“E Dua na iVakarau ni Tubucake,” Torocake Yaduadua: iVoladusidusi ni iTabagone (2019)

“E Dua na iVakarau ni Tubucake,” Torocake Yaduadua: iVoladusidusi ni iTabagone

Dua na iVakarau ni Tubucake

Na tubu e tiki bibi ni ituvatuva nei Tamada Vakalomalagi. Me vukei iko, na Tamada Vakalomalagi e solia vei iko na veidusimaki mai na Yalo Tabu, na ivolanikalou, kei ira na parofita bula. O na vuli mai na veika o sotava, vakabibi ni o vakararavi vei Jisu Kaisito kei na nona Veisorovaki. Oqo e dua na ivakarau me vukei iko mo bulataka na kosipeli ena veitiki kece ni nomu bula.

Kunea na veika e gadrevi mo cakacakataka.

iVakatakilakila

itabagone e masu ka vakasaqaqara tiko

Tuva mo cakava vakacava.

iVakatakilakila

itabagone kei na mape

Cakacaka ena nomu ituvatuva ena vakabauta.

iVakatakilakila

o ira na itabagone era vakayacora na veiqaravi

Lesuva na veika o sa vulica.

iVakatakilakila

na itabagone e vakasama lesu tiko

Kunea

Nomu gagadre, isolisoli, kei na taledi

iVakatakilakila

na tamata era cakava tiko na itaviqaravi

Sa solia vei iko na Tamada Vakalomalagi na isolisoli, taledi, kei na rawa ka. E vinakata o Koya mo kunea ka vakatorocaketaki ira vei iko, ko ira na tamata, ka me vinaka cake talega na vuravura. O na rawa ni vinaka ka tubu vakacava?

Tovolea mo taroga na veitaro vakaoqo:

Na cava au vakila e dodonu meu vulica se veisautaka ena noqu bula?
Na taledi se kila maqosa cava beka au vinakata meu rawata?
Na itovo vakayalo cava beka au gadreva meu tara cake se vakavinakataka?
Au na maroroya vakacava na veiyalayalati au cakava ena gauna au a papitaiso kina?
O cei au na rawa ni qarava?

Na Tamada Vakalomalagi ena sauma na taro oqo ni ko sa vakararavi Vua. Mo masu. Vakasaqara na ivolanikalou kei na nodra vosa na parofita bula. Wilika na nomu veivakalougatataki vakapeteriaki, kevaka e tiko e dua. Vulica mo kidava na vakila kei na vakasama eso mai vua na Yalo Tabu. Ena vukei iko o Koya mo kila na veika e bibi duadua vei iko ena gauna oqo. Kevaka o sega ni vakadeitaka na cava mo cakava, raica na tabana e 58–63.

Tuvana

Me vakavinakataka.

iVakatakilakila

o ira na tamata ena korolevu

Ni ko sa navuca na ka ko na cakacaka kina, tuvanaka na sala o rawa ni cakava kina. Nomu ituvatuva e rawa ni oka kina na veikalawa oqo se na cakacaka, se e rawa me okati kina na sala eso me tarai cake kina e dua na itovo se na ituvaki ni tamata yadua.

Tovolea mo taroga na veitaro vakaoqo:

Na cava na vuna e bibi kina oqo vei au?
Ena vukei au vakacava oqo meu ucui Jisu Karisito vakalevu cake?
Na cakacaka cava au rawa ni taura me yaco kina na ka oqo?
E rawa beka niu vida na cakacaka oqo ki na ikalawa lalai?
Na ituvatuva cava au rawa ni cakava oqo meu vorata kina na bolebole eso au rawa ni sotava?

Masulaka na nomu ituvatuva, ka vakarorogo tiko ki na ka o vakila kei na vakasama o ciqoma. Sa rawa mo kerea na veivuke ni Yalo Tabu, nomu matavuvale, kei ira na nomu iliuliu.

Cakacaka

Mo Tubu ena Vakabauta

iVakatakilakila

tamata era cakava tiko na itaviqaravi

Vakamuria na nomu ituvatuva! Cakava na ivakananumi me vukei iko mo vakanamata tiko. Ko rawa ni cakava e dua na ivola, tuvanaka e dua na alamu, se kerei dua me cakacaka vata kei iko. So na gauna e dau dredre toka na cakacaka ena nomu ituvatuva. Ena so na gauna o na sega ni rawata. Sa donu tiko o ya! Na vulici ni ka e cakacaka kei koya ka sega ni cakacaka e vukei iko mo tubu.

Kevaka o tao, tovolea mo taroga vakaoqo:

Na cava ea cakacaka? Baleta?
Na cava ea sega ni cakacaka? Baleta na cava?
Na cava tale au rawa ni tovolea?
E vei na vanua au rawa ni kauta mai kina na vakasama tale eso?
Au rawa beka ni vida na noqu lalawa ki na ikalawa se cakacaka lalai?
Au na vuli vakacava mai vakataotaki?

Na caka vinaka ni dua na ka e taura na kena vakatovotovotaki kei na vosota. Kerea na veivuke mai na nomu matavuvale, itokani, se iliuliu. Na iVakabula e kilai iko kei na bolebole eso o sotava. E rawa ni vukei iko o Koya mo cakava na veika dredre. Masulaka na veivuke kei na veidusimaki.

Vakasamataka lesu na

Veika Ka o Vulica

iVakatakilakila

na tamata era cabeta na ikabakaba

Tugana baleta na nomu lalawa kei na ituvatuva ni ko sa cakacaka tiko kina kei na gauna sa oti kina. Ko sa vakaevei toka beka?” Na cava soti beka o sa vulica? Vola na vakasama kei na vakayavalati eso e rawa ni vukei iko e muri.

Tovolea mo taroga na veitaro vakaoqo:

Au sa tubucake vakacava?
Au rawa ni taurivaka vakacava na veika au sa vulica meu qaravi ira na tani?
Sa vukei au vakacava na noqu ivalavala meu voleka cake vua na iVakabula?
Au rawa vakacava ni tubu tikoga ena ka oqo?

Ni sa oti nomu cakacaka ena dua na lalawa se ituvatuva, vakavinavinaka vua na Tamada Vakalomalagi kei ira era sa vukei iko kina. Vakasamataka lesu na itavi ni iVakabula ena nomu bula ni ko votai ena sakaramede. Vakasamataka ka masulaka na ka o rawa ni cakava tarava.