Atamai i Aoaoga Faavae: Iloiloga Toe Faamanatu 2
1 Korinito 6:19–20 e oo i le Faaaliga 20:12
O lenei toe faamanatu o le suesuega mo le atamai i aoaoga faavae ua mamanuina e fai ma se aafiaga e aoao ai ma fesoasoani i tagata aoga e toe faamanatu ia fuaitau e 13 o le atamai i aoaoga faavae o loo maua i le 1 Korinito e oo i le Faaaliga. O le a fesoasoani foi e saunia ai tagata aoga mo le isi iloiloga i le lumanai (“Atamai i Aoaoga Faavae: Suesuega Toe Faamanatu 2”) ma faataga i latou e faaali mai le malamalama ma le faaaogaina o nei fuaitau.
O lenei lesona toe faamanatu ua fuafuaina e faaaoga e fai ma se aafiaga e aoao ai faafesagai pe e ala foi i feutagaiga faavitio.
Faaaoga lenei faamanatu ma faatino le galuega atofaina mo le atamai i aoaoga faavae i soo se taimi pe a uma ona aoao atu fuaitau uma o le atamai i aoaoga faavae mai le 1 Korinito e oo i le Faaaliga. Atonu e manaomia le aoao atu o ni isi o lesona o le atamai i aoaoga faavae a o lei oo mai i le faasologa o tusitusiga paia ina ia mafai ai ona faia le suesuega toe faamanatu a o lei oo i le faaiuga o le semesa.
Gaoioiga E Ono Mafai Ona Aoao Ai
O le atamai i aoaoga faavae i lou olaga
Mafaufau i manaoga o tagata aoga, ma filifili vaega o lenei toe faamanatu o le a sili ona fesoasoani ia i latou e sauni ai mo le “Atamai i Aoaoga Faavae: Suesuega Toe Faamanatu 2.” Valaaulia tagata aoga a o faagasolo lenei toe faamanatu atoa ina ia maitau ia fuaitau latou te le o matua iloa lelei ma fai ni fuafuaga e suesue ma toe faamanatu nei fuaitau e sauniuni ai mo le suesuega.
Fai atu i tagata aoga e manatunatu i fesili nei.
-
Na faapefea ona faamanuiaina oe i le suesueina o fuaitau o le atamai i aoaoga faavae mai le 1 Korinito e oo i le Faaaliga?
-
O anafea na mafai ai ona e faaaogaina mea ua e aoaoina mai nei fuaitau i lou olaga?
O suega pupuu i gaoioiga toe faamanatu 1 ma le 2 e mo le fesoasoani ai i tagata aoga e toe faamanatu ia tusi faasino o le atamai i aoaoga faavae ma fasifuaitau autu o mau. E mafai foi ona faaaoga gaoioiga eseese e fesoasoani e toe faamanatu ai tusi faasino ma fasifuaitau o mau e tusa ai ma manaoga o tagata aoga.
Gaoioiga toe faamanatu 1: Ia iloa tusi faasino o mau ma fasifuaitau autu o mau
Faaali atu le suega puupuu lenei, pe tuuina atu ni ona kopi i tagata aoga.
I se isi auala e ese mai le faaali atu o le suega puupuu po o le tuuina atu o ni kopi i tagata aoga, tusi tusi faasino taitasi i ni fasipepa eseese, ma tuu i totonu o se pesini. Ona tusi lea o fasifuaitau autu taitasi i ni fasipepa eseese, laiti, ma tuu i latou i se isi pesini. Valaaulia se tagata aoga e filifili soo se pepa se tasi mai soo se tasi o pesini ma faitau atu i le vasega. Fesili atu i tagata o le vasega pe latou te iloa po o le a le tusi fesootai po o le fasifuaitau autu. Ona valaaulia lea o se tasi tagata aoga e filifili soo se pepa mai le isi pesini. Ina ia faatupuina le faatalitali fiailoa, mafaufau e ta’u atu i tagata aoga afai e lava lo latou laki e filifili ai le tusi fesootai po o le fasifuaitau autu, o le a latou maua sina meaalofa laitiiti. Afai latou te le seiina le fasipepa fetaui, fesili i le vasega po o le a le mau fetaui po o le fasifuaitau autu. Faaauau lenei faagasologa i le filifili ai e tagata aoga eseese o se fasipepa mai soo se tasi o pesini seia oo ina leai ni fasi pepa o totoe i pesini uma e lua.
Ki o tali: 1-o, 2-g, 3-i, 4-l, 5-u, 6-p, 7-n, 8-a, 9-f, 10-e, 11-m, 12-t, 13-s
Faafetaui fasifuaitau autu nei i le koluma agavale i le fuaitau sa’o o le atamai i aoaoga faavae i le koluma taumatau.
|
1. ___ I le Toetutu, o loo i ai tikeri e tolu o le mamalu. | |
|
2. ___ “O le aso o Keriso … e le oo mai lena aso, seia muai ona taunuu o le tete’a ese.” | |
|
3. ___ “Aua faapei ona oti uma ia Atamu, e faapea foi ona faaolaina uma ia Keriso.” | |
|
4. ___ “O Tusi Paia, e mafaia ona faapoto ai ia te oe e iu ai i le ola i le faatuatua.” | |
|
5. ___ “Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.” |
u. Efeso 1:10 |
|
6. ___ “O le faatuatua, pe afai e le i ai galuega, e mate lava.” | |
|
7. ___ “A e afai ua leai se poto i so outou, ina ole atu ia i le Atua.” | |
|
8. ___ “O lo outou tino o le malumalu lea o le Agaga Paia.” | |
|
9. ___ O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” |
m. Eperu 12:9 |
|
10. ___ “E leai se tane pe a le o i ai le fafine, e leai foi se fafine pe a le o i ai le tane, i le Alii” |
n. Iakopo 1:5–6 |
|
11. ___ O lo tatou Tama Faalelagi o “le Tama o tatou agaga.” | |
|
12. ___ “Ona faamasinoina ai lea o e na oti … e tusa ma a latou amio.” |
s. 1 Peteru 4:6 |
|
13.___ “[Na] folafola atu ai le talalelei i e ua oti.” |
Gaoioiga toe faamanatu 2: Iloa tusi faasino o mau ma fasifuaitau autu o mau
Faaali atu le suega puupuu lenei, pe tuuina atu ni ona kopi i tagata aoga.
I se isi faiga e ese mai le faaali atu o le suega puupuu po o le tuuina atu o ni kopi i tagata aoga, atofa atu i tagata aoga taitasi se isi fuaitau ese o le atamai i aoaoga faavae. Faailoa atu ia i latou o la latou sini o le faaaoga lea o nai upu aupito itiiti e mafai ona avea ma ni faaiteite e fesoasoani ai i le vasega e faailoa mai le tusi faasino o mau talafeagai. Valaaulia se tagata aoga e tu ma faasoa mai se upu fou mai le latou fasifuaitau autu o mau i le tai lima sekone seia oo ina faailoa sa’o mai e le vasega le mau faasino. Ona valaaulia lea o le vasega e tauloto faatasi le fasifuaitau autu o le mau a o lei tu i luga le isi tagata aoga e faasoa mai upu autu mai la latou fuaitau na atofaina i ai. E mafai ona fesoasoani i tagata aoga le toe faamanatu o fasifuaitau autu uma e 13 o mau i le auala lenei nai lo na o fuaitau fautuaina nei.
Ki mo tali: (1) tino; malumalu; Agaga Paia; (2) faavae; aposetolo; Iesu Keriso; (3) oo; muai; tete’a; (4) poto; ole; Atua; (5) folafola; talalelei; oti
Faatumu avanoa i le upu po o upu o loo misi mai fasifuaitau autu o mau.
-
“O lo outou __________ o le __________o le __________” ( 1 Korinito 6:19–20).
-
O le Ekalesia ua “atiina ae i luga o le __________ o le au __________ atoa ma le au perofeta, o le maa tulimanu o __________ __________ lava lea” ( Efeso 2:19–20).
-
“O le aso o Keriso … e le __________ mai lena aso, seia __________ ona taunuu o le __________ ese” ( Tesalonia 2:1–3).
-
“A e afai ua leai se __________ i so outou, ina __________ atu i le __________” ( Iakopo 1:5–6).
-
“[Na] __________ atu foi le __________ i e ua__________” ( 1 Peteru 4:6).
Gaoioiga toe faamanatu 3: Faaaoga le aoaoga faavae
O le a fesoasoani le gaoioiga lenei i tagata aoga e faailoa mai ai ua latou malamalama i fuaitau o le atamai i aoaoga faavae e ala i le tuuina atu ai o le avanoa e faamatala mai ai pe faapefea ona latou faaaogaina ia fuaitau i tulaga o le olaga masani. Tuu atu i tagata aoga e faaaoga a latou tusitusiga paia e fesoasoani ai ia i latou e filifili ai se fuaitau se tasi pe sili atu o le atamai i aoaoga faavae ua latou lagona e mafai ona fesoasoani i le tagata o loo faamatalaina i le gaoioiga. Valaaulia i latou e faamatala mai pe mafai faapefea e le fuaitau na latou filifilia ona fesoasoani i le tagata. O le tele o fuaitau o le atamai i aoaoga faavae e mafai ona faatatau i ata faataitai taitasi.
E mafai ona fai lenei gaoioiga taitoatasi, i ni vaega, o se vasega atoa, pe faaaoga ai se tuufaatasiga o mea uma na e tolu. E mafai foi e tagata aoga ona fai ni a latou lava ata faataitai e foliga moni mo fuaitau o le atamai i aoaoga faavae.
-
E lei leva ona maliu se tasi e pele i lau uo. Ua tele fesili a lau uo e uiga i le mea e tupu ia i tatou pe a mavae le oti.
-
E foliga mai o loo tauivi lou uso ma ni faigata ma o loo fesiligia pe o silafia moni o ia e le Atua.
-
Ua talosagaina oe e se taitai o le Ekalesia e tuuina atu fautuaga i lau tupulaga i se lesona o le Aoga Sa o loo loma i le auala e mafai ai ona latou tumau faamaoni pe a oo ina fetaiai ma manatu sese ma faaosoosoga.
Gaoioiga toe faamanatu 4: Faaaoga mataupu faavae o le mauaina o le malamalama faaleagaga
Mafaufau e faaaoga le ata faataitai lenei e fesoasoani ai i tagata aoga e toefaamanatu mataupu faavae o le mauaina o le malamalama faaleagaga. E ono lelei mo tagata aoga le faia o lenei gaoioiga taitoalua pe i ni vaega toalaiti.
E i ai sau uo o le a faauu mai le aoga maualuga ma o loo popole i faaiuga taua o le a ia faia i lona olaga i nai tausaga o lumanai.
Aoao lau uo e uiga i mataupu faavae nei e tolu o le mauaina o le malamalama faaleagaga ma pe mafai faapefea ona ia faaaogainae maua ai le fesoasoani a le Tama Faalelagi i ona popolega:
Faatino i le faatuatua.
Iloilo manatu faavae ma fesili faatasi ma se vaaiga e faavavau.
Saili le malamalama atili e ala i punavai faalelagi ua atofaina.
-
O a fuaitau o le atamai i aoaoga faavae mai lenei afa o le mataupu e ono fesoasoani i lau uo? E mafai faapefea ona fesoasoani nei fuaitau ia te ia?
-
E fesoasoani faapefea le faaaogaina o mataupu faavae o le mauaina o le malamalama faaleagaga pe a tatou sailia tali i a tatou fesili po o atugaluga?
-
Na faapefea ona e faaaogaina nei mataupu faavae e fesoasoani ai i isi pe foia ai ou lava atugaluga?
Gaoioiga toe faamanatu 5: O fuaitau e i ai se uiga faapitoa i lou olaga
Valaaulia tagata aoga e mafaufau po o le fea o fuaitau o le atamai i aoaoga faavae ua sili ona aafia ai i latou ma fesoasoani e faateleina lo latou malamalama po o le alofa mo le Tama Faalelagi ma Iesu Keriso. Faamalamalama atu o le a latou maua le avanoa e faasoa atu ai le fuaitau na latou filifilia e fai ma vaega o le suesuega iloilo.
Mafaufau e tufa atu le tufaaga lenei i tagata aoga e fesoasoani ai ia i latou e saunia mo le galuega atofaina (“Atamai i Aoaoga Faavae: Suesuega Iloilo 2”).
Atamai i Aoaoga Faavae: Suesuega Iloilo 2—Taiala Suesue
Tauloto le tusi faasino ma le fasifuaitau autu o le mau
Ia faamasani i fuaitau o mau mo le atamai i aoaoga faavae ma fasifuaitau autu o mau. Atonu e te manao e uta mai ma faaaoga le polokalama i masini feaveai o le Atamai i Aoaoga Faavae e fesoasoani ai i lau toe faamanatu.
|
“O lo outou tino o le malumalu lea o le Agaga Paia.” | |
|
“E leai se tane pe a le o i ai le fafine, e leai foi se fafine pe a le o i ai le tane, i le Alii” | |
|
“Aua faapei ona oti uma ia Atamu, e faapea foi ona faaolaina uma ia Keriso.” | |
|
I le Toetutu, o loo i ai tikeri e tolu o le mamalu. | |
|
“Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.” | |
|
O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” | |
|
“O le aso o Keriso … e le oo mai lena aso, seia muai ona taunuu o le tete’a ese.” | |
|
“O Tusi Paia … e mafaia ona faapoto ai ia te oe e iu ai i le ola i le faatuatua.” | |
|
O lo tatou Tama Faalelagi o “le Tamā o tatou agaga.” | |
|
“A e afai ua leai se poto i so outou, ina ole atu ia i le Atua.” | |
|
“O le faatuatua, pe afai e le i ai galuega, e mate lava.” | |
|
“Na folafola atu foi le talalelei i e ua oti.” | |
|
“Ona faamasinoina ai lea o e na oti … e tusa ma a latou amio.” |
Faaaoga aoaoga faavae i tulaga o le olaga masani
-
Faaaoga se fuaitau se tasi pe sili atu o mau o le atamai i aoaoga faavae e fesoasoani ai i se tasi o manao i se taitaiga mo le faia o faaiuga taua i o latou olaga.
-
Afai e te aoaoina se tasi i mea e tutupu i le fuafuaga a le Atua mo Lana fanau pe a mavae le oti, o a fuaitau o le atamai i aoaoga faavae o le Feagaiga Fou e mafai ona e faaaogaina? E faapefea ona e faaaogaina nei fuaitau e faamatala ai le alofa o le Atua mo i tatou?
Ia saunia e faasoa atu po o le fea o fuaitau o le atamai i aoaoga faavae ua sili sona aafiaga ia te oe. O le a le mea ua aoao atu e lena fuaitau ia te oe e uiga i le Tama Faalelagi ma Iesu Keriso?
O mataupu faavae o le mauaina o le malamalama faaleagaga
Toe faamanatu parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022).