Jesus Christ sitting on a hillside preaching to a crowd of people. Mountains and sea are visible in the background. A reproduction by Grant Romney Clawson of the original “Sermon on the Mount” by Harry Anderson.
Sa amata le lauga a le Faaola i luga o le mauga i le aoao atu o tagata i se auala e faamanuia ma fiafia ai latou. Sa saunoa Peresitene Harold B. Lee (1899-1973), o nei a’oa’oga “e aofia ai ma le faamaoni, se faavae mo se olaga sili ona atoatoa lelei” (A’oaoga mai Peresitene o le Ekalesia: Harold B. Lee [2000], 200). O le a fesoasoani lenei lesona ia te oe e iloa ai uiga Faakeriso, ma fai sau fuafuaga e atiina ae ai ao e sailia le fiafia ma le atoatoaga.
Faateleina o le fiafia
Ata
Tonga. Group of young men and young women eating.
O le a se taimi sa matuā e fiafia ai lava?
Pe na umi lenā fiafia? Aisea na umi ai pe na lē umi ai foi?
A o amata e le Faaola Lana galuega, sa Ia tuuina atu se lauga e lata ane i le Sami o Kalilaia. O lea lauga e tele lava ina ta’u o le Lauga i luga o le Mauga ma o loo tusia i le Mataio 5–7 . A o afio atu Le Alii e asiasi ia Sa Nifae, sa Ia tuuina atu se lauga faapena foi (tagai i le 3 Nifae 12–14).
O le Mataio 5:1–12 ua lauiloa o Faaamuia, e sau mai i se upu Latina o lona uiga o le “amuia” po o le fiafia ( Mataio 5:3, vaefaamatalaga a). I nei fuaiupu, na faailoa mai ai e Iesu ia uiga faaleatua ua ia te Ia ma Lona Tama ia e taitai atu ai i le fiafia moni i lenei olaga ma i le olaga a sau. O le atiina’e o nei uiga faaleatua o le a fesoasoani ai e te avea atili ai faapei o le Tama Faalelagi ma Iesu Keriso.
Faitau le Mataio 5:1–12, ma vaavaai ma maka ia uiga faaleatua na aoao mai e le Faaola e uiga i faamanuiaga folafolaina mo uiga faaleatua taitasi.
Pe mafaufau e matamata le vitio “Sermon on the Mount: The Beatitudes” mai le taimi 0:00 agai le 1:15, e faalogologo ai i uiga faaleatua sa aoao mai e le Faaola. O loo maua lenei vitio i le ChurchofJesusChrist.org.
O se tasi a’oa’oga e atagia ma manino mai i nei faitauga o le a tatou atina’eina uiga Faakeriso, e maua atili e i tatou le fiafia.
O le a sou manatu i le ala na soifua ai le Faaola na saofaga i Lona fiafia?
Aoao e uiga i se tasi pe sili atu o uiga faaleatua o lo o ta’ua i lalo. Toe manatunatu pe mafai faapefea e le atiina ae o le uiga faaleatua ma le mauaina o ona faamanuiaga ona fesoasoani ia te oe ia e fiafia.
Loto maualalo. O le lotomaualalo o le “iloa ma le agaga faafetai lou faalagolago atu i le Alii—o le malamalama lea o loo i ai ia i tatou le manaomia faifai pea o Lana fesoasoani. O le lotomaulalo o se faailoaga lea o a tatou taleni ma tomai o meaalofa mai le Atua” (Autu o le Talalelei, “Lotomaualalo,” topics.ChurchofJesusChrist.org).
Faanoanoa. O le lagona ma le faaalia o le faanoanoa i se mea. E mafai e se tagata ona faanoanoa i fitā o le olaga e oo i ai i latou ma isi. E faavauvau foi se tagata ona o le faanoanoa i agasala.
Agamalu. O le “‘Mata’u i le Atua, amiotonu, loto maualalo, mafai ona a’oa’oina, ma onosa’i i mafatiaga’ [Taiala i Tusitusiga Paia, ‘Agamalu,’ scriptures.ChurchofJesusChrist.org]. Mo i latou o lo’o iai lenei uiga, e loto e mulimuli ia Iesu Keriso, ma o ō latou uiga e to’a, agamalu, onosa’i ma ua’igofie” (Ulisses Soares, “Ia e Agamalu ma Loto Maualalo,” Ensign po o le Liahona, Nov. 2013, 9).
Alofa atu. O le iai o uiga “agaalofa, fa’aaloalo, faamagalo atu, agamalu, ma onosai, tusa lava pe o tatou iloa ia faaletonu o isi tagata” (Autu o le Talalelei, “Alofa Mutimutivale,” topics.ChurchofJesusChrist.org).
Loto mamā. O le faitaulia ma i latou o e “alolofa i le Alii, o e saili e mulimuli ia te Ia ma tausi Ana poloaiga, o e e taumafai e ola i olaga mama ma tumau faamaoni e oo i le iuga. O e loto mama o i latou o e pulea o latou mafaufauga e tausisia le saoloto o i latou lava mai faiga ma amioga le mama” (Sheldon F. Child, “O Afioga a Iesu: Ola Mama,” Ensign po o le Liahona, Ian. 2003, 44).
Faatupu filemu. “O le fesoasoani i tagata ia maua le tulaga e laugatasia ai, tusa lava pe vaai isi tagata i eseesega” (Henry B. Eyring, “Aoaoina i le Perisitua,” Ensign po o le Liahona, Me 2011, 63).
Sauaina ona o le amiotonu. O le naunau e usitai ma puipui Iesu Keriso ma Ana aoaoga, tusa lava pe amusia pe agaleagaina ai i tatou mo le faia o lena mea.
1.
Ua faapefea ona faataitai e le Faaola se tasi pe sili atu foi o nei uiga faaleatua i tusitusiga paia po o i lou olaga?
O le a faapefea e le atiinaeina o le uiga faaleatua po o uiga faaleatua na e filifilia ona faateleina ai lou fiafia? Aisea?
Faailoaina o uiga faaleatua i lou lava tagata
Fai le iloiloga lenei. Ua faamoemoe e fesoasoani ia te oe e iloa lelei ai uiga faaleatua ua e ola ai ma uiga e mafai ona e atiina ae atili.
Tusi se numera mai le 1 i le 5 i autafa o uiga faaKeriso taitasi (1 ”e lei matuai atinaeina” ma le 5 ”maualuga le atinaeina”).
__ Ou te loto maualalo [pe ou te mativa i le agaga].__ Ou te lagona le faanoanoa mo isi pe a latou faavauvau, ma ou te lagonaina foi le faanoanoa faaleatua pe a ou agasala.__ Ou te agamalu.__ Ou te fia ‘ai ma fia inu i le amiotonu.__ Ou te alofa atu.__ Ou te loto mama.__ Ou te fa’atupu filemu.__ Ou te faatuatua pe a sauaina a’u ona o o’u talitonuga.
Faailoa mai ni uiga faaleatua o loo gasolo lelei ona e atiinae, ma ave le faafetai i le Atua mo lou agai i luma ina ia e faapei atili o Ia ma Iesu Keriso. Mafaufau i uiga faaleatua o loo e mana’o e atinae atili, ma fesili i le Atua e fesoasoani ia te oe i le atina’eina.
A faapea e faigata ia oe ona e iloa po o a uiga faaleatua o loo e lelei ai pe manaomia ai foi lou galue ai, e ono fesoasoani, le talatalanoa ma ou matua, po o nisi tagata faatuatuaina. Fesili i ai e faailoa mai po o a ni uiga faaKeriso ua latou iloa ia te oe ma nisi uiga e mafai ona e faaleleia atili.
O le matafaioi a le Faaola i le atiinaeina o uiga faaKeriso
E tatau ona tatou maua le fesoasoani a le Faaola e atinae ai uiga Faakeriso. Sa faamatala mai e Elder Dieter F. Uchtdorf o le Korama a Aposetolo e Toasefululua:
Ata
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
O uiga faa-Keriso o ni meaalofa mai le Atua. E le mafai ona atiina ae e aunoa ma Lana fesoasoani. O le fesoasoani e tasi lea tatou te manaomia uma lea ua tuuina fua mai ia i tatou e ala i le Togiola a Iesu Keriso. O le i ai o le faatuatua ia Iesu Keriso ma Lana Togiola o lona uiga o le faalagolago atoa atu lea ia te Ia—faalagolago i Lona mana faavavau, atamai, ma le alofa. O uiga faaKeriso e oo mai i o tatou olaga a o tatou faaaogaina ma le amiotonu o tatoufaitalia. O le faatuatua ia Iesu Keriso e taitaiina atu ai i faatinoga. A i ai lo tatou faatuatua ia Keriso, ua lava lo tatou faatuatua i le Alii e mulimuli ai i Ana poloaiga—e tusa lava pe le atoatoa lo tatou malamalama i o latou mafuaaga. I le saili atu ina ia avea atili e faapei o le Faaola, e moomia ai ona tatou toe iloiloina o tatou olaga e le aunoa ma faalagolago i le ala o le salamo moni, i le atoatoa ona lelei o Iesu Keriso ma faamanuiaga o Lana Togiola.
(Dieter F. Uchtdorf, “Uiga FaaKeriso—O Le Mana lea e Siitiaina i Tatou i Luga,” Ensign po o le Liahona, Nov. 2005, 102–103)
O le a se mea sa e matauina i lenei saunoaga e mafai ona fesoasoani ia te oe i le atinaeina o uiga Faakeriso?
Fai se fuafuaga
2. Faamaea le galuega atofaina lenei i lau api talaaga mo suesuega.
Atinae se fuafuaga e te galue ai ia e avea atili e faapei o le Tama Faalelagi ma Iesu Keriso. Faaaofia ai ma ni faatinoga e mafai ona e faatinoina i aso taitasi e te manatu o le a fesoasoani ia oe. Manatua e saili le fesoasoani a le Faaola. Mafaufau e fesili i aiga ma uo faatuatuaina e lagolago atu i au taumafaiga. Atonu foi e te manao e tusifaamaumau lau fuafuaga i totonu o lau Tusi Taiala Mo Talavou po o lau api talaaga mo suesuega.
Faitalia pe Fai: O e Manao e Suesue Atili?
Na faapefea ona aoao i tatou e le Faaola e uiga i Ona uiga i le Lauga i luga o le Mauga?
Na aoao mai Peresitene Harold B. Lee (1899–1973) e faapea:
Ata
Head and shoulders portrait of LDS Church President Harold B. Lee.
Na afio mai Keriso i le lalolagi e le gata e fai ma Togiola mo agasala a tagata ae ia faia foi ma se faataitaiga i luma o le lalolagi e uiga i le tulaga o le atoatoa i le tulafono a le Atua ma o le usiusitai i le Tama. I lana Lauga i luga o le Mauga na tuu mai ai e le Matai ia i tatou se faaaliga o lana lava amio, lea e atoatoa lelei, … ma o le faia faapea ua aumai ai ia i tatou se mamanu mo o tatou lava olaga.
(Aoaoga a Peresitene o le Ekalesia: Harold B. Lee [2000], 199–200)
O le a le uiga, o i latou o e fiafeinu i le amiotonu o le a malilie i latou?
Ina ua tuuina atu e le Faaola le Lauga i luga o le Mauga i Amerika, sa Ia fetalai, o i latou o lo’o fiaa’ai ma fiainu i le amiotonu “e maoona i latou i le Agaga Paia” ( 3 Nifae 12:6).
O a nisi o uiga FaaKeriso?
Mafaufau e matamata le vitio “Christlike Attributes” (2:53), e maua i le ChurchofJesusChrist.org. O lenei vitio e faailoa ai isi uiga faaleatua o le Faaola ma sa faataitai mai i Lona soifuaga.
