tatau ai ona ou aveese lagona o le tuinanau?
Ata
A dandelion weed.
Mata o le a se mea e tupu pe afai e le vele eseina ia vao mai se togalaau?
E faapefea ona faatusatusa o tatou mafaufauga e le talafeagai i vao i totonu o se togalaau?
Faitau le Mataio 5:27–28, ma vaavaai mo agasala sa lapataia ai tatou e le Faaola.
Na faatalanoaina e Elder Jeffrey R. Holland o le Korama a Aposetolo e Toasefululua, le matautia o le agasala o le tuinanau:
Ata
Official Portrait of Elder Jeffrey R. Holland. Photographed January 2018.
Aisea ua avea ai le tuinanau ma se agasala “matautia”? Ia, e faaopoopo atu i le faatamaiaina o o tatou agaga e ala i le tulieseina o le Agaga, ae ou te manatu o se agasala aua na te faaleagaina le sootaga aupito maualuga ma sili ona paia ua tuuina mai e le Atua ia i tatou i le olaga nei—o le alofa o se alii ma se tamaitai o le tasi i le isi, ma le naunau o le ulugalii e aumai ni fanau i se aiga ua faamoemoe ina ia faavavau. … O le alofa e otometi ai lava ona tatou aapa atu i le Atua ma isi tagata. O le tuinanau, i le isi itu, e matuai aunoa ma se amioatua ma e fiafia i le faamalieina o le tagata lava ia. O le alofa e oo mai ai ma lima agalelei ma se loto matala; o le tuinanau e na o le matelaina lava e oo mai ai.
(Jeffrey R. Holland, “Ia Lē Toe Ulu Mai I Lo’u Agaga Lē Ita Mai ia te Au,” Ensign po o le Liahona, Me 2010, 44–45)
E tusa ai ma le veleina o vao mai le togalaau, e mafai ona tatou aveese manatu e le mama mai o tatou mafaufau. Faitau le Mataio 5:29–30, e aofia ai ma le Faaliliuga a Iosefa Samita o le Mataio 5:33–34 (e maua i le Mataio 5:30, vaefaamatalaga e). Mafaufau e faailoga mea na aoao mai e le Faaola.
O a ni mea na e faitauina na tumatila mai ia te oe? O a ni au fesili e uiga i nei fuaiupu?
Atonu e te manao e matamata le vitio “Watch Your Step” (2:36), o loo maua i le ChurchofJesusChrist.org. A o e matamata, vaavaai le aafiaga o le faaiuga a le tamaloa e aveese pe aua foi le aveesea mafaufauga tuinanau mai lona mafaufau.
Afai na e filifilia le gaoioiga E, tali fesili nei i totonu o lau api talaaga mo suesuega.
E faapefea ona tutusa le ave ese o agasala mai o tatou olaga ma le sali ese o se mata po o le tipiese o se lima?
O a ni faafitauli e ono tulai mai pe a tatou le mulimuli i le fautuaga a le Faaola e aveese agasala mai o tatou olaga?
O le a se mea e mafai ona e faia ina ia e mauaina le mana o le Faaola e aveese ai nei lagona tuinanau po o mafaufauga le talafeagai?
Gaoioiga I: E faapefea ona ou taulimaina tagata e le lelei lo matou va?
Mafaufau i se tagata e le lelei lo lua va.
O a ni ou lagona i le aafia o la oulua sootaga ma lou Tama Faalelagi ona o ou lagona agaleaga mo lenei tagata?
Faitau i le Mataio 5:43–47, ma vaavaai mo le tulafono maualuga atu na aoao mai e Iesu e mafai ona fesoasoani ia te oe.
O a ni upu po o ni fasifuaitau sa tumatila mai ia te oe? Aisea e te manatu ai e taua na mea?
Sa faamatala mai e Peresitene Dieter F. Uchtdorf o Iesu Keriso o le faataitaiga atoatoa o lenei mataupu. Atonu e te manao e matamata i le vitio “The Merciful Obtain Mercy” mai le taimi 10:46 agai le 11:57 o loo maua i le ChurchofJesusChrist.org, pe faitau i le fuaitau lenei.
Ata
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
E pei lava ona masani ai, o Keriso o lo tatou faataitaiga. I Ana aoaoga e pei o Lona soifuaga, sa Ia faaali mai ia i tatou le ala. Sa Ia faamagalo i tagata leaga, o e le taupulea, ma i latou na saili e faatiga ma faamanu’a o Ia.
Sa fetalai mai Iesu e faigofie lava le alofa atu ia i latou e alolofa ia i tatou; e oo lava i tagata leaga e mafai ona latou faia lena mea. Ae sa aoao mai e Iesu Keriso se tulafono maualuga atu. Sa Ia fetalai i nei upu i seneturi ua leva ae e faatatau foi ia i tatou i aso nei. Ua faatatau ia i latou uma e mananao ia avea ma Ona soo. Ua faatatau mo oe ma au: “Ia outou alolofa atu i e ua ita mai ia te outou, ia outou faamanuia atu i e ua fetuu mai ia te outou, ia outou agalelei atu i e ua inoino mai ia te outou, ia outou tatalo foi mo e ua tuuai fua mai ma faasaua mai ia te outou” [ Mataio 5:44 ; tagai foi i le fuaiupu 45–47 ].
Pe a faatumulia o tatou loto i le alofa o le Atua, e oo ina tatou “feagalegaleia’i, femutimutivalea’i lo tatou alofa [o le tasi i le isi], faapei ona faamagaloina i tatou e le Atua ia Keriso” [ Efeso 4:32 ].
(Dieter F. Uchtdorf, “O Le e Alofa Atu e Alofaina Mai,” Ensign po o le Liahona, Me 2012, 76)
Afai na e filifilia le gaoioiga I, tali fesili nei i totonu o lou api talaaga mo suesuega.
Na faapefea lagona o le Faaola ia i latou sa agaleagaina o Ia?
O le a sou aafiaga i lou taumafai ai e alofa atu i tagata e ita mai ia te oe pe tatalo foi mo i latou e agaleaga ia te oe?
O le a sou manatu o le a se mea e mafai ona e faia e utuvai ai mai le mana o le Faaola e fesoasoani ai ia e alofa i ou fili?
Ola i le tulafono maualuga atu
Mafaufau loloto i se elemene o le tulafono maualuga atu e te lagona lou manaomia ona tulimatai e ola ai. Mafaufau e ole atu i le Tama Faalelagi mo se faamagaloga ma fesoasoani ia te oe a o e taumafai malosi e salamo ma ola ai i lenei tulafono. Saili le taitaiga a le Agaga ia e iloa mea e tatau ona e faia. Atonu e te manao e talanoa i ou matua, le epikopo, po o se isi taitai o le Ekalesia ina ia mafai ona latou fesoasoani atu ia te oe ia e ola ai i lenei tulafono.
O se iota o se mataitusi e pito sili ona laitiiti i le pi faitau faaEperu. Ofasi mataitusi e maka ai faaleoga eseese o upu i le gagana tusitusi. Na ta’ua e le Faaola nei elemene o tusitusiga e faailoa ai o le a Ia faataunuuina vaega uma o le tulafono a Mose e oo lava i le auiliiliga e pito sili ona itiiti.
O le upuRaka o se upu Aramika ma Eleni e ta’u mai ai le inosia o se tagata. E mafai foi ona faauiga o se “tagata e faaletonu le mafaufau, vale, pe leai se faiai.”
O le mulilua o le fai o ni feusuaiga e tagata e toalua ae ua faaipoipo i se tasi le isi po o laua uma foi. (Tagai i Taiala i Tusitusiga Paia, “ Mulilua, ” scriptures.ChurchofJesusChrist.org.)
Mataio 5:43 . O fea na sau ai le upu “Ia e alofa atu i le lua te tuaoi, a ia inoino i le ua ita mai ia te oe”?
O le poloaiga “ia e alofa atu i lou tuaoi” o loo maua i le Levitiko 19:18, peitai e leai se mau o i le Feagaiga Tuai o loo poloaiina ai i tatou e inoino i le ua ita mai. E foliga mai sa faasino e le Faaola i se faaupuga masani i Ona taimi.