Wan Paten blong Stap Gro I Kam Antap

Paten ia, i save helpem yu blong groap long ol fofala eria we Jisas i bin groap long hem (luk long Luk 2:52).

Faenemaot

Papa long Heven i bin givim yu ol presen mo ol talen. Yu save prea blong lanem se oli ol wanem presen mo talen, mo wanem yu save wok long hem naoia i go.

Faenem sam aedia long ol pej 44–61.

Mekem Plan

Afta we yu faenemaot olsem wanem yu wantem blong groap, prea mo toktok long famli blong yu long saed blong samting ia. Mekem wan plan. Papa mo mama blong yu, wetem ol lida blong yu oli save helpem yu.

Tekem Aksen

Afta we yu mekem plan blong yu, !yu traem! Tekem ol smol step. Lanem samting wetem ol narawan tru long seves mo ol aktiviti. !Gat gudfala taem! Prea blong kasem help, mo jenisim plan blong yu sapos yu nidim. !Gohed blong traem!

Tingtingbak

Tingbaot wanem yu bin lanem mo olsem wanem samting ia i bin helpem yu blong stap folem Jisas. !Selebretem! Talem tangkyu long Papa long Heven from hamas yu bin groap. Faenem sam wei blong yusum wanem we yu bin lanem blong givim seves long ol narawan. !Gogohed wetem aedia ia, o jusum wan samting we i niu blong yu wok long hem!