yut we i stap mekem ol aktiviti

Yu Gat Wan Stamba Tingting

Papa blong Yu long Heven, mo Pikinini blong Hem, Jisas Kraes, Tufala i save yu mo lavem yu. Yu yu wan impoten pat blong wok blong Tufala. Yu save help blong mekem wol ia i kam gud moa.

Papa long Heven i bin givim yu ol talen mo ol presen long saed blong spirit. Hem i wantem yu blong yu yusum olgeta presen ia, mo ol talen ia, blong yu stap hapi, mo blong yu blesem ol narawan. Hem i save helpem yu blong save olsem wanem blong mekem hemia tru long Tabu Spirit.

Gaedbuk ia blong stap developem yuwan, i save helpem yu taem yu stap developem ol presen blong yu, mo stap folem Jisas Kraes. Yu save kam boe o gel ia we Papa long Heven i save se yu save kam olsem.