Pasiuna sa Manwal sa Magtutudlo sa Seminary sa Bag-ong Tugon
Pasiuna sa Manwal sa Magtutudlo sa Seminary sa Bag-ong Tugon
Imahe
Young adult men and women can be see taking part in class and interacting with the instructor and with each other.
Ang atong Katuyoan sa Seminaries and Institutes of Religion mao “ang pagtabang sa mga batan-on ug mga young adult nga makasabot ug makasalig sa mga pagtulun-an ug Pag-ula ni Jesukristo, mahimong takos alang sa mga panalangin sa templo, ug makaandam sa ilang kaugalingon, sa ilang mga pamilya, ug sa uban alang sa kinabuhing dayon uban sa ilang Amahan sa Langit” (Pagtudlo ug Pagkat-on sa Ebanghelyo: Usa ka Handbook sa mga Magtutudlo ug mga Lider sa Seminaries and Institutes of Religion [2012], x, ChurchofJesusChrist.org).
Ang mga leksiyon ug uban pang mga kapanguhaan niini nga manwal gidisenyo aron makatabang kanimo nga makab-ot kini nga tumong. Sila makatabang kanimo nga magtudlo pinaagi sa Espiritu, magpokus kang Jesukristo, magtudlo sa Iyang doktrina sama sa makita sa mga kasulatan ug sa mga pulong sa mga propeta, ug pagdapit sa mga estudyante nga magkat-on nga makugihon. Sa imong pagbuhat sa ingon, ikaw mahimong makatabang sa mga estudyante nga mapalawom ang ilang pagkakabig ngadto kang Jesukristo ug sa Iyang ebanghelyo.
Mga tool nga Makatabang Kanimo sa Pagpangandam sa Pagtudlo
Ang mga KasulatanAng pagtuon uban sa Dali, Sunod Kanako nga bloke sa kasulatan mao ang usa ka importanteng paagi sa pagpangandam sa pagtudlo sa mga estudyante. Ang mga leksiyon nga nalangkob niini nga manwal nagkinahanglan og madasigon nga magtutudlo nga kanunayng nagtuon sa mga kasulatan ug nagtinguha sa pakig-uban sa Espiritu Santo. Sa imong makanunayong pagtuon sa mga kasulatan, mahimo kang masaligon nga ang Langitnong Amahan magdasig kanimo pinaagi sa Iyang Espiritu kon unsaon pagpahiangay niini nga mga materyal ngadto sa mga panginahanglanon sa imong mga estudyante.
Sinemanang Kinatibuk-an nga Pagpasabot
Kini nga manwal gihan-ay base sa sinemanang mga bloke sa kasulatan sa Dali, Sunod Kanako. Alang sa matag sinemanang bloke sa kasulatan, kini nga manwal naghatag og usa ka sinemanang kinatibuk-ang pagpasabot gisundan sa lima ka mga leksiyon. Ang sinemanang kinatibuk-ang pagpasabot naghatag og usa ka pagsummarize sa pagtudlo sa materyal alang niana nga semana ingon man usab sa pihong kasayoran sa leksiyon nga makatabang kanimo sa pagpangandam sa pagtudlo. Makita nimo ang mosunod nga kasayuran alang sa matag leksiyon:
katuyoan sa leksiyon
mga ideya sa pagpangandam sa estudyante
lista sa mga butang sa leksiyon, mga handout, mga hulagway, mga bidyo, o uban pang mga materyal nga mahimong kinahanglanon nga andamon daan
sugyot sa pagtudlo pinaagi sa videoconference (kon ang pag-access sa content pinaagi sa Gospel Library nga app o Gospel Library online sa ChurchofJesusChrist.org)
Ang pagrebyo sa sinemanang kinatibuk-ang pagpasabot sa sinugdanan sa kada semana mahimong makatabang kanimo sa pagdesisyon unsa nga mga leksiyon ang itudlo ug unsang mga materyal ang tigumon o iandam daan.
Pangitaa ang sinemanang kinatibuk-ang pagpasabot alang sa sunod semana nga mga leksiyon nga imong itudlo. Unsang mga impormasyon ang imong nakita dinhi nga nakatabang kanimo nga mahibal-an daan? Sa unsang paagi kaha nimo magamit kini nga impormasyon diha sa imong pagpangandam sa pagtudlo?
Mga Tip sa Pagtudlo
Ang mga tip sa pagtudlo nagpasabot sa girekomendang mga pagbansay sa pagtudlo ug mga baroganan nga mahimong makatabang kanimo nga molambo isip usa ka magtutudlo. Ang matag leksiyon naglangkob og usa ka tip sa pagtudlo nga nagsunod dayon sa pasiuna ngadto sa leksiyon. Makakita kamo og dugang nga mga pagbansay sa pagtudlo ug mga baroganan diha sa library sa pagpalambo sa kahanas sa magtutudlo nga anaa sa ChurchofJesusChrist.org. Kon mobati ka og kaandam, sulayi pagpatuman kini nga mga tip diha sa imong pagtudlo. Sa imong pagbuhat niana, imong mamatikdan ang mga paglambo sa imong abilidad sa pagtudlo.
Irebyo ang tip sa pagtudlo sa usa ka umaabot nga leksiyon nga imong itudlo. Sa unsang paagi kaha nimo bansayon kini nga sugyot diha sa leksiyon?
Instruksiyon sa Pagtudlo
Ang mga instruksiyon sa pagtudlo gidisenyo aron tabangan ka sa pagpangandam sa pagtudlo. Kini nga mga instruksiyon lagmit mopasabot sa mga katuyoan sa mga kalihokan sa leksiyon o magtanyag og mga sugyot kon unsaon pagpahiangay ang content sa leksiyon aron mas matubag ang panginahanglanon sa mga estudyante. Kini nga mga sugyot mahimong maglakip og alternatibong mga paagi, mga pangutana, o mga kalihokan nga makatabang kanimo nga mopahiangay sa content ug mga kalihokan kon gikinahanglan.
Irebyo ang pipila sa mga instruksiyon sa pagtudlo sa usa ka leksiyon nga imong itudlo puhon. Unsang mga pagpahiangay ang lagmit nimong himoon base sa mga instruksiyon sa pagtudlo nga imong nakita?
Pagpangandam sa estudyante
Ang matag leksiyon naglakip og sugyot alang sa pagtabang sa mga estudyante nga maandam ang ilang mga hunahuna ug mga kasingkasing alang sa kasinatian sa pagkat-on. Ang matag sinemanang kinatibuk-ang pagpasabot naglista og mga ideya sa pagpangandam sa estudyante alang nianang lima ka mga leksiyon sa semana. Mahimo nimong tan-awon kini nga mga ideya sa sinugdanan sa semana ug mainampoong modesisyon unsang mga ideya ang pamati nimo labing makatabang sa imong mga estudyante. Dili nimo kinahanglan gamiton ang matag pagpangandam sa estudyante nga sugyot. Mahimo nimong ipahiangay sila o magmugna og imong kaugalingong mga ideya. Daghan niining mga sugyot ang gidisenyo aron ihatag daan sa mga estudyante usa ka adlaw o labaw pa sa dili pa ang kasinatian sa pagkat-on.
Irebyo ang pagpangandam sa estudyante nga bahin sa imong umaabot nga leksiyon, ug ikonsiderar kon imo ba kining gamiton, ipahiangay, o dili gamiton ang gisugyot nga pagpangandam sa estudyante. Kon makadesisyon ka nga dapiton ang imong mga estudyante sa pagpangandam, unsaon man nimo pagpaambit niini nga pagpangandam nga ideya ngadto kanila? Mahimo nimong ipaambit kini sa pagsulti o ipakita kini sa kataposan sa milabay nga klase o ipadala kini pinaagi sa email o usa ka pagmensahe nga app, kon angay.
Posible nga mga Kalihokan sa Pagkat-onKini nga bahin sa leksiyon naglakip og posibleng mga paagi nga imong buhaton ang kasinatian sa pagkat-on. Wala ka kinahanglana nga mogamit sa tanan niini nga content sa leksiyon nga imong itudlo. Aron ang imong mga estudyante maanaay pinakamaayong kasinatian, kinahanglan nimong gamiton ang content niini nga bahin isip usa ka giya kaysa sa usa ka tamdanan [script]. Kon bag-o lang ka nga nagsugod isip magtutudlo sa seminary, mahimong labing maayo nga magsugod ang pagsunod sa gisugyot nga mga kalihokan sa pagkat-on. Diha sa imong paglambo isip magtutudlo, ikaw mahimong pamilyar sa panginahanglanon sa imong mga estudyante ug malunsay ang imong abilidad sa pagdawat og inspirasyon. Mahimo kang mas makapahiangay sa content niini nga manwal aron mahatagan ang mga estudyante og pagkakabig ug mahinungdanon nga mga kasinatian sa pagkat-on.
Komentaryo ug Background nga ImpormasyonKadaghanan sa mga leksiyon naglakip og usa ka “Komentaryo ug Background nga Impormasyon” nga bahin sa kataposan sa leksiyon. Kini nga bahin naglakip og dugang nga kasayoran nga mahimong makatabang pagpalawom sa pagkat-on. Mahimo kang makakaplag og posibleng mga tubag sa mga pangutana sa mga estudyante o makakaplag og mga pamahayag pinaagi sa mga lider sa Simbahan nga lagmit gusto nimong ilakip sa leksiyon. Kini nga bahin anaa lamang kon ikaw nag-access sa manwal sa magtutudlo pinaagi sa Gospel Library nga app o Gospel Library online diha sa ChurchofJesusChrist.org. Kadaghanan sa mga kasayoran niini nga bahin nalakip usab sa kurikulum sa online seminary ug sa manwal sa estudyante (ubos sa ulohan nga “Opsiyonal: Gustong Makakat-on pa og Dugang?”) kon i-access pinaagi sa Gospel Library nga app o Gospel Library online. Ang “Komentaryo ug Background nga Impormasyon” wala nalakip sa PDF nga bersiyon sa bisan asa sa manwal sa magtutudlo o sa manwal sa estudyante.
Tan-awa kon ang leksiyon nga imong sunod nga itudlo naglakip og “Komentaryo ug Background nga Impormasyon.” Aduna bay bisan unsang mga pangutana, mga tubag, o mga pamahayag ang mga lider sa Simbahan nga makabenepisyong ipaambit ngadto sa imong mga estudyante?
Dugang nga mga Kalihokan sa Pagkat-onKini nga bahin, nalakip usab sa kataposan sa leksiyon, adunay dugang nga mga ideya sa pagkab-ot sa kasinatian sa pagkat-on. Ang dugang nga mga kalihokan sa pagkat-on nalakip lamang sa manwal sa magtutudlo kon ikaw nag-access niini pinaagi sa Gospel Library nga app o sa Gospel Library online diha sa ChurchofJesusChrist.org. Kini nga bahin wala nalakip sa PDF nga bersiyon sa manwal sa magtutudlo o sa manwal sa estudyante.
Kon ang imong umaabot nga leksiyon naglakip og usa ka “Dugang nga mga Kalihokan sa Pagkat-on” nga bahin, irebyo ang mga kalihokan niini. Aduna bay bisan unsa sa imong hunahuna nga makabenepisyong gamiton sa imong mga estudyante agig dugang o ihulip sa mga kalihokan sa pagkat-on nga nalakip sa nag-unang leksiyon [main lesson]?
Doktrinal nga Kahanas
Usa ka importanteng prayoridad alang kanimo isip usa ka magtutudlo ang tabangan ang mga estudyante nga makab-ot ang mga resulta sa doktrinal nga kahanas. Kini nga mga resulta naglakip og pagtabang sa mga estudyante nga
makakat-on ug mogamit sa balaanong mga baroganan alang sa pag-angkon og espirituhanong kahibalo ug
mahanas sa piniling mga tudling sa kasulatan ug sa doktrina sa ebanghelyo ni Jesukristo nga ilang gitudlo.
Ang mahanas sa mga piniling tudling ug sa doktrina sa ebanghelyo ni Jesukristo nga gitudlo niining mga tudling nagpasabot nga ang mga estudyante
makahibalo ug makasabot sa doktrina nga gitudlo diha sa mga tudling sa kasulatan sa doktrinal nga kahanas;
makapasabot sa doktrina sa tin-aw nga paagi gamit ang may kalabotan nga mga tudling sa kasulatan sa doktrinal nga kahanas;
maggamit sa doktrina sa ebanghelyo ni Jesukristo ug sa mga baroganan sa pag-angkon og espirituhanong kahibalo diha sa ilang inadlaw-adlaw nga mga pagpili ug diha sa ilang mga tubag sa doktrinal, personal, sosyal, ug makasaysayanon nga mga isyu ug mga pangutana; ug
makahinumdom ug makatultol sa mga tudling sa kasulatan sa doktrinal nga kahanas ug mamemorya ang mahinungdanong hugpong sa mga pulong sa kasulatan.
Kini mahimong makapabati og pagkasulabi sa sinugdanan, apan makabaton ka og pagsalig nga kining manwal motabang kanimo sa pagtabang sa imong mga estudyante nga makab-ot ang doktrinal nga kahanas. Sa kada set sa lima ka mga leksiyon niini nga manwal, makita nimo ang usa ka leksiyon nga nagtabang sa mga estudyante nga makab-ot kini nga mga resulta. Kini nga mga leksiyon mao ang mga leksiyon sa tudling sa doktrinal nga kahanas o mga rebyo nga leksiyon sa doktrinal nga kahanas.Mga Leksiyon sa Tudling sa Doktrinal nga KahanasAng mga leksiyon sa tudling sa doktrinal nga kahanas—ingon man usab ang kontekstuwal nga leksiyon nga nagsunod sa matag usa—kinahanglang ikonsiderar nga gikinahanglan. Ang matag leksiyon sa tudling sa doktrinal nga kahanas gikinahanglang itudlo panahon sa school year, lakip ang mga leksiyon nga nalaktawan dihang ang seminary wala nagklase. Kining mga gikinahanglan nga mga leksiyon naglakip:
Pasiuna sa Doktrinal nga Kahanas
Pag-angkon og Espirituhanong Kahibalo, Bahin 1, 2, ug 3
ang kontekstuwal nga leksiyon nga nag-una sa kada 24 ka mga leksiyon sa doktrinal nga kahanas
24 ka mga leksiyon sa doktrinal nga kahanas (pananglitan, “Doktrinal nga Kahanas: Lucas 2:10–12” or “Doktrinal nga Kahanas: Juan 3:5”)
Ang mga leksiyon sa tudling sa doktrinal nga kahanas makatabang sa mga estudyante nga
masag-ulo ang pakisayran ug ang mahinungdanong hugpong sa mga pulong sa kasulatan,
mapasabot ang doktrina, ug
mabansay ang paggamit sa mga baroganan sa pag-angkon og espirituhanong kahibalo ug ang doktrina nga gitudlo sa tudling.
Alang sa dugang nga kasayoran mahitungod sa unsaon pagtabang sa mga estudyante pagkab-ot sa mga resulta sa doktrinal nga kahanas, tan-awa ang pagbansay sa “Doktrinal nga Kahanas” nga anaa sa ChurchofJesusChrist.org.
Pagrebyo sa Mga Leksiyon sa Doktrinal nga Kahanas Ang mga leksiyon sa tudling sa doktrinal nga kahanas maghatag og mga kahigayonan sa pagrebyo (o sa ubang kahigayonan, mahimong ipaila) sa pipila sa mga tudling sa doktrinal nga kahanas ug sa pagpaningkamot aron makab-ot ang resulta sa doktrinal nga kahanas. Ang pagrebyo sa mga leksiyon sa doktrinal nga kahanas kay opsiyonal. Kon ang mga estudyante mapakyas og tambong sa usa ka leksiyon sa tudling sa doktrinal nga kahanas tungod kay wala nagklase, mahimo nimong itudlo ang nalaktawan nga leksiyon hulip sa usa ka rebyo nga leksiyon sa doktrinal nga kahanas.
Pagtabang sa mga Estudyante nga Masukod ang Ilang Nakat-onan
Ang pagsukod usa ka importanteng bahin sa pagkat-on. Ang mga kahigayonan sa paghunong ug pagpamalandong sa pagkat-on mahimong usa ka positibo nga kasinatin alang sa mga estudyante ug makapaikag kanila sa ilang padayong pagtubo ug paglambo ngadto sa pagkahimong mas susama sa Langitnong Amahan ug ni Jesukristo. Si Elder Jeffrey R. Holland sa Korum sa Napulog Duha ka Apostoles naghatag niining maalamong tambag alang sa mga magtutudlo:
Imahe
Official Portrait of Elder Jeffrey R. Holland. Photographed January 2018.
“Hinumdomi nga ang usa ka estudyante dili usa ka sudlanan nga pun-on; ang usa ka estudyante usa ka kalayo nga pasigahon”
(“Angels and Astonishment[Sibya sa Pagbansay sa Church Educational System], Hunyo 12, 2019, broadcasts.ChurchofJesusChrist.org).
Ang paghatag sa mga estudyante og mga kahigayonan sa pagsukod sa ilang nakat-onan mao ang usa ka paagi sa paggamit sa tambag ni Elder Holland. Pinaagi sa pagsukod sa ilang nakat-onan, ang mga estudyante mahimong aktibong mga sumasalmot sa proseso sa pagkat-on ug makakuha og dugang nga pagkamay-tulubagon sa ilang pagkat-on. Adunay daghang mga kasinatian sa pagkat-on nga nalakip niini nga kurikulum nga gidisenyo aron maghatag sa mga estudyante og mga kahigayonan sa pagpamalandong kon unsa ang ilang nakat-onan ug giunsa nila pagtubo isip usa ka disipulo ni Jesukristo.
“Sukda ang Imong Nakat-onan” nga mga LeksiyonKini nga manwal naglakip og daghan nga leksiyon sa “Sukda ang imong nakat-onan”. Kini nga mga leksiyon naghatag sa mga estudyante og mga kahigayonan sa pagpasabot sa mahinungdanong doktrina gikan sa Bag-ong Tugon, pagpamalandong sa ilang mga kinaiya ug mga tinguha, ug pagpaambit sa ilang pag-uswag sa pagpalambo sa mga kinaiya nga nakatabang kanila aron mahimong mas debotong mga disipulo ni Jesukristo. Kini nga mga leksiyon mahimong makatabang sa mga estudyante nga mobati og kalipay samtang sila nag-ila sa ilang pagtubo ug ilhon ang umaabot nga mga dapit alang sa dugang nga pag-uswag.
Mga Rebyo nga Leksiyon sa Pagsukod sa Nakat-onanSa kataposan sa kada katunga sa kurso, imong hatagan ang mga estudyante og usa ka pagsukod sa nakat-onan aron tabangan sila nga matimbang-timbang ang ilang abilidad sa pagkab-ot sa mga resulta sa doktrinal nga kahanas. Ang usa ka rebyo nga leksiyon sa pagsukod sa nakat-onan kinahanglang itudlo sa panahon sa klase sa dili pa ang pagdumala sa pagsukod. Ang mga rebyo nga mga leksiyon sa pagsukod sa nakat-onan anaa makita sa appendix niini nga manwal. Kini nga mga leksiyon naglakip og rebyo nga mga kalihokan nga makatabang sa mga estudyante sa pagrebyo sa doktrina, mga pakisayran sa kasulatan, ug mahinungdanong hugpong sa mga pulong sa kasulatan sa matag usa sa mga tudling sa doktrinal nga kahanas nga ilang gitun-an sa una o ikaduhang bahin sa kurso. Kini nga mga leksiyon magtabang usab sa mga estudyante sa pagrebyo sa mga baroganan sa pag-angkon og espirituhanon nga kahibalo.
Pagsukod sa Nakat-onanAng mga pagsukod sa nakat-onan alang sa una ug ikaduhang bahin sa kurso nagpokus sa doktrinal nga kahanas ug nalakip sa appendix niini nga manwal. Ang mga estudyante mahimong mokuha og pagsukod panahon sa usa ka sesyon sa klase ug dayon ikorehir kini sa klase kauban sa tabang sa ilang magtutudlo ug laing mga klasmeyt. Aron makadawat og kredito alang niini nga kurso sa seminary, ang mga estudyante kinahanglan makakuha og marka nga 75% o mas taas pa alang sa kada pagsusi sa nakat-onan. Mahimong sublion [retake] sa mga estudyante ang kini nga mga pagsukod sa makadaghang higayon kon gikinahanglan.
Alang sa dugang nga kasayoran kon unsaon paggamit kini nga manwal aron pagtabang pagsukod sa nakat-onan sa estudyante, tan-awa ang pagbansay sa “Mga Pagbansay sa Pagsukod” nga anaa sa ChurchofJesusChrist.org.
Mga Magtutudlo sa Online Seminary
Kon ikaw usa ka magtutudlo sa online seminary, makita nimo nga makatabang ang pagkonsulta sa content sa manwal sa magtutudlo sa seminary samtang nangandam ka sa mga leksiyon. Bisan tuod og mga leksiyon niini nga manwal ug kadtong anaa sa kurikulum sa online seminary naglakip og parehong content, ang manwal sa magtutudlo sa seminary naglakip usab og mga instruksiyon sa pagtudlo ug dugang nga mga kalihokan sa pagkat-on. Kini nga mga kapanguhaan mahimong makatabang sa imong pagtubag sa mga pangutana sa mga estudyante, mapahiangay ang content sa online nga kurikulum, ug maandam alang sa face-to-face nga klase (bisan sa personal o birtwal).
Dugang pa niini nga manwal ug sa kurikulum sa online seminary, adunay dugang nga kapanguhaan nga makatabang kanimo sa pagtudlo sa online seminary. Ang matag semana sa kurikulum sa online nga seminary naglakip og usa ka wala namantala nga pahina alang sa mga magtutudlo nga giulohan og “Mga Sugyot alang sa Online nga mga Magtutudlo.” Kini nga pahina naglakip og lainlaing mga sugyot aron makatabang kanimo nga mahimong mas makahuluganon ang kasinatian sa online nga pagkat-on alang sa imong mga estudyante. Kini nga mga sugyot naglakip sa:
mga tip sa online nga pagtudlo
mga katuyoan sa leksiyon
mga ideya sa pagpangandam sa estudyante
mga sugyot sa pagtudlo pinaagi sa videoconference
mga sugyot sa pagpahiangay sa online nga content
Ikaw gidasig nga ipahiangay ang online nga content sa seminary aron matubag ang mga panginahanglan sa imong mga estudyante. Ang matag pahina sa kurikulum sa online nga seminary mahimong i-edit ug usbon. Pipila ka mga pagpahiangay nga lagmit nimong mahimo sa online nga kurikulum mahimong maglakip sa
pag-usab sa kalihokan sa leksiyon aron mas mahimong may kalabotan ug makapa-interes sa mga estudyante,
pagtangtang sa pipila ka content nga lagmit daghan ra kaayo o lisod kaayo nga masabtan alang sa mga estudyante,
paghulip sa mga content og usa ka bidyo nga nagrekord kanimo o sa laing tawo nga nagpamatuod mahitungod sa usa ka baroganan o doktrina sa kasulatan o pagpaambit og usa ka personal nga kasinatian, o
pagpuli sa usa ka kinutlo og usa nga gihatag nga mas bag-o o nga mas sayon masabtan alang sa mga estudyante.
Ang mga magtutudlo sa online seminary nagkinahanglang mopahiangay sa pagsunod-sunod sa pipila ka mga leksiyon sa kurikulum sa online seminary aron masunod ang lokal nga mga giya sa pagpadagan [pacing guides].
Mga Magtutudlo sa Home-Study Seminary
Kon ikaw usa ka magtutudlo sa home-study seminary, ang mga estudyante kinahanglang adunay kopya sa manwal sa estudyante sa seminary o adunay access niini diha sa Gospel Library nga app o sa Gospel Library online, nga anaa makita sa ChurchofJesusChrist.org. Kinahanglan kang makigsulti sa mga estudyante mahitungod sa unsa nga mga leksiyon ang ilang tun-an sa balay ug unsa nga mga leksiyon ang inyong tun-an nga magkauban sa birtwal o sa personal. Ang mga leksiyon sa manwal sa estudyante nahiuyon sa parehong mga leksiyon sa manwal sa magtutudlo.
Sa pagdesisyon kon unsa nga mga leksiyon ang itudlo sa face-to-face nga klase, tan-awa unsa nga mga leksiyon ang labing epektibo sa usa ka grupo nga gitakda. Mahimo nimong ipaabot ang mga pagdapit ngadto sa mga estudyante nga makatabang kanila sa pagpangandam sa klase. Ang mga sugyot sa pagpangandam sa estudyante nga nalakip sa sinugdanan sa matag leksiyon mahimong makahatag kanimo og pipila ka mga ideya kon unsaon pagbuhat niini. Diha sa imong pagplano sa mga kasinatian sa pagkat-on sa face-to-face nga mga klase, paggahin og pipila ka oras sa klase aron pagrebyo sa mga pakisayran ug mahinungdanong hugpong sa mga pulong sa kasulatan sa mga tudling sa doktrinal nga kahanas nga bag-ong natun-an sa mga estudyante.
Kinahanglang kompoletohon sa mga estudyante ang ginumerohang mga buluhaton gikan sa manwal sa estudyante ug ipasa nila kini nimo sa labing menos kada semana. Mahimong isumiter sa mga estudyante ang ilang gibuhat sa elektronik (pinaagi sa email, usa ka pagmensahe nga app, o sa susama) o sa journal sa pagtuon. Kon ang mga estudyante magsumiter sa ilang gibuhat sa usa ka journal sa pagtuon, kinahanglan aduna silay duha ka mga journal sa pagtuon aron ilang mabilin ang usa diha kanimo kon gikinahanglan ug magpadayon pagbuhat sa lain, ipuli ang mga journal sa matag higayon nga magkita kamo.
Samtang ikaw nagrebyo sa gibuhat sa mga estudyante, paghatag og feedback nga piho ug mahinungdanon. Pangitag mga paagi sa pagdasig sa imong mga estudyante ug pagtabang kanila nga motubo sa ilang pagkat-on. Posibleng dako usab og ikatabang sa mga estudyante ang imong pagpangita og mga paagi sa pagpakigsulti kanila sa tibuok semana. Pananglitan, kon ikaw nagtuon sa mga leksiyon niini nga manwal samtang ang mga estudyante nagkompleto sa parehong mga leksiyon sa balay, tingale maikag ka sa pagpaambit og usa ka pangutana, morekomendar og bidyo, o laing kapanguhaan gikan niini nga manwal ngadto sa mga estudyante pinaagi sa email, mga group text, o laing mga paagi sa pagpakigsuti. Mahimo usab kang maghatag sa mga estudyante og mga pahinumdom o pagdasig aron matabangan ang pagkahiusa sa klase ug matabangan ang mga estudyante nga mobati og pagkahisakop diha sa ilang pagtuon sa ebanghelyo ug pagtubo nga magkauban.